Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Goatemalà: Fampiasana Ankizy Any An-tsaha Fambolena Fary

Ny fanadihadiana nataon'ny mpanao gazetin'ny Plaza Publica tao Goatemalà no nahitana ny mpitondra ao amin'ny fitondrana, izay manana adidy araka ny lalàna hisoroka ny fampiasana zaza, mamela ny zaza latsaky ny 14 taona hiasa eny amin'ny saha fambolena fary, toerana ilana herintsandry sy mampidi-doza.


Singam-pary navoakan'i Chris McBrien CCBy

Ao amin'ny lahatsoratra mitondra ny lohateny hoe Fampiasana ankizy sy ny famokarana fary ao Goatemalà i Alberto Arce sy i Martín Rodríguez Pellecer no mamahavaha ny fomba fampiasana ny ankizy any antsaha fambolena fary fa araka ny lanjan'ny [fetra] fary tapaka ny karama raisina. Raha mahatapaka roa na telo taonina ny ankamaroan'ny mpiasa lehibe, dia tsy mahatratra ny karama farany ambany akory izany, eo ho eo amin'ny 7,5 dôlara amerikana isan'andro. Ny iray amin'ny fianakaviana nifampitafatafana, izay ahitana raim-pianakaviana miasa miaraka amin'ny zanany roa, ny iray 12 ary ny hafa 13 taona, dia tsy mahavita mahazo ny karama farany ambany eo amin'izy telo mianaka.

Para llegar al salario mínimo, con un salario de Q20 por tonelada es necesario superar las tres toneladas diarias. Para el finquero, la media normal que un cortador puede extraer es de seis toneladas. Los cortadores dicen que a partir de dos o tres es inhumano.

Mba hahazoana ny karama farany ambany indrindra, amin'ny karama Q20 isan-taonina dia tsy maintsy mahavita mihoatra ny telo taonina isan'andro vao mahazo izany. Ho an'ny tompon'ny fambolena, ny tokony ho vitan'ny mpanapaka fary dia 6 taonina. Ny mpanapaka kosa miteny fa efa tsy rariny intsony ny mihoatra ny roa na telo [taonina].

At Flamenco, Picture by Alberto Arce, CC BY

Manaraka izany ity lahatsary fohy ity raha nandeha tany amin'ny saha fambolena fary izy ireo naka sary tamin'ny fakantsary fahagola vita tamin'ny hazo. Tao amin'ny lahatsoratra:

Plaza Pública ingresó sin pedir permiso a la propiedad privada de Kuhsiek para hacer unas fotografías artísticas sobre trabajadores de la caña. En ese momento, no se sabía quién era el dueño de la finca. Ya dentro se descubrió el trabajo infantil. Allí, en una conversación informal entre el empresario agrícola, uno de los reporteros que escriben esta nota y el fotógrafo Rodrigo Abd, se acordó una entrevista formal en su oficina de la capital.

Niditra tao tsy nahazo alalana tamin'ny tompon'ity tany an'olotsotra ao Kuhsiek ity ny Plaza Pública haka sary artistika ireo mpanapaka fary. Tamin'io fotoana io dia tsy fantatra hoe iza no tompon'ny tany fambolena. Vantany tafiditra tao, dia hita ny fampiasana ankizy. Hatreo, tamin'ny resaka anjorony nifanaovana tamin'ny mpandraharaha ara-mpambolena vitsivitsy, dia nifanarahana fa hisy ny fotoana hitafatafana amin'ilay mpanangom-baovao sady mpaka sary Rodrigo Abd ao an-drenivohitra.

Ny nampihomehy tamin'izy ity dia angamba ny tompon'ilay tany fambolena Flamenco dia tsy iza fa i Otto Kuhsiek, filohan'ny Tranoben'ny Fambolena Goatemalteka.  Tao amin'ny tafatafa dia tsy nandà izy fa mety hisy ankizy miasa ao, saingy nanolo-kevitra izy fa tsy tena miasa izy ireo ao:

El presidente de la Cámara del Agro se define como una persona que trata de cumplir con la Ley: “No conozco las edades de los niños que se encontraban en mi finca, que estaban, en todo caso, en su período vacacional. Usted vio que había una escuela en frente de donde estaban. Y esos niños no son trabajadores, sino que vienen acompañando a sus padres. Son sus ayudantes (…) .

Ny filohan'ny Tranoben'ny Fambolena dia mamaritra ny tenany ho mpanaja ny lalàna: “Tsy mahalala ny taonan'ireo ankizy hita tao a-tany fambolena aho, sady fotoanan'ny fialan-tsasatra ihany koa izao. Hitanao fa nisy sekoly teo anoloan'izy ireo ary avy tao ireo. Tsy mpiasa ireo ankizy ireo, fa niaraka tamin'ny ray aman-dreniny. Manampy azy ireo “.

Nanazava ihany koa izy fa tsy misy ny fanandevozana ireo mpiasa ireo satria afa-miala izy ireo rehefa leo. Saingy nanamarika kosa ny mpanao gazety fa mbola miasa hatrany ireo mpiasa na dia amin'ny 5 hariva aza satria araka ny fary tapaka ny karamany, izany hoe tahaka ny voatery hisafidy izy ireo na hamelona ny ankohonany na hitsimpona ny ambiny.

Ao amin'ny twitter, tamin'ny tenifototra #11deazucar, niezaka tsy hifantoka amin'ny fiahiana ny fiainan'ireo ankizy ireo ny mpanao gazety Goatemalteka Alejandra Gutierrez :

¿Los cañeros? ¿los azucareros? ¿los compradores? ¿los padres? ¿el Estado? La tragedia es que esos niños tengan que trabajar. #11deazucar

Mpanapaka fary? mpiasan'ny siramamy? mpividy? havana? ny fanjakana? Ny voina dia tsy maintsy miasa ireo ankizy ireo. #11deazucar

Tsy zava-baovao izany ankizy mpiasa eny amin'ny tany fambolena izany: raha iverenana ny taona 2007, dia nisy nampiditra tao amin'ny YouTube ity lahatsary misy ny sarin'ny mpiasa eo amin'ny saham-pambolena fary ahitana ankizy maro ity ao Goatemalà.

Na dia anisan'ny fampidirambola mitombo sy miroborobo haingana indrindra ao Goatemalà aza ny orinasa misahana ny fary, dia tsy mipaka any amin'ny olona farafaharatsiny izay ao anatin'io sehatra io izany fitomboan-karena sy firoboroboana izany. Ny marina ny fikambanan'ny mpanao siramamy izay ivondronan'ny orinasa mpanodina siramamy 13 ao Goatemalà, Asazgua, dia miantoka ny karama farany ambany indrindra ho an'ireo miasa ao anatin'ny fanodinana siramamy, fa tsy ireo mpanapaka fary ary heverin-dry zareo fa tsy misy idirany na ny olan'ny mpanapaka fary notantaraina na ny fisian'ny fampiasana zaza tsy ampy taona rehefa tsy miasa ao amin'ny orinasa fanodinana siramamy izy ireo : mpamatsy ireo fa tsy ao anatin'ny Asazgua ka tsy anjaran'izy ireo ny manakana izany [fampiasana ankizy izany ] tsy hitranga.

At Flamenco, by Alberto Arce, CC BY

Ao amin'ny lahatsoratry ny Plaza Publica no itantaran'i  Arce sy i Rodriguez ny fiheveran'ny tompon'ny saham-pambolena sy ny Asazgua ho anisan'ny iharam-pahavoazana ihany koa, ka manolo-kevitra fa ny fisian'ny ankizy miasa eny an-tsaha dia safidin'ny tantsaha, ary ny tsy famelana ny ankizy hiasa dia mety hitarika ny tantsaha na ny ankizy handoro na higafy ny famokarana.

Nisy vokany ny lahatsoratra sy ny fanadihadiana saingy indrisy tsy araka ny nantenaina. Nandefa hafatra ao amin‘ny twitter ny mpanao gazety Alberto Arce fa na dia nampitsahatra ny asa vokatry ny lahatsoratra momba ny fary ao amin'ny @PlazaPublicaGT aza ny Tany Fambolena Finca Flamenco, dia misy ny mpiasan'ny fary very asa ao Retalhuleu.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.