Na dia heloka bevava mety ahazoana sazy fito taona an-tranomaizina aza ao Kyrgyzstan ny fangalàna an-keriny ny vehivavy ho alaina ho vady, dia mijanona ho fomba fanao hita manerana ity firenena ity izany. Maro ireo Kyrgiz, indrindra fa ireo tambanivohi-dahy, no mahita fa ‘fomba amam-panao’ nasionaly sy fomba fiterahana ny fanaovana ala kachuu. Vokatr'izany, zara raha misy  ireo vavolombelona sy tra-pahavaoazana no mitatitra any amin'ny polisy, ary betsaka ireo polisy no misalasala ny hanasazy ireo manao izany.

Kanefa efa eo an-dalam-piovàna ny raharaha ao Kyrgyzstan, noho ny fandresen'ny tsirairay manampy tsikelikely amin'ny famongorana ny fomba fanao maka an-keriny ny vehivavy halaina ho vady. Tovovavy iray, antsoina hoe Roza, vao tsy ela akory izay no niharan'ny fakàna an-keriny tao Bishkek renivohitr'i Kyrgyzstan, nataonà andian-dehilahy, nanery azy hanambady ny naman'izy ireo. Voavonjy ihany ilay vehivavy rehefa niantso polisy avy hatrany ilay olona iray nanatri-maso ny fakàna an-keriny.Taorian'ny nahafaka azy, dia nanambara ny tantarany tao amin'ny Twitter (@katale_ya) i Roza. Ireto ambany ireto ny sasantsasany tamin'ireo bitsika izay tena niparitaka  vetivety tao Kyrgyzstan.

Вчера впервые поучавствовала в старинном обычае Воровство невесты, и разумеется в качестве невесты-барана была я!..

— Miss Don't Care (@katale_ya) January 17, 2014

Vao omaly aho no nandray anjara voalohany tamin'ny fomba fanao nentim-paharazana tamin'ny fakàna an-keriny ny vehivavy halaina ho vady; mazava ho azy fa izaho ilay alaina ho vady, na ilay ondry, izay nandraman-dry zareo nalaina an-keriny!..

Шла я значит домой после работы, никого не трогала, и вдруг бац, хватают сзади и говорят: Не бойся мы тебя не обидим…

— Miss Don't Care (@katale_ya) January 17, 2014

Teny an-dàlana avy niasa ka hody aho no nohazonin'izy ireo avy ao aoriana ka nilazàny hoe: “Aza matahotra, fa tsy haninona anao izahay”…

Думаю: Ну все Роза, прощайся с жизнью! Сейчас увезут хрен знает куда, изнасилуют и убьют…

— Miss Don't Care (@katale_ya) January 17, 2014

Hoy aho tany an'eritreritra hoe, “Izay no vita, Roza, ataovy veloma farany ny fiainanao! Ho entin'ireto any amin'ny tany tsy fantatra any ianao, haholany ary avy eo vonoiny…”

Я конечно же сопротивлялась! Одному заехала в глаз зарядкой, которая так кстати выпала, другому еще куда-то, кого-то покусала…

— Miss Don't Care (@katale_ya) January 17, 2014

Mazava be fa nanohitra aho. Nasiako tamin'ny famahanana [finday] latsaka [tao anaty kitapo] aloha ny ila-mason'ny iray tamin'ireo lehilahy; namely iray hafa aho avy eo ary nanaikitra olona iray…

Стояла до конца, пока не поняла, что я не Ума Турман, против семерых не выстою… Когда силы закончились, начала кричать…

— Miss Don't Care (@katale_ya) January 17, 2014

Niady hatramin'ny farany aho, saingy hitako nony avy eo fa tsy Uma Thurman aho [mpilalao sarimihetsika vehivavy nalaza tao Hollywood tamin'ny horonantsary mahery setra Kill Bill] ary tsy afaka hiady aminà lehilahy fito… Rehefa nanomboka reraky ny ady aho dia nanomboka nihiaka amin'izay…

Затащили в машину, приехали на квартиру, тащили меня туда разумеется на руках, чтоб не сбежала…

— Miss Don't Care (@katale_ya) January 17, 2014

Natosik'izy ireo ho ao anaty fiara aho, ary nentiny tany amin'ny toerana tsy fantatra tany, dia avy eo nobatainy tamin'ny tànany ho ao anaty trano mba hahazoany antoka fa tsy hitsoaka aho…

Зашли в квартиру, смотрю, соседка моя стоит и улыбается! А дальше еще какие-то тетки и парни. И все смотрят, как на обезьяну в зоопарке…

— Miss Don't Care (@katale_ya) January 17, 2014

Rehefa niditra tao amin'ilay trano izahay, dia nahita vehivavy miray monina amiko aho nijoro teo sady nitsiky. Nisy vehivavy sy lehilahy hafa ihany koa tao, nibanjina ahy toy ny mahita irony rajako ao anaty vala fitehirizana biby irony…

Завели в комнату и давай мне заливать какой “жених” хороший, выходи за него, не протився, все равно ведь выйдешь замуж, потом жалеть будешь.

— Miss Don't Care (@katale_ya) January 17, 2014

Napetrak'izy ireo tao anatin'ny iray tamin'ireo efitrano aho ary nanomboka nilaza tamiko ny amin'ny hatsaran'ilay “fofombadiko”, hoe tokony hanambady azy aho, hoe hanambady ihany aho na ahoana na ahoana ary mety hanenina avy eo [raha tsy manambady azy].

А я после работы, уставшая, спать хочу, их не слышу… И думаю, если я им щас дам надеть платок, то они успокоятся, а утром я сбегу!..

— Miss Don't Care (@katale_ya) January 17, 2014

Reraka sy te hatory mafy aho rehefa avy miasa, ka tsy dia tena henoko loatra ny zavatra nolazain'izy ireo … Hany ka nanapa-kevitra ny hamela azy ireo hametraka fehy loha teo amin'ny lohako aho [fihetsika maneho sy manamarika ny fanekena hanambady ilay mpaka an-keriny] mba hampitony azy ireo ka hahafahako mitsoaka moramora rehefa tonga ny maraina.

Легла я спать, и через 5 минут заходит жених и говорит, что мы пойдем к твоим родителям, скажи, что ты остаешься, чтобы они не были против..

— Miss Don't Care (@katale_ya) January 17, 2014

Lasa natory aho avy eo, kanefa nony afaka dimy minitra, dia niditra tao amin'ilay efitra ilay voalaza fa fofombadiko ary nilaza fa tany amin'ny ray aman-dreniko, hono; nangataka izy mba hilazako ny ray aman-dreniko [an-telefaona] fa nijanona aho ka noho izany dia efa nanaiky izy ireo [ilay fanambadiana]..

Я говорю, я расскажу маме так как есть, замуж я не хочу, забери меня деп…И тут звонок в дверь! Все подумали, что это гости(в 4 часа утра!)

— Miss Don't Care (@katale_ya) January 17, 2014

Kanefa dia noteneniko izy fa ho tsoriko amin'ny reniko ny marina, hoe tsy te hanambady aho, ary mila [ny reniko] hanavotra ahy hiala aty aho… Nisy nampaneno ny lakolosy tao am-baravarana nony avy eo! Noheverin'izy ireo fa vahiny no tonga (amin'ny 4 ora maraina!)  

А это оказалась милиция! Боже, вы даже не представляете, как я была счастлива их увидеть!!!

— Miss Don't Care (@katale_ya) January 17, 2014

Nefa polisy ilay izy! Andriamanitra ô, raha mba hainao mantsy hoe nanao ahoana ny hafaliako nahita azy ireo!!!

Они спросили:Удерживают ли меня здесь против своей воли?Разумеется,я сказала, что удерживают! И они забрали меня,”жениха” и его друга в РОВД

— Miss Don't Care (@katale_ya) January 17, 2014

Nanontany ahy izy ireo raha notazonina tsy araka ny sitrapoko tao aho. Mazava loatra fa izany mihitsy no navaliko azy. Avy eo, nalain'ny polisy [ho any amin'ny biraon'ny polisy tao an-toerana] izaho, ilay ‘fofombady’ ary ny namany.

Оказывается, какой-то мужик с соседнего дома видел, как меня похищали (он вовремя захотел покурить)), позвонил в 102 и назвал марку машины..

— Miss Don't Care (@katale_ya) January 17, 2014

Hita fa noho ny fandraisana andraikitry ny lehilahy iray nifanolo-bodi-rindrina izay nahita azy ireo naka ahy an-keriny (nivoaka hifoka sigara teo ivelany tamin'io fotoana io mihitsy), ka niantso [polisy], ary nampilaza azy ireo ny momba ilay fiara [izay nitondran'izy ireo ahy nitsoaka].

Милиция меня 4 часа искала, весь Бишкек объездила, в поисках этой машины…

— Miss Don't Care (@katale_ya) January 17, 2014

Nandany ora efatra ny polisy nitady ahy, feno azy ireo ny tanànan'i Bishkek nitady ilay fiara…

Приехали в РОВД. Я написала заявление. Парням-дебилам на заметку: За похищение сейчас дают от 5 до 7 лет!!!

— Miss Don't Care (@katale_ya) January 17, 2014

Nametraka fitoriana aho rehefa tonga tany amin'ny [biraon'ny polisy] izahay. Ho an'ireo bandy mitapitapy: ny fakàna an-keriny [ ny vehivavy halaina ho vady] dia efa azo saziana dimy ka hatramin'ny fito taona an-tranomaizina ankehitriny!!

Kanefa nanapa-kevitra i Roza fa tsy hampiakatra fitsarana ireo lehilahy naka an-keriny azy. Na dia tsy neken'ireo marobe mpampiasa Twitter aza anefa ny fanapahan-kevitr'i Roza hamela ireo naka an-keriny azy hiala maina amin'izao ka tsy ho voasazy, nilaza izy fa tsy sitrany ny “hamotika ny fiainan'ireo lehilahy ireo”. Hoy izy nibitsika taoriana kelin'izay:

Жизнь продолжается… Так или иначе…

— Miss Don't Care (@katale_ya) January 17, 2014

Mandeha ny fiainana na izany na tsy izany…

И я хочу поскорее забыть это все, как страшный сон…

— Miss Don't Care (@katale_ya) January 17, 2014

Tiako hadinoina ho toy ny nofy ratsy izany rehetra izany…