Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kirkizy Kickboxer Milaza Fisianà Fanavakavahana Taorian'ny Nandàvany Imasombahoaka ny Fahareseny Tao Rosia

Mpitsara iray mandrahona handroaka an'i Dastan Sharsheyev, ilay Kirgizy mpiady, taorian'ny nandàvany ny ady sahala nifanaovany tamin'i Anton Kalinin nandritry ny ampahefa-dàlana. Pikantsary avy amin'ny lahatsary Youtube nakarin'ny fantsona Youtube ofisialin'ny TAT Neft Arena.

Dastan Sharsheyev: mpiaro amim-pireharehana ny voninahi-pirenena Kirgizy sa mpanitsakitsaka ny fanahy iraisampirenen'ny fanatanjahantena?

Toa tratry ny daka tsimbadik'i Anton Kalinina i Sharsheyev, Kirgizy iray mpiangaly kickboxing, nandritry ny fifanintsanana tamin'ny 21 Aprily tao an-tanànan'i Kazan, renivohitry ny repoblika federaly Rosianin'i Tatarstan. Im-betsaka nataony torovana ilehio ary tahàka ny nipongatra ho ny matanjaka indrindra tamin'izy roalahy izy nandritra ny tapany faharoa tamin'ilay fifanintsanana tena tsy nitoviana hevitra be tokoa. Kanefa, nomen'ilay Rosiana mpitsara ho an'ni Kalinin ny fandresena.

Mety hoe nifarana teo ny tantara, saingy tsy izany no nitranga. Nandà ny hanaiky ilay fanapahankevitra sy handao ny ringa i Sharsheyev , samy tsy nohajainy na ireo mpitsara na ilay mpifanandrina taminy.

Nandritra ny fifanakalozandresaka namaivay nifanaovan'ireo manampahefana, norahonan'ilay mpitsara ny lalao horoahana tsy ho ao amin'ny firenena i Sharsheyev.

Тебя сейчас просто депортируют и обратно не пустят в страну. Или же закроют. Смысл какой?

Dia ho voaroaka fotsiny ianao ary tsy ho avela hiverina hiditra eto amin'ny firenena. Fa aiza ary ny fahaizanao misaina e ?

Saingy nijanona teo amin'ny ringa i Sharsheyev, ary tamin'ny fomba nampivarahontsnaa no nakàny ny mikrô hitenenana tamin'ireo olona marobe:

Добрый вечер, дорогой Татарстан! Я здесь уже во второй раз, люди здесь очень добрые. Я хочу сказать, что вы все видели, я выиграл. TNA – турнир, в котором все должно быть справедливо, в котором должны быть справедливые судьи, справедливый главный судья. А сегодня разве было справедливо? [Зрители отвечают «Нет!»] Так задайте себе вопрос: где в этом мире справедливость? Где она? Или имеет значение цвет моей кожи? Спасибо вам всем, что болели. С вами был Дастан!

Arahaba, ry Tatarstan malala! Fanindroany aho izao no eto, mahafinaritra ny vahoaka eto. Te-hilaza aminareo ny zavatra hitako aho; nandresy aho. Ny TNA dia fifanintsanana izay tokony ho tsy mitanila ny zavatra rehetra atao ao, tokony tsy hitanila ny mpitsara ao, ary ny lehiben'ny mpitsara. Ary izay tokoa ve no nisy androany? [Namaly ny olona hoe  “Tsia!”] Araka izany manontania ny tenanareo : Aiza ny marina eto amin'ity tontolo ity? Aiza? Sa manova zavatra ny lokon'ny hoditro? Misaotra anareo rehetra nanohana ahy. Miaraka aminareo i Dastan!

Nahazoan'i Sharsheyev fanohanana goavana tao amin'ny media sosialy Kirgizy ny teny nataony. Lahatsoratra iray momba ilay lohahevitra no nozaraina efa in-1.300 mahery.

Ady tonga indrindra tao anatin'ny fotoana izay izakàn'ireo Kirgizy an-tapitrisa mpifindramonina ao Rosia ny fanarahamaso faran'izay henjana tsy toy ny mahazatra, taorian'ilay fanapoahana baomba tao amin'ny fiarandalamby ambanin'ny tany ao St Petersburg, izay nolazaina fa nataon'i Akborjon Akilov, ilay Kirgizistàna  mizaka ny zom-pirenena Rosiana. Ny marina dia niteraka resabe sy ratsy mihitsy aza ny hoe tao Tatarstàna no natao ilay ady, Repoblika Rosiana izay raha kely indrindra dia Miozolmàna ny antsasaky ny mponina ao, ary miteny fiteny iray toy ny hoe manana fiaviana Tiorka ny Kirgizy.

Tany amin'ny faran'ny fitenenany nipoapoaka ho an'ireo Rosiana, niteny i Sharsheyev, izay nisatroka kalpak Kirgizy iray, hoe “Alga Kyrgyzstan” adika hoe “Kyrgyzstan Mirosoa” amin'ny teny Tiorka maro ka isan'izany ny Kirgizy sy Tatar.

Nitarika ady teo amin'ny Rosiana sy Kirgizy tao amin'ny Youtube ilay tsy fandehanan-javatra, izay nanasongadina ny andianà fanivaivana foko efa mahazatra. Nilaza ireo mpikarakara fa mihevitra ry zareo ny hanilika an'i Sharsheyev tsy ho afaka intsony handray anjara amin'ireo fifaninanana hoavy ao Rosia.

Tsy misy fanambaràna, anefa, natao momba ny hoavin'ilay mpitsara ny lalao, izay niteny  imasombahoaka ny amin'ny fahefan'ireo manampahefana Rosiana miandraikitra ny  fifindràmonina sy ireo mpiandraikitra ny fonja tamin'ireo fanehoankevitra nataony tamin'i  Sharsheyev.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.