Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arzantina: 35 taona Aty Aoriana, Ho Ela Velona Anie Ny Fetibe Karnavaly!

Carnaval Porteño

Sary avy ao amin'ny Flickr avy amin'ny governemantan'ny tanànan'i Buenos Aires (CC BY 2.0)

Zava-mahazatra ny firesahana mikasika ny fetibe fanao any  amin'ireo firenena  hafa any Amerika Latina ,  tahaka ny firesahana ny politika, ny salsa ary ny rumba, kanefa any Arzantina, efa taona maro lasa izao dia sokajiana ho efa tantara taloha ny fanaovana fetibe karnavaly. Ny Jona 1976, nandritra ny fitondrana jadon'ny miaramila, ny maha-andro tsy fiasana ny fetibe dia nofoanana tamin'ny lalàna 21329 mamaritra ireo andro tsy fiasana . Namboarina izany lalàna izany tamin'ny taona lasa teo, ka amin'ity taona ity ary hankalazaina ny fetibe ny 7 sy 8 Martsa izay tsy hiasana any Arzantina.

Noho ny fandraràna tamin'ny 1976, maro ireo fomban-drazana very: Vita hatreo ny fialantsasatra, ireo fampisehoana an-dalambe, fanipazana rano an'ireo mpandalo eny an-dalambe na ireo balaonina feno rano sy ireo barika feno rano. Na izany aza, maro ireo tanàna eraky ny firenena nanao fetibe toy ny any Gualeguaychú [es], Corrientes [es], Salta ary Humahuaca [es], sy ireo hafa. Tsy nanary ny fomban-drazana i Buenos Aires ary nanohy ny “murgas,” na koa ilay fantatry ny be sy ny maro amin'ny anarana hoe “comparsas” (ireo vondrona mpanao fetibe an-dalambe) any amin'ny firenen-kafa. Kanefa mbola tsy manana daty i Arzantina — ho andro ofisialy natokana tsy hiasana — mba tsy hahalany laza ireo fankalazàna.

Tamin'ny taona 1983, tamin'ny fiverenan'ny demokrasia tany Arzantina, nanomboka niverina ny murgas [es] malaza any Arzantina, nefa mbola tsy napetraka ihany izayandro fialantsasatra ho an'ny fetibe.

Ny Novambra 2010, nanamboatra ny lalàna 21,329 ny Filoha Cristina Fernandez de Kirchner ary niverina indray ny fifaliana, indrindra ireo izay nihevitra hamerina ireo fankalazana ny fetibe, tahaka ny Fikambanana MURGAS [es] izay nahatratra ny tanjony taorian'ireo hetsika miisa efatra ambinifolo nataony:

Después de 27 años en democracia y tras 14 multitudinarias marchas carnavaleras que las murgas realizamos año tras año en reclamo de la restitución del feriado nacional de lunes y martes de carnaval, logramos un hecho histórico, sin precedentes y de una profunda y enorme alegría: volver a tener los feriados de carnaval

Taorian'ny 27 taona nisian'ny demokrasia sy ireo diabe 14 nokarakarain'ireo vondrona mpanao fetibe an-dalambe izay manatanteraka izany isan-taona mba hangatahana ny famerenana ny andro Alatsinainy sy Talata fialantsasatra nasionaly mandritra ilay fetibe, nahavita hetsika voarakitra ao anaty tantara izahay, tsy nisy toa azy arylalim-paka sy mahatonga fifaliana lehibe: manana andro fankalazana ny fetibe indray izahay.
Carnaval Porteño
Sary ao amin'ny Flickr avy amin'ny Governemantan'ny tanànan'i Buenos Aires (CC BY 2.0)

Ireo bilaogy tahaka ny La república de las palabras [es] (Ny Repoblikan'ny teny) dia naneho ny hafaliany momba ny fiverenan'ireo andro fialantsasatra ho fankalazana ny Fetibe. Maro ireo gazety any Amerika Latina, tahaka ny El Comercio any Ekoatora [es], Prensa Libre any Goatemala [es], ary El Deber any Bolivia dia samy nanambara ilay fiverenana.

Raha dinihantsika fa 35 taona izay no lasa hatramin'ny nanafoanana ireo andro fankalazana ny Fetibe, midika izany fa maro ireo taranaka tsy mahalala ny dikan'ny fankalazana, na ny anton'ny fifaliana sy fankalazana tahaka izany. Na mety nieritreritra izy ireo fa tsy maintsy mankany Brezila ianao raha te-hiaina ny Fetibe. Perla A. ao amin'ny bilaoginy manokana dia manoratra momba ireo fahaizana ara-tetiarana izay ianaran'ny tanora mikasika ny fankalazana avy amin'ny alalan'ireo tantara tantarain'ny raiamandreniny na ny renibe sy raibeny azy ireo:

Todos lo que tenemos entre 30 y 40 años hemos crecido con los relatos de los carnavales de nuestros padres, de los disfraces que usaban y de la atmósfera festiva que se vivía, no en vano una canción dice: por esos cuatro días locos que vamos a vivir, en clara referencia a este festividad.

Isika rehetra izay eo anelanelan'ny 30 sy 40 taona dia nihalehibe niaraka tamin'ireo fitantaràna momba ny fetibe avy amin'ny raiamandrenitsika, momba ny fiakanjoana mifanaraka amin'izany sy ny rivotry ny fety nisy tamin'izany, arakz ny ambaran'ny hira iray hoe, “hiaina isika ho an'ireo andro efatry ‘ny hadalàna,” mialaza mivantana an'ity fetibe ity.

Izany no antony mahatonga ny olona maro mandeha miova rivotra mandritra ny faran'ny herinandro lavabe. Fenon'ireo mpizahatany teratany  hatramin'ny 80% izay mankafy fakan-drivotra fohy ny Hotely. Ankehitriny dia hisy ireo faminavinana raha hevitra tsara na ratsy ny fanapahan-kevitra hanànana ity andro fialantsasatra vaovao ity, indrindra satria dia taonan'ny fifidianana ity taona ity; nefa raha atao indray mipi-maso, raha ny fivezivezen'ny mpizahatany mandritra ny andro fialantsasatra no jerena, dia tsy misy ny lafiny maha ratsy azy. Miverina ho andro tsy fiasana ofisialy indray ny Fetiben'i Arzantina.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.