Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Manampahefana Okrainiana Voaroaka Noho Ny Fampiasana Tolotra Mailaka Rosiana Tamin'ny Fifandraisana Ofisialy

Ukrainian authorities believe that using Russian email services could potentially

Mihevitra ny manampahefana Okrainiana fa mety “hampididoza ny fiarovam-baovaon'ny firenena” ny fampiasana ny tolotra mailaka Rosiana.” Sary namboarin'i Tetyana Lokot.

Voalaza fa voaroaka ny  manampahefanan'ny governemanta iray ao amin'ny faritra Lviv ao andrefan'i Okraina noho ny fampiasana tolotra mailaka Rosiana mba hanaovana fifandraisana ofisialy mifandray amin'ny asany ao amin’ ny governemanta.

Mitatitra ny Ukraine Today fa nampiasa ny tolotra mailaka elektronika Mail.Ru ao Rosia amin'ny fifandraisana amin'ny asany i Oleksandr Krevskiy, mpiasa ao amin'ny sampan-draharahan'ny fiarahamiasa sy ny fizahantany iraisampirenena ao Lviv.

Nilaza tamin'ny Ukraine Today i Halyna Hrechyn, mpitondratenin'ny lehiben'ny fitantanam-paritra ao Lviv:

We received orders from the Prime Minister to limit the use of (Russian email servers) because this is official work and especially since this employee worked for the Department of International Cooperation. This isn't his first year on this job, he knows all the restrictions.

Nahazo baiko avy amin'ny Praiminisitra izahay mba hametra ny fampiasana ny (lohamilin'ny mailaka Rosiana) satria asa ofisialy izany ary indrindra nanomboka tamin'ity mpiasa niasa tao amin'ny Departemantan'ny Fiarahamiasa Iraisampirenena ity. Tsy vao herintaona izy no niasa tao, fantany ny fameperana rehetra.

Nilaza ny governoran'ny faritra Lviv, Oleh Synyutka fa mino izy fa mety ‘hanimba ny fiarovam-baovaon'ny firenena” ny fampiasana ny tolotra mailaka Rosiana, manaparitaka ny fifandraisana ofisialin'ny fanjakana amin'ny fanamafisana ny vaovaom-panjakana sy ny fepetram-piarovana momba ny fifandraisana.

Tamin'ny volana Mey 2015, nisarika ny saina ilay mpikatroka sady mpanao gazety Okraniana manoloana ny zava-misy fa 20% maherin'ny mpiasan'ny governemanta Okrainiana sy ny andrim-panjakana no mbola mampiasa kaonty mailaka maimaimpoana omen'ny orinasa Rosiana ary ampiantranoina ao amin'ny lohamilina Rosiana.

Mitatitra ny media Okrainiana fa manadihady izay mety ho “vaovao tafaporitska” ny sampan-draharaham-piarovana ao amin'ny firenena ankehitriny taorian'ny fampiasan'i Krevskiy ny lohamilina mailaka Rosiana, manoloana ny adim-baovao ankehitriny eo amin'i Okraina sy Rosia.

Araka ny efa notaterin'ny RuNet Echo teo aloha, nanao izay hanamorana amin'ny fidirana ao amin'ny rakitahiry hoentin'ny mpamatsy tolotra aterineto Rosiana sy ny orinasan'ny aterineto rosiana miasa amin'ny votoatin'ny mpiserasera ny Sampan-draharaham-piarovana  Federaly Rosiana. Tamin'ny 8 Aprily 2015, nomena fahefana mitovy amin'izany ihany koa ny mpanara-maso ny aterineto ao Rosia, Roscomnadzor, manome fahefana ho an'ireo mpiasany mba hanara-maso ny hafatra manokan'ireo mpiserasera amin'ny mailaka sy ny media sosialy Rosiana. Anisan'izany ny tolotra mailaka ao amin'ny sehatra .ru, ny Odnoklassniki, ny Vkontakte (samy habaka tambajotra sosialy malaza ao Rosia izy ireo roa ireo), fandefasan-kafatra toy ny ICQ sy Agent.Mail.Ru, ary ireo sehatra bilaogy Rosiana marobe.

Na dia afaka manara-maso ireo hafatra voaray, nalefa sy voavaky aza ny Roskomnadzor, ary miditra amin'ny votoaty manokana ataon'ny mpiserasera amin'ny aterineto, nanamafy ny mpiambina ny Aterineto fa manome fahafahana azy ireo hiditra amin'ny tahiry voamarika (metadata) ihany ny lalàna “manohitra ny fampihorohoroana” ao Rosia, saingy tsy mamela azy ireo hamaky ny votoatin'ny mailaka sy ny hafatra amin'ny aterineto tsy misy didy ofisialy fampiharana ny lalàna.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.