Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Velomin'ny Arzantiniana an'aterineto ny fahatsiarovana ireo lasibatry ny didy jadona

Madres de Plaza de Mayo durante marcha. Fotografia tomada por Lisa de Vreede el 10 de diciembre de 2009, publicada en Flickr bajo licencia CC BY-NC-ND 2.0

Diaben'ny Renin'ny Plaza de Mayo. Sary nalain'i Lisa de Vreede tamin'ny 10 Desambra 2009, navoaka tao amin'ny Flickr, zon'ny mpamorona: Creative Commons licence CC BY-NC-ND 2.0

Ny fanonganam-panjakana tamin'ny 24 Martsa 1976 no fanombohan'ny vanim-potoana maizina teo amin'ny tantaran'i Arzantina, izay olona maherin'ny 30000 no nanjavona, lasibatry ny fampihorohoroan'ny fanjakana . Ny fanjakana izay manana asa hiaro ny olom-pireneny no nandripaka azy ireo, ny hitsikitsika natao hivavahana indray no nipoaka ny zanak'akoho, raha nataon'izy ireo hatrany ny hampanjavonana olona noho ny heviny ara-politika ary avy eo dia ny zanany no ampidirina  am-ponja.

Ny fitondrana jadona miaramila niainan'i Arzantina mandra-pahatapitry taona 1983 no nahatonga ny reny, renibe, ny zanaka ary ny havan'ireo nanjavona hifandamina mba hamoaka ambany masoandro ny zavamisy sy hitondra ny meloka eny amin'ny fitsarana. Na dia efa manana ny lafy tsarany sy ny lafy ratsiny aza ny tolona dia mbola afa-matoky ny fivelaran'ny hetsika sy ny fikambanana efa niady ry mbola miady ho amin'ny tombontsoan'ny niharam-boina i Arzantina.

Koa ankehitriny dia nampifanarahana amin'ny antsoina hoe vanim-potoanan'ny Web 2.0 ny tolona nanomboka tamin'ny  mosoara fotsy nataon'ny renin'ireo nanjavona nanao diabe teo amin'ny Plaza de Mayo mitaky ny hamerenana velona ny zanany sy ny zafikeliny. Hatramin'izao fotoana izao dia mamelona hatrany ny fahatsiarovana ny taranaka lasibatry ny herisetra nataon'ny fitondrana jadona miaramila tamin'ny fotoan'androny ireo reny, renibe, ny zanaka ary ny havan'ireo nanjavona tao Arzantina, ary ankehitriny izy ireo dia manararaotra ihany koa ny loharanon-karentsaina entin'ny aterineto.

Ohatra, niantso ny hanohizana ny fihetsiketsehana eny an-dalambe androany tahaka ny efa nataon'izy ireo tany aloha ny Renin'ny Plaza de Mayo ary manangona ny tolon'izy ireo ao amin'ny Twitter:

“Antsika ny Hoavy” 37 taonan'ny tolona, Renin'ny Kianjan'ny Plaza de Mayo

Mampiasa media sosialy ireo renin'ny Plaza de Mayo mba handraketana ireo fijoroana vavolombelona nangonina avy amin'ireo zafikely sy hampiroboroboana ny tolona hahazoana indray ny mombamomba ireo lasibatra (lahatsary amin'ny teny Espaniola) :

Tahaka izany ihany koa, manatontosa ny tolony eny an-dalambe sy any amin'ny fitsarana miaraka amin'ny media sosialy hivoahan'ny rariny ny fikambanan'ny Zanakalahy sy Zanakavavy Mitady ny Mari-Panondroana sy ny Rariny  Miady amin'ny Fanadinoana sy ny Fahanginana (H.I.J.O.S.) :

Ao amin'ny Vaomiera ara-pitsarana amin'izao fotoana izao: Tsy misy intsony ny tsimatimanota ara-pitsarana amin'ny fandripahana sivily ao Bahía Blanca!

Luciana Rocchietti, sekreteran'ny fifandraisana ao amin'ny H.I.J.O.S. – faritra Córdoba, nilaza tamin'ny Global Voices momba ny fanamby sy ny zavatra azon'ny media sosialy tanterahina amin'ny hetsiky ny zon'olombelona:

[…] en los últimos años las redes sociales y distintos medios de comunicación virtuales son nuevas plataformas para la construcción de la historiografía sobre nuestros compañeros desaparecidos, sus recorridos y trayectorias y sobre eventos históricos donde la pluralidad de las voces dan testimonio y nutren esta memoria colectiva. Por una parte, desde la organización hacemos uso de estas plataformas para la divulgación de información, noticias y comunicados políticos. […]

Por otra parte utilizamos una página de Facebook llamada H.I.J.O.S. Córdoba, donde difundimos información relativa al juicio, donde invitamos a participar de distintas actividades, donde publicamos comunicados con nuestros posicionamientos políticos en relación a temas de coyuntura o conflictos sociales y políticos, donde además compartimos artículos periodísticos de distintos medios que abarquen los distintos aspectos que atraviesan nuestra lucha (desde información sobre la época de la dictadura a noticias actuales sobre violaciones a derechos humanos). También ponemos en circulación distintas producciones propias de carácter documental como fotografías, volantes, micros, libros, videos, etc.
Esta actividad que realizamos en la web es replicada por distintos seguidores de la página que colaboran en la divulgación.

[…] Tao anatin'ny taona vitsivitsy, nanjary sehatra vaovao hanoratana sy hananganana ny tantaram-piainan'ireo namanay nanjavona, ny lalana nodiavin'izy ireo sy ny tohin'ny dia ny tambajotra sosialy sy ireo fitaovam-pifandraisana virtoaly isan-karazany ary soratana ihany koa ireo zava-nitranga manatantara izay feo marobe no mijoro ho vavolombelona sy mamelona ity fahatsiarovana iombonana ity . Voalohany indrindra, mampiasa izany sehatra izany izahay ato amin'ny fandaminana mba hampiely vaovao sy fanambarana ara-politika. […]

Faharoa, mampiasa ny pejy Facebook mitondra ny lohateny hoe H.I.J.O.S. Córdoba izahay, izay andefasanay vaovao ara-pitsarana, manasa handray anjara amin'ny hetsika isan-karazany, mamoaka fanambarana ny fijerinay ara-politika momba ny zava-mitranga ankehitriny na olana ara-tsosialy na ara-politika, ary koa mizara lahatsoratra avy amin'ireo haino aman-jery isan-karazany miresaka ny olana mifandraika amin'ny ny tolona (hatramin'ny vaovaon'ny vanim-potoanan'ny didy jadona ka hatramin'ny vaovao ankehitriny miresaka fanitsakitsahana zon'olombelona). Mamokatra sy manaparitaka karazam-panadihadiana toy ny sary, trakitra, fandraisam-peo, boky, horonantsary, sns, izay apetrakay ato amin'ny aterineto ary zarain'ireo mpanjohy ny pejinay izay mandray anjara ihany koa amin'ny fampielezana ny teny izahay.

Mampiasa Twitter sy Facebook ny fikambanann'ny Fianakavian'ireo Nanjavona sy Nofonjaina noho ny Antony Ara-politika hamelomana ny fahatsiarovana ireo havany. Mampiasa media sosialy ihany koa ny Foibe Fianarana Lalàna sy Sosialy hampielezana ny fanentanana amin'ny ady ho amin'ny fahamarinana, fahatsiarovana ary ny rariny. Manohy amin'ny fiampangana ny fanitsakitsahana ny zon'olombelona izay nitranga nandritra ny fametrahana ny demaokrasia amin'ny laoniny ny foibe.

Mihoatra ny 39 taona izao, miady ho amin'ny fitehirizana ny fahatsiarovana ireo havana nanjavona ireo hetsika mpandala zon'olombelona Arzantina. Nahazo ny kianja izy ireo tamin'ny voalohany, ny arabe avy eo ary manamaro karazana ny toerana anaovana ny tolona sady mamahatra ao amin'ny media sosialy. Maodely ho an'ireo hetsika miady ho amin'ny fitehirizana ny fahatsiarovana ireo nanjavona sy hamoaka ho ambany masoandro ireo heloka tahaka izany any amin'ny faritra hafa eto amin'izao tontolo izao, indrindra ao Amerika Latina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.