Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ady Ao Nagorno Karabakh: “Zaratany Noafahana”

(Marihana fa efa tamin'ny Mey taona 2007 no nivoaka ny lahatsoratra tamin'ny teny Anglisy)

Feno tombatombana momba ireo faritra fito ao Azerbaijan eo ambany ny fifehezan'ny tafika Armeniana sy Karabakh amin'izao fotoana izao, izay antsoin'ireo manana fijery nasionalista kokoa hoe “Zaratany Noafahana” ny  tontolon'ny blaogy Armenianina.

Satria efa akaiky ny fifidianana parlemantera, mitodika indray amin'ny olana voalohany (angamba) ao amin'ny faritra ny fiarahamonina iraisampirenena – dia ny ady mangatsiaka tsy voavaha ary indrindra indrindra, Nagorno Karabakh, hoy i Onnik Krikoryan mijery ny fivoaran-draharaha farany momba ny famahana ny olana, mandinika ny RFE / RL, Today.az sy Eurasia Daily Monitor.

No surprise to discover that mediators from the Organization for Security and Cooperation in Europe (OSCE) were in Yerevan earlier in the week before moving on to Baku. According to RFE/RL’s report posted on the day of their departure, the OSCE Minsk Group mediators have said they hope that the Armenian and Azerbaijani presidents will meet on the sidelines of a summit to be held in St. Petersburg on 10 June. With presidential elections set to take place in both Armenia and Azerbaijan next year, there really is very little time and only a small window of opportunity for a long anticipated breakthrough framework agreement.

Tsy mahagaga raha nahita fa tany Yerevan tamin'ny fiandohan'ny herinandro talohan'ny nifindrana tany Baku ireo mpanelanelana avy amin'ny Fikambanana misahana ny Fiarovana sy ny Fiaraha-miasa any Eoropa (OSCE). Araka ny tatitry ny RFE / RL navoaka tamin'ny andro nialany, nanambara ireo mpanelanelana ao amin'ny vondrona OSCE Minsk fa manantena izy ireo fa ny filoham-pirenena Armeniana sy Azerbaijan dia hihaona amin'ny fihaonambe izay hatao ao Saint-Petersburg amin'ny 10 Jona. Noho ny fifidianana filoham-pirenena hatao any Armenia sy Azerbaijan amin'ny herintaona, tena kely ny fotoana ary fotoana bitika ahafahana manao fifanarahana ara-barotra efa nandrasana hatry ny ela.

Raha mitady vahaolana azo hamahana ny fifandonana ny Oneworld Multimedia, mitatitra kosa ny gazety Armenian Breaking News fa mandrisika an'i Azerbaijan amin'ny ady ao Karabakh i Tiorkia:

«The Nagorno Karabakh conflict cannot be settled peacefully. Everyone should know that lands which were seized with bloodshed cannot be returned bloodlessly,» said lieutenant general Yasak Demikbilek, former chief of Turkish intelligence agency.

«Ny adin'i Nagorno Karabakh dia tsy mety vahàna am-pilaminana. Tokony ho fantatry ny rehetra fa ny tany izay nalaina tamin'ny fandatsahan-drà dia tsy azo averina tsy misy fandatsahan-drà, “hoy ny lietnà jeneraly Yasak Demikbilek, lehiben'ny sapam-pitsikilovana Tiorka taloha.

Araka ny voamarik'i Onnik Krikoryan ihany koa tamin'ny lahatsoratra voatonona etsy ambony, manohy manelingelina ireo mpanao politika sy mpikatroka ao Armenia ny olan'ny faritra fito ao Azerbaijan izay eo ambany fahefan'ny tafika Armeniana sy Karabakh. Tamin'ny alalan'ny Ahousekeeper (ru), nahafantatra aho fa namoaka sombin-dahatsary vitsivitsy tamin'ny fampahafantarana ny boky “Faritra Noafahana ao Armenia” i Anaid1708 (am), izay noresahan'i Armen Ayvazyan (mpahay siansa politika) sy Zori Balayan (mpanao gazety, mpanoratra) momba ny maha zava-dehibe ny fitazonana ireo tany ireo eo am-pelantànan'ny Armeniana ary mametraka ity olana ity eo amin'ny sehatry ny famahana ny Fanontaniana Armeniana, izay fehezanteny diplomatika, miresaka momba ny fiarovana sy ny fahalalahan'ny Armeniana avy amin'ny vondrom-piarahamonina mpifanolo-bodirindrina aminy.

Toa nanomboka tao amin'ny forum OpenArmenia ny onjam-pifanakalozan-kevitra vaovao, ary avy eo i Kornelij Glas (ru) namoaka momba ny fitakiana nosoniavin'ireo loharanom-baovao aterineto maromaro (ru) manohitra ny fanomezana ireo faritra noafahana, izay milaza fa ny fifampiraharahana amin'izao fotoana izao dia mifototra amin'ny “fahavononan'i Armenia hahafoy ireo faritra fito efa noafahana manodidina an'i NKR, ka miaina amin'ny lalamben'i Lachin ihany (fa tsy ny faritra).” Ho takalon'izany, hahazo zo hitantana referandaoma ao amin'ny ny satany i Karabakh rehefa afaka 5- 15 taona eo ho eo. Milaza i Kornelij Glas (ru) izay olona vitsy ihany no miombon-kevitra aminy – fa hitondra ady vaovao tanteraka izany ka ho anisan'ny very i Armenia – ary amin'ireo olona vitsy ireo, mihevitra ny maro fa avy any Karabakh i Robert Sedrakovich (filoham-pirenena Armeniana) ary tsy hanaiky lembenana velively mikasika ny raharaha.

Nanatevin-daharana ny fanangonan-tsonia ihany koa i Ahousekeeper (am) ato, ato sy ato ary toy izany koa i Freedomfight777 (am) sy Hayblog (ru), ary mandrisika ny rehetra mba hanasonia ny fangatahana “MANOHITRA NY FANOLORANA NY FARITRA NOAFAHANA” ao amin'ny http://www.miacum.ru. Nanoratra ny Armenia Breaking News fa araka ny filazan'i Vahram Atanesyan, filohan'ny komity parlemantera NKR misahana ny fifandraisana any ivelany, ny olana rehetra noresahina nandritra ny fifanakalozan-kevitra dia tsy maintsy anaovana adihevitra ampahibemaso:

I think the people of NKR are to solve the question of status of NKR and the territories surrounding former NKAR[Nagorno Karabakh], because only people are empowered.

Heveriko fa hamaha ny olan'ny satan'ny NKR sy ny faritany manodidina ny NKAR taloha [Nagorno Karabakh] ny vahoakan'ny NKR, satria ny vahoaka ihany no mahazo hery.

Mijery ireo resabe ao amin'ny tontolon'ny blaogy, nilaza i Uzogh (ru) fa tsy misy lalana hivoahana raha tsy misy ny famahana ny ady ao Kharabakh ary manontany hoe- inona no safidy?

I know 2 [positions in circulation currently]: the position of Jirayr Sefilyan (which can be described in short as: “the hell do we care about resolution, we are OK as we are now”), which rejects the concept of resolution per se, and we have vague suppositions, that can be reduced to the phrase “surrender of 7 regions”.

Mahafantatra [safidy 2 misy ankehitriny] aho: ny toerana misy an'i Jirayr Sefilyan (izay azo lazaina fohifohy hoe: “ry helo, miahy ny famahana ny olana ve izahay, mety aminay ny ankehitriny”), izay mandà ny foto-kevitra famahana olana, ary manana tombatombana manjavozavo isika, izay mety hampiasana ny fehezanteny hoe “manolotra ireo faritra 7″.

Tena nahaliana tokoa ny lahatsoratr'i Uzogh’s (ru) : fanehoan-kevitra 103 tamin'ny hitako farany, izay tena goavana kokoa raha amin'ny fenitry ny bilaogy Armeniana.

Nilaza i Pigh (ru) fa tsy hanao sonia ilay fangatahana izy. Feo tsy misy dikany avokoa izany hoy ilay bilaogera: “Tsy hahafoy an'i Karabakh- – 100% mandrakizay i Serge sy Robert [Praiminisitra sy Filoha]”.

Zavatra iray no azo antoka – raha mitady fandriampahalemana sy fampandrosoana eto amin'ity faritra ity i Armenia, tsy maintsy miomana hahafoy zavatra isika. Saingy inona no tena vidiny?

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.