Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Misarika Ny Saina Ho Amin'ny Haintany Ratsy indrindra Tao Anatin'ny Tantara Vao Haingana Tao Lesotho Ny Fibitsihana Mivantana Tanaty Twitter

 A farmer showing a drought affected field in Lesotho. Photo used with permission from Send a Cow.

Mpamboly iray mampiseho saha tratry ny haintany tany Lesotho. Sary nampiasaina misy fahazoandàlana avy amin'ny Send a Cow.

Ny 24 Febroary 2016, nikarakara fifampiresahana mivantana tanaty Twitter#askLesotho, ny Send a Cow, fikambanana iray mpanao asa soa ho an'ny Fampandrosoana Iraisam-pirenena, miorina any Angletera, mba hiresaka momba ny haintany ratsy indrindra tany Lesotho tao anatin'ny tantara vao haingana sy ny tsy fisian'ny fifantohan'ny sain'ny media tamin'izany.

Tamin'ny volana lasa, nanambara fitondràna amin'ny tany misy loza voajanahary i Lesotho, fanjakana iray voadidin'i Afrika Atsimo tanteraka. Araka ny manampahefanan'ny Firenena Mikambana ao an-toerana, iray amin'ny Basotho telo no mety mila fanampiana ara-tsakafo hatramin'ny taona ho avy.

Nilaza ny talen'ny Fandaharanasa Ara-tsakafo Erantany ao an-toerana, Mary Njoroge, fa voatery nampihatra rafitra ratsy hifanaraka amin'izany ny olona, izay ahitana ny fivarotana fananana ary ny halatra koa aza. Vao haingana no nisy orambe tao amin'ny firenena, ka tonga amin'n'ilay antsoin'ny manampahaizana hoe ‘haintany maitso’. Nanamaitso am-pitaka ny lohasaha tao Lesotho ilay orana nefa ilay saha tsy nisy vokatra na legioma.

Ny tranga ara-toetrandro El Niño no nahatonga ny haintany, izay nahatonga ny olona mihoatra ny 100 tapitrisa tany Afrika Atsimo, Azia sy Amerika Latina ho tsy nisy sakafo.

Namaly ny fanontaniana avy amin'ny olona sy fikambanana.samihafa ny talen'ny Send a Cow ao Lesotho, Manthethe Monethi, nandritra ny fifampiresahana tao anaty Twitter izay naharitra ora iray

Nisy fanamby tsapan'i Manthethe tamin'ny tsy fahampian'ny herinaratra ary voatery novaina ny toerana, taloha kelin'ny nisian'ny fifampiresahana, ary nidika fahataràn'ny valinteny ny fihisatry ny fifandraisana Aterineto ao Lesotho.

Zavatra manan-danja tao anatin'ny resaka ny maha zava-dehibe ny fampitomboana ny legioma. Haingana be ny fitombona'ny legioma, fa tsy toy ny katsaka, izay matetika no maharitra dimy volana ny fambolena ka hatramin'ny fiotazana azy.

Lumela ‘M'e Manthethe! Raha manampy anareo amin'ny fanomezana voa legioma ho an'ny fianakaviana izahay androany, rahoviana izy ireo no ho azo hohaniny?

Lumela ‘M'e! Azo hanina ny legioma ao anatin'ny 5 herinandro nambolena azy

Io mpampiasa io ihany, nanontany momba ny tohodrano vonjimaika ny Dolen Cymru. fikambanana iray tsy mitady tombontsoa mampifandray ny Pays de Galles sy Lesotho:

Koa satria betsaka kokoa ny orana andrasana tsy ho ela, moa ve efa nanomana sahady “tohodrano vonjimaika” ireo mpisitraka ny #SaCL?

Manohana ny tantsaha amin'ny fahaiza-manao ilaina mba hanaovana dobo, tohodrano, vava asa fitarihan-drano ary teknika fitatazana rano avy amin'ny tafo ny SACL

Nihantsy ny Send a Cow i Jim Ackerman ka nanontany:

Tsara toerana indrindra mba hanampy rehefa misy tsy fahampian'ny sakafo sy ny rano ve ny fikambanana iray mampiasa biby fiompy ho fanohanana ireo vondrom-piarahamonina?

Voakasika ihany koa ny vokatry ny fiompiana satria miankina amin'ny ahitra sy ny rano izany

Te-hahafantatra i Joey Brownbill raha toa ka miasa toy ny Fandaharanasa Ara-tsakafo Erantany ny Send a Cow:

Manome fanampiana ara-tsakafo tahaka ny @WFP ihany koa ve ianareo?

Tsy manome fanampiana ara-tsakafo izahay, fa manome fiofanana sy singa ilaina amin'ny fambolena

Te-hahafantatra izy avy eo raha toa ka mora ampiharina io vahaolana io:

fa ahoana ny fomba hanampian'izany ny olona ankehitriny?

Fohy ny tsingerin'ny famokarana legioma- 5 herinandro, ary voatazona amin'ny alalan'ny teknika fitehirizana ny fisiany

Nandefa ity fanontaniana manaraka ity ny Help Age ao Afrika Atsimo:

Fanontanian'ny HelpAge SA: Moa andraisan'ny taona rehetra anjara ary na ny lahy na ny vavy ny ny valiny amin'ny maha-olombelona amin'izao fotoana izao?

Ny valiny dia tafiditra ao ny taona sy ny maha lahy sy maha vavy, ka kendrena amin'izany ireo marefo indrindra, izany hoe ny zokiolona, ireo OVC (ankizy kamboty sy osa), ny olona manan-kilema, sns

Nametraka fanontaniana momba ny hamafin'ny krizy ny mpampiasa iray hafa, nanontany raha toa ka krizy “indray mandeha ao anatin'ny androm-piainany” io, na “indray mandeha ao anatin'ny taona vitsivitsy:

@MrsMoulogo @SendaCow #askLesotho I'd be interested to know how bad is the emergency in context-once in a lifetime, or once every few years?

— Waterloo Foundation (@Waterloo_TWF) February 24, 2016

Liana te-hahafantatra aho hoe hatraiza ny haratsin'ny fipetraky ny vonjy taitra ao anatin'ny toe-javatra indray mandeha amin'ny androm-piainana, na indray mandeha ao anatin'ny taona vitsivitsy?

Miaina ny iray amin'ireo sedra ratsy indrindra tao anatin'ny 30 taona i Lesotho ankehitriny

1) Miharatsy tanteraka ny olana, ka tokony hiatrika izany amin'ny vahaolana maharitra isika, fa tsy hoe fanampiana ara-tsakafo fotsiny. Fianakaviana

Te-hahalala ny vokatsoa azo avy amin'ilay orambe vao haingana teo i Cathy Moulogo, mpampiasa Twitter iray monina any Pays de Galles:

Manahoana @SendaCow, ny orana amin'izao fotoana izao ve mitondra fanatsaràna amin'ny fisian'ny haintany?

Hitondra fanatsarana eo ho eo ihany ny orana ankehitriny, indrindra fa amin'ny famokarana legioma sy ny biby fiompy

Tiany ho fantatra avy eo ny zavatra azo atao mba hanamaivanana ny hanoanana:

vaovao tsara izany! Mety mbola hisy ve ny hanoanana faobe? Inona no azontsika atao momba izany?

Tsy maintsy mampitombo ny famokarana legioma isika ho an'ny fanjifana sy ny vola miditra, ary ny famokarana vilona ho an'ny biby fiompy

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.