Herintaona taorian'ny kabary nataon'ny filohan'i Shina, Xi Jinping amin'ny toeran'ny zavakanto nandritra ny fikaonan-doha tao Beijing natrehan'ireo mpanakanto malaza sy manampahefana misahana fampielezan-kevitra, namoaka ny lahatsoratra feno ny haino aman-jerim-panjakana Xinhua tamin'ny 14 Oktobra 2015.

Tsy nisy fanazavana nomena mikasika ny antony naharetan'ny fandikana ny kabarin'i Xi, izay niantso ireo mpanakanto mba hanompo vahoaka sy hifikitra amin'ny hevitra komonista. Tamin'izany fotoana izany, nanipika amin-tahotra ireo Shinoa avo ara-pianarana fa mitovy amin'ny kabarin'ny Filoha Mao Zedong momba ny asan'ny zavakanto eo amin'ny sehatra politika nandritra ny Forum momba ny Haisoratra sy ny Zavakanto tao Yan'an tamin'ny 1942, kabary izay nanamarika ny fiandohan'ny Hetsika Fanitsiana, hetsika ao anatin'ny Antoko Komonista Shinoa nampanao ny Shinoa avo ara-pianarana sy liberaly ho mpitondra feo ny antoko. Naharitra herintaona mahery ihany koa ny lahatsoratra feno misy ny kabarin'i Mao vao navoaka tamin'ny fomba ofisialy tao amin'ny gazety mpitondra ny feon'ny antoko, Jiefang Daily.

Efa ela ireo mpitarika ao Shina no nahita ny zavakanto ho fitaovam-piadiana mahery vaika ao anatin'ny ampinga ara-potokevitry ny antoko sy nanome toromarika tokony arahina amin'ny famoronana sanganasa. Saingy hatramin'ny nisian'ny fanavaozana ara-toekarena tamin'ny taona 1980 nanokatra ny tsena Shinoa tamin'izao tontolo izao, dia niezaka ireo artista shinoa namaky ny fetra, ireo fetra voatonona etsy ambony.

Nandritra ny kabariny i Xi no nitsikera ny kolontsaina entin'ny tsena amin'ny sangany, manondro ny sanganasa sasany ho “fakon-kolontsaina”. Ity ambany ity ny sombin'ny dikateny tamin'ny kabary avy amin'ny bilaogin'ny New York Times iray Sinosphere :

In some of their work, some artists ridicule what is noble, distort the classics. They subvert history and smear the masses and heroes. Some don’t tell right from wrong, don’t distinguish between good and evil, present ugliness as beauty, exaggerate society’s dark side. Some are salacious, indulge in kitsch, are of low taste and have gradually turned their work into cash cows, or into ecstasy pills for sensual stimulation. Some invent things and write without basis. Their work is shoddy and strained, they have created cultural garbage.

Amin'ny asany sasany ireo artista sasany mamotsifotsy ny atao hoe mendri-kaja, manimba ny klasika. Mamadika ny tantara izy ireo ary mandoto ny vahoaka sy ireo fanorolahy. Ny sasany tsy milaza ny marina avy amin'ny diso, tsy manavaka ny tsara sy ny ratsy, mampiseho ny faharatsiana ho fahatsarana, manitatra ny lafiratsin'ny fiarahamonina. Jilajila ny sasany, manaram-po amin'ny kanto lany andro, ratsy tsiro ary namadika tsikelikely ny asan'izy ireo ho fidiram-bola, na amin'ny pilin'ny fahafinaretana ho any amin'ny fanaitairana ara-nofo. Ny sasany mamorona sy manoratra tsy misy fototra. Ratsy kalitao sy sarotra ny asan'izy ireo, namorona fakon-kolontsaina izy ireo.

“Trompetran'ny vanim-potoana ny Zavakanto”

Tafiditra amin'ny fiarovana ny maoraly Shinoa ao amin'ilay lazain'i Xi Jinping ho fihavaozam-pirenena ao amin'ny “Nofinofy Shinoa”. Fomba iray nadikana izany amin'ny tontolo tena izy ny fanaraha-maso hentitra napetraka amin'ny haino aman-jery sy ny fampidirana ireo “mpilatsaka an-tsitrapon'ny sivilizasiona” an-tapitrisany ao amin'ny Ligin'ny Tanora Komonista hiady amin'ny tolona ara-potokevitra antserasera.

Hatramin'ny namoahana ny lahatsoratra feno tamin'ny kabarin'i Xi, feno fanehoan-kevitra mandoka ny fijerin'i Xi ny tambajotra media sosialy sy ny sehatra lehibe.

Ohatra, naverina nalefa imbetsaka ny fanehoan-kevitr'i Xinhua:

无视民族复兴的大时代而津津乐道于物欲主义的小时代，这是某些文化人的自我侏儒化。任何理解时代与个人辩证关系的文艺工作者，都会感受到讲话的深刻召唤力，会为中国精神的构建添上自己的一笔。

Manakely lanja ny tenany ireo mpiasa ara-kolontsaina sasany amin'ny tsy firaharahiana ny vanim-potoana lehiben'ny fifohazam-pirenena ary mampilomano ny tenany ao amin'ny fahakelezan'ny vanim-potoanan'ny materialisma. Izay artista manana fahalalana kely momba ny fomba fitenin'ny vanim-potoana sy ny olona dia mety ho voasariky ny kabary sy handray anjara amin'ny fanorenana ara-panahy an'i Shina.

Nanatevin-daharana ny fiderana mazava ho azy ny Ligin'ny tanora Komonista sy ireo sampany :

不负人民期待，不负时代召唤！文艺是时代前进的号角，文艺是人民心灵的家园。一年来，在讲话精神的指引下，文艺事业发展呈现崭新气象。坚持“以人民为中心”，是讲话的一条主线，指明了推动文艺事业的根本所在。做到“无愧于时代”，是讲话的一个重点，指出了繁荣文艺创作的关键所系。

Tokony tsy handiso fanantenana ny olona sy ny antson'ny vanim-potoana! Trompetran'ny vanim-potoana ny zavakanto, itoeran'ny fanahin'ny olona. Eo ambany fitarihan'ny fanahin'ny kabary, nanokatra dingana vaovao ny fampandrosoana ny zavakanto sy ny haisoratra. Tari-dalana lehibe ny fikirizana hampiditra ny olona ho ao amin'izany vihy izany, atsangany amin'izany ny fototry ny zavakanto sy ny haisoratra. Tsy maintsy mandray ny andraikitry ny vanim-potoana isika, izany no hafatra lehibe sy fanalahidin'ny fampandrosoana miroborobo ho an'ny zavakanto sy ny haisoratra.

Mpisera maro no niantso ny hafa mba “handray lesona” amin'ny resaka:

再读习大大在文艺工作座谈会上的讲话，在指出现在中国文艺创作中存在的问题一部分，真是一针见血，言简意赅，太痛快了！[good]客观又全面，深刻又易懂，炒鸡棒~

Mandinika indray ny kabarin'i Dadatoa Xi mikasika ny fifanakalozan-kevitra momba ny zavakanto sy ny haisoratra. Maranitra loatra ny ampahan'ny olana amin'ny zavakanto ankehitriny sy ny sehatra famoronana. Tsotra sy mazava. Tena mahafinaritra! Tsara. Tsy mitanila sady mazava, lalina sy mora takarina. Tsara indrindra.

时隔一年后，习大大在去年10月15日召开的文艺座谈会上的讲话近日公开。在这篇讲话中，习大大旁征博引，提到了112位中外著名文学家和艺术家。小编略略一看，简直是半部人类文明史！快来学习

Herintaona taty aoriana, navoaka tamin'ny 15 Oktobra ny lahatenin'i Dadatoa Xi mikasika ny fifanakalozan-kevitra momba ny zavakanto sy ny haisoratra . Amin'izany lahateny izany, nitanisa andinin-tsoratra maromaro i Xi ary nanonona ireo mpanakanto sy mpanoratra literatiora 112 avy ao Shina sy manerana izao tontolo izao. Tahaka ny mitantara ny antsasaky ny tantaran'ny sivilizasionan'olombelona. Tongava mianatra.

“Ankehitriny, soloin'ny lainga toerana ny zavatra hafa rehetra”

Tsy eritreretina lalina ny ilazan'ny mpandalina sasany ilay kabary, ankoatra ny famohazana ny fotokevitra Maoista, izay ezaka hanavao indray ny endrik'i Xi ho mpitarika shinoa manana kolontsaina vaovao, fa tsy mpitarika antoko komonista henjana mahazatra taloha.

Na dia tsy hita ao amin'ny aterineto aza ireo tsikera mivantana tamin'ny kabary, mbola mahita fampahatsiahivana ankolaka amin'ny fangejana feno herisetra nihatra tamin'ny fisainana avo ara-pianarana amin'ny tantaram-pirenena Shinoa ankehitriny ireo mpamaky manaraka tsara. Nanondro an'i Wang Shiwei, mpanoratra izay voaroaka tao amin'ny antoko komonista ary novonoina ho faty noho ny baikon'i Mao tamin'ny taona 1947 nandritra ny Hetsika Fanitsiana, ity fanehoan-kevitra ity:

我们的文化一直在政治的垄断之中延安讲话确定了文艺的单一，丰富多彩没有了，王实味说了真话，被杀之后。说假话成了时髦。今天假的代替了一切，

Nataon'ny rafitra ara-politika ampihimamba ny kolontsaintsika, niafara tamin'ny tsy fisian'ny fahamaroana eo amin'ny asa zavakanto sy literatiora ny kabarin'i Mao tao Yan'an. Nilaza ny marina i Wang Shiwei ary novonoina. Ka lasa nironana ny filazana lainga. Ankehitriny, soloin'ny lainga toerana ny zavatra hafa rehetra.

Ankoatra ny Hetsika Fanitsiana, izay nitarika ny fahafatesan'ireo avo ara-pianarana tokony ho 10.000, nitarika ny fanenjehana ireo avo ara-pianarana an'hetsiny ihany koa ny hetsika anti-ankavananista tamin'ny taona 1950:

官媒刊习一年前文艺讲话吁“百花齐放”但须“坚持社会主义”—-矛盾[哈欠]1956年，中共推出“双百方针”，即“对艺术工作主张百花齐放，对学术工作主张百家争鸣”。但一年后，全国就开始反右运动，响应“双百方针”的许多人被打成右派。1967年人民日报曾撰文称“双百方针”其实是引蛇出洞的“阳谋”。

Namoaka ny kabarin'i Xi momba ny zavakanto ny haino aman-jerim-panjakana ary nandrisika “voninkazo an-jatony mamelana” milahatra miaraka amin'ny sosialisma – tsy mifanohitra ve izany? Tamin'ny 1956, nampiditra ny fitsipiky ny “fivelaran'ny voninkazo an-jatony sy sekolin'ny hevitra an-jatony hiteny” eo amin'ny sehatry ny zavakanto sy ny haisoratra ny antoko komonista Shinoa. Herintaona taty aoriana, navoaka ny hetsika anti-ankavananista ary ireo izay maneho hevitra manohitra ny fitsipiky ny “zato kambana” dia lazaina fa ankavananista. Niaiky ny gazety mpivoaka isan'andro People tamin'ny 1967 fa fandrika entina hisamborana mpanohitra fotsiny ny fitsipika “zato kambana”.

Raha ny marina, tafahoatra ny fanambaran'i Mao hampilahatra ny zavakanto amin'ny tanjon'ny antoko nandritra ny Revolisiona ara-Kolontsaina, amin'ireo Mpiambina Mena manafika sy mandrava ireo asa-tanana Shinoa nentim-paharazana sy ireo zavakanto vahiny. Nitarika any amin'ny fanomezan'ny antoko endrika zavakanto ara-politika sy fandripahana sy fampijaliana ireo mpanakanto fanta-daza sy olo-malaza ara-kolontsaina marobe ho manao ny tsy mety ny fomba fandraisana ny resaka tao Yan'an.

“Manahia, ary manàna ahiahy tanteraka…”

Hatramin'ny 2012, rehefa lasa filoham-panjakana i Xi, naneho ny fifohazan'ny fotokevitra Maoista ao Shina ireo fivoaran-draharaha isan-karazany. Tamin'ny taona 2012, mpanakanto 100 no nandika ny tenin'i Mao tamin'ny tanana ho fahatsiarovana ny fanamarihana ny faha-70 taonan'ny resaka tao Yan'an. Niteraka fielezan'ny tsikera ny fandraisana anjaran'ireo mpanoratra malaza maro, anisan'izany ilay nahazo ny Nobel literatiora Mo Yan satria lazaina fa misalotra ny famelezana ny fahalalahana ara-javakanto izy ireo.

Mpisera Twitter iray nilaza fa tsy misy fahasamihafana loatra amin'ny kabary tsara lahatra eo amin'ny fotokevitr'i Mao momba ny zavakanto “manompo antoko” sy ny fijerin'i Xi ny zavakanto “manompo vahoaka” :

Xi: “在大家共同努力下，我国文艺园地百花竞放” “Be worried, be very worried….

— Victor Shih (@vshih2) October 15, 2015

Xi: “Rehefa mifampitantana ny rehetra dia hamelana voninkazo an-jatony ny zavakanto sy ny haisoratra ato amin'ny firenentsika”. Manahia, manàna ahiahy tanteraka….