Mitondra Fifaliana ao Bhutan ny Firotsahan-dRanomandry Faramparany
Fonenana ao Paro, Bhutan voarakotra fotsy taorian'ny firotsahan-dranomandry voalohany tamin'ny taona 2017. Sarin'i Puran Gunung amin'ny alalan'ny Facebook. Nahazoana alalana.
Gaga ny maro tamin'ny Bhutaney raha nifoha maraina ka nahita fa voarakotra ranomandry fotsy matevina ny ankamaroan'ny faritra tamin'ny 11 marsa farany teo.
Fahita mahazatra mandritra ny faramparan'ny volana desambra sy mandritra ny volana janoary any amin'ireo faritra be tendrombohitra avaratr'i Bhutan, indrindra fa ireo ambonin'ny 3000 metatra ny firotsahan-ranomandry manify, saingy ankavitsiana kokoa ny ahitana izany any amin'ny faritra hafa. Raha fantatra moa fa efa mananontanona ny lohataona ary tsy mbola niaina itony zavatra fotsifotsy itony i Bhutan hatramin'ny nankalazana ny Taombaovao Losar tamin'ny faran'ny volana febroary, dia tsy nampoizin'ny maro izany firotsahan'ny ranomandry izany.
Ho an'ny toerana maro tahaka an'i Thimphu, renivohitra Bhutaney, sambany no nahitana izany firotsahan-dranomandry izany tao anatin'ny taona maro. Misy kosa ireo tanandehibe hafa, tahaka an'i Paro, no tratran'ny ranomandry matevina indrindra tao anatin'ny folo taona farany. Nanao fanambarana ny mpanjaka Bhutaney fa mikatona avokoa ny sekoly sy ny biraom-panjakana rehetra hifaliana amin'ny ranomandry.
Tsy ela taorian'izany dia heniky ny pikantsarin'ny toe-tany fotsy ny fahan'ny Facebook sy Twitter.
First Merryful & blissful snow fall in the Fire FemaleBird Year2017 in Thimphu, #capitalofbhutan #snowfall Contact: https://t.co/sh7iAhseZa pic.twitter.com/l193NGEAM0
— Robin Gurung (@BhutanTourclub) March 11, 2017
Ranomandrim-pifaliana sy fientanentanana voalohany amin'izao taonan'ny VoronaVavin'ny Afo 2017 izao eto Thimphu.
The capital city of Bhutan receives heaviest snow for over a decade. pic.twitter.com/O72j4MpP6a
— Dawa Yoezer (@dawa_yoezer88) March 11, 2017
Nahazo ny ranomandry betsaka indrindra tao anatin'ny folo taona ny renivohitr'i Bhutan.
Thimphu under thick blanket of snow ⛄⛄❄☁❄⛄⛄ pic.twitter.com/70qf0VtAa4
— dema dorji (@OrjiDema) March 11, 2017
Thimphu voarakotra ranomandry ⛄⛄❄☁❄⛄⛄
Beautiful Tashicho dzong in the blanket of snow.https://t.co/HPRKE1ogzP #bhutan #thimphu #2017snowfall #happinessisaplace #tripplanner pic.twitter.com/IR1VZTTS2h
— World Tour Plan (@SUNITASUBBA7) March 12, 2017
Ilay Tashicho dzong mahafinaritra voarakotra ranomandry.
Snow covers mountain in #Thimphu #capital of #bhutan on Saturday. #bhutantravel #bhutantrip #bhutanholiday #bhutantour #visitbhutan pic.twitter.com/zYSY1qpi4F
— Bhutan Pelyab (@bhutantourplan) March 12, 2017
Ranomandry mandrakotra tendrombohitra ao Thimphu renivohitr'i Bhutan tamin'ny Asabotsy.
Tsy nahatana ny fientanentanany tamin'ny toetrandro nitranga tao amin'ny tanin'ny Gross National Happiness (GNH) [Harim-Pahasambarana Faobe] i Bhutan Rododen Den, mpisera Facebook :
Remarkable Day of GROSS NATIONAL HAPPINESS in Capital Of Bhutan !
“In Capital of Bhutan, Today, Snow was falling, so much like stars ,filling the dark trees, that one could easily imagine, its reason for being was nothing more than prettiness , the snow was too light to stay, the ground too warm to keep it. And the strange spring snow fell only in that golden moment of dawn today, the turning of the page between night and day. My fellow Friends, Consider as normal phenomenon In GNH Country, with no abnormal craziness, excitement, but enjoy, respect, and rest your day with full HAPPINESS”.
Andro miavaky ny HARIM-PAHASAMBARANA FAOBE ao an-drenivohitr'i Bhutan!
Nirotsaka tahaka ny kintana, nanafy ny hazo matroka, amin'ilay azon'ny tsirairay eritreretina avy hatrany tao an-drenivohitr'i Bhutan, androany, ny ranomandry, mihoatra noho ny hatsaran-tarehy ny fahatongavany, maivana loatra tsy mahajanona ny ranomandry, mafana loatra tsy mahatazona azy ny tany. Ary tamin'ny fotoana volamenan'ny masoandro miposaka androany, teo ampamadiham-pejin'ny alina sy ny andro, ihany no nirotsahan'ity ranomandrin-dohataona hafahafa ity. Ry sakaiza, hevero ho toe-javatra mpitranga amin'ny tanin'ny GNH, tsy misy fahadalàna na fientanentanana hafahafa, fa ankafizo, hajao ao anaty HASAMBARANA feno ny andro fialan-tsasatrao anio.
Saingy, tsy mahafaly avokoa ny vaovao rehetra. Niteraka fikorontanana teo amin'ny fifamoivoizana ihany koa ny oram-panala. Nisy ireo lozam-pifamoivoizana nitranga ary voatery nakatona noho ny hatevin'ny oram-panala ny lalambe atsinanana miakandrefana sy ny lalambe Paro-Haa.
Breaking: Due to heavy snow and poor visibility RSTA advises people not to travel on Phuentsholing-Thimphu and East- West highway.
— The Bhutanese (@thebhutanese) March 11, 2017
Vaovao farany: Tsy tsara andehanana noho ny hatevin'ny oram-panala sy ny faharatsian'ny fahitana ny lalambe Phuentsholing-Thimphu sy ny lalambe atsinanana miakandrefana.
Seranampiaramanidina iraisampirenen'i Paro feno ranomandry. Sary avy amin'i Puran Gunung tao amin'ny Facebook. Nahazoana alalana.
Paro Airport, seranam-piaramanidina iraisampirenena tokana ao amin'ny Fanjakan'i Bhutan, no heverina ho iray amin'ny seranam-piaramanidina manahirana indrindra manerantany noho ny fisian'ny tendro manodidina azy mahatratra 5.500 metatra. Tapaka nandritra ny ora maromaro ny herinjiro tany amin'ny tanàna maro ary nofoanana avokoa ny sidina rehetra satria nakatona ny seranana.
Snow fall at Paro airport. 11/03/2017#paroairport #paro pic.twitter.com/kYd0lpidCK
— Bhutan Delight Tours (@BhutanDelight) March 12, 2017
Mirotsaka ao amin'ny seranam-piaramanidin'i Paro ny oram-panala
Na dia eo aza ny fahasahiranana nateraky ny ranomandry, niala voly tamin'ny filalaovana ranomandry avokoa ny sarangam-piarahamonina rehetra, ka tafiditra amin'izany ny nanao sokitra ranomandry.
only in #bhutan #thimphu#snow police making snowman at the main roundabout. wonderful pic.twitter.com/wWvpwZzrGF
— Francoiseབཀྲིས་དབངམོ (@pchilimzam) March 11, 2017
Eto Bhutan ihany, Polisy eo amin'ny fihodinana lehibe mamolavola ranomandry hanaovana sariolona. Mahafinaritra
Enjoying snow fall at haa.. Thanks Bhutan for this wonderful gift.. pic.twitter.com/qEKR5ivKJE
— bhumika bhati (@bhumikabhati1) March 12, 2017
Mankafy ny oram-panala ao haa.. Mankasitraka ry Bhutan noho ity fanomezana mahafinaritra ity..
Ao Bhutan, tsy sariolona vita amin'ny ranomandry ireo, fa Buddhas sy stupas vita amin'ny ranomandry. Saripikan'i Puran Gunung tao amin'ny Facebook. Nahazoana alalana.
Tao anatin'ny taona vitsivitsy izay dia nihavitsy ny orampanala, nihabetsaka orana ary nihanafana ny fahavaratra noho ny fihafanan'ny tany. Manahy ny amin'ny fifangaroan'ny fifangaroan'ny glaciers ao amin'ny Himalayas ny mpandala ny tontolo iainana.
Heverina hihamazava kokoa ny toetrandro manomboka ny talata ao Bhutan.
