Tanàna kely indizeny ao Sierra Nevada, sary avy amin'ilay mpisera Flickr, Sailing Nomad (CC by 2.0).

Olona Wiwa teo amin'ny am-polony teo no namoy ny ainy raha namely an'i Sierra Nevada any Santa Marta ny tselatra tamin'ny fiandohan'ity herinandro ity, tamin'ny 6 Oktobra 2014. Am-polony ihany koa ireo naratra. Naneho hevitra ahitana firaisankina sy fanehoan-kevitra politika mikasika ity loza ity ireo mpisera Twitter.

Nahatsiaro i Karina Beatriz fa avy be ny orana ny alin'ny 6 Oktobra, ary naneho fampiononana noho ireo aina nafoy izy:

Con razón el zipote aguacero de ayer, Dios tenga misericordia de nosotros y de consuelo a las familias del pueblo Wiwa en la Sierra Nevada.

— Karina Beatriz (@karyt) octubre 7, 2014

Mazava loatra fa noho iny oram-baratra mampatahotra omaly iny, hamindra fo amintsika anie Andriamanitra ary hionona anie ireo fianakaviana Wiwa ao Sierra Nevada.

Etsy andaniny, ny SuperGirlDidi dia nanararaotra nanesoeso ny filoha teo aloha Álvaro Uribe Vélez, izay nanome tsiny azy noho ireo olana tsy voavahany:

Tanàna nentim-paharazana ao Sierra Nevada  an'i Santa Marta, sary avy amin'ilay mpisera Flickr, Sailing Nomad (BY-NC-ND 2.0).

Tal vez Uribe provocó el rayo en la Sierra Nevada q mató a los indigenas.Pues como de todo le echan la culpa a Uribe http://t.co/74osjEQk50

— @DidiSupergirl ✡ (@SupergirlDidi) octubre 7, 2014

Angamba i Uribe no nahatonga ny tselatra mba hamonoana ireo vahoaka indizeny ao Sierra Nevada, noho ny fitsikeran'ny vahoaka azy hatrany.

Nanontany momba ny fitantaran'ny fampahalalam-baovao mikasika ny loza i Colores Mari:

Sobre indígenas fallecidos en Sierra Nevada un periodista dice en @NoticiasCaracol “les darán cristiana sepultura”. Un poquito inapropiado.

— Colores Mari (@ColoresMari) octubre 7, 2014

Mikasika ireo vahoaka indizeny namoy ny ainy tao Sierra Nevada, mpanoratra gazety iray nilaza tao amin'ny @NoticiasCaracol nilaza fa “hahazo ny fandevenana Kristianina izy ireo.” Ahiahy diso fipetraka.

Diana Montoya, kosa nankasitraka ny fahendren'ny fokonolona Wiwa:

Qué historia más triste la de los Indígenas Wiwa en la Sierra Nevada. Pérdida de vidas y de sabiduría.

— Diana Montoya (@dianaeme) octubre 7, 2014

Mampalahelo izany tantara mahazo ny Wiwa ao Sierra Nevada izany. Fahaverezan'aina sy fahendrena .

Miorina ao amin'ny ranomasin'i Karaiba, monina ao Sierra Nevada an'i Santa Marta, izay fantatra ao an-toerana ho toy ny “Afovoan'izao Tontolo Izao” ny fiarahamonina Wiwa. Ahitana tanàna kely 4 mifanolo-borindrina ihany koa ao araka ny filazan'ny bilaogy Pueblo Wiwa (Vahoaka Wiwa), izay mamoaka lahatsoratra momba ny fiarahamonina, izay voalaza fa iharan'ny teritery ara-zon'Olombelona nandritra ny ady Kolombiana.