Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tantaran-drazan'ny Iñupiaq Nomena Aina Tamin'ny Alàlan'ny Lalao An-dahatsary

Nomena aina vao tamin'ny endrika lalao an-dahatsary azo lalaovina amin'ny solosaina na ireo fitaovana malaza hafa azo ampiasaina ilay tantaran-drazan'ireo Iñupiaq antsoina hoe Kunuuksaayuka, notantarain'i Robert Nasruk Cleveland ary noraketina tao anatin'ilay boky “Stories of the Black River People” (Tantaran'ireo Olona Tao Amin'ny Renirano Mainty). Mitohy mahazo dera noho ilay fomba tsy manam-paharoa nampidirana ireo vondrom-piarahamonin'ireo Indiana Alaskan tamin'ny fandrafetana manontolo azy ilay lalao vaovao antsoina hoe Never Alone (Kisima Inŋitchuŋa – Tsy Irery Mandrakizay ).

Tantaraina amin'ny fiteny Iñupiat language ary asiana dikanteny Anglisy misoratra ery ambany, ilay lalao dia mitanisa ny tantaran’ny ankizivavy iray, Nuna, sy ilay amboahaolo namany, izay manainga mba hizaha sy hamantatra ny anton'ilay tafiotran-dranomandry mahery namely ny vondrom-piarahamonina misy azy. Na dia ankizilahy aza no endrika niaingàna tany amboalohany tao anatin'ilay tantara notantarain'i Cleveland, nangataka fahazoan-dàlana tamin'i Minnie Gray, zanaka vavin'i Cleveland, ireo mpamokatra ny lalao mba hanao io fanovàna io.

Fandraisana andraikitra niarahana no niantombohan'ny tetikasa, nataon'i Cook Inlet Tribal Council, sy ny E-Line Media ary ny Upper One Games, izay mpamokatra lalao an-dahatsary voalohany indrindra mba indizena no tompony. Noraketin'ireo mpamorona azy ao amin'ny bilaogy natao ho an'ilay lalao ireo dingana narahana, hatramin'ny lahatsary nalaina tany ambadiky ny sehatra (etsy ambony) ahitàna ny fomba nataon'ireo zokiolona, ireo tanora, ary ireo mpahay momba ny teny, feno rehareha tokoa samy nandray anjara tamin'ny famokarana ilay lalao.

Mitohy tonga hatrany ny fanamarihana, ary manoratra i Roy Boney ao amin'ny Native Peoples blog (Bilaogin'ireo Indiana teratany) fa “mihoatra lavitra noho ny lalao an-dahatsary tsotra fotsiny ny Never Alone. Fiainana ara-kolontsaina iray izy io, nofonosina ao anaty taokanto iray mahafinaritra sy voasaina tsara”.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.