Niantsafa nandeha mivantana momba an'i Taiwan sy izay lohahevitra mifandraika amin'i Taiwan tamin'ny fantsom-baovao okrainianina i Filip Noubel ato amin'ny GV
Dikandahatsoratra
Nandritra ny fijanonana tao Kyiv, Filip Noubel , toniam-pitantanan'ny Global Voices, nanao antsafa mivantana tao amin'ny fantsom-baovao Okrainiana Прямий (Pryamiy) mba hiresaka momba an'i Taiwan, ny fifandraisana Taiwan-Okraina, ny zon'ny LGBT+ ao Taiwan sy Shina ary ny zon'olombelona ao Shina. Manampy izany, tafiditra anaty resaka ny fifandraisana misy eo amin'i Shina sy Rosia sy ny mety hisian'ny fanafihan'i Shina ao Taiwan. Nilaza i Noubel, taorian'ny antsafa nanaraka izany, fa saika tsy voatonona ao amin'ny fampitam-baovao Okrainiana mihitsy i Taiwan raha jerena ny fitantarana prô-Shina mbola misy ao Okraina.
Nifantohana tanatin'ny antsafa naharitra efa ho 50 minitra, izay nahazo mpijery mivantana manodidina ny telo tapitrisa, ny fahaizan'i Noubel teny maro sy ny nanonona ny asa ataon'ny Global Voices.
Jereo ny dika feno voarakitra ao amin'ny Youtube, izay efa nahazo mpijery efa ho 21.5k, eto ambany:
Ny Blaogim-Piarahamonina Global Voices dia sehatra ho an-ny mpikambana ato aminay hifampizarana ala hamohamo, tantara manokana. Natao ihany koa hieritreretana ny asa iarahana, hifampizarana hevitra sy fijery amin'ny sehatra misy anay. · Lahatsoratra rehetra
