Pikantsary avy amin'ny lahatsarin'ny ABC News “Great Barrier Reef” miatrika fiofona goavana iray hafa”

Toy ny voahilika tao anatin'ny fahatotoran'ny tsingerim-baovao ny fandrakofana ilay fiofoana faobe fahefatra mahazo ireo haran-dranomasina tato anatin'ny enina taona ao amin'ny Great Barrier Reef ao Aostralia. Tamin'ny 25 Martsa 2022, nohamafisin'ny Manampahefana ao amin'ny Great Barrier Reef Marine Park io tao anatin'ny tatitra fanaony momba ny fahasalaman'ireo Haran-dranomasina:

Tsy nahasarika ny saina toy izay efa mahazatra ateraky ny tranga tahaka izany eny anaty media mahazatra na ny media sôsialy ilay izy, na tao an-toerana izany, na erantany. Ny ady ao Okraina, ireo tondradrano any atsinanan'i Aostralia, ny adihevitra momba ny tetibola federaly ao Aostralia mialoha ny fifidianana nasiônaly hatao amin'ny May, ny fahafatesana tsy nampoizina nanjo ilay mpilalao cricket ankafizin'ny maro, Shane Warne sy ireo vaovao hafa mahakasika olomalaza no naka ny ivon'ny sehatra.

Nitaraina ilay siantifika mpahay momba ny haran-dranomasina, Profesora Terry Hughes :

This week Will Smith gets more media coverage, for bad behaviour, than the ongoing decline of the world’s coral reefs.

How screwed up is that? https://t.co/aLuO2WpeAH

— Terry Hughes (@ProfTerryHughes) March 29, 2022

Tamin'ity herinandro ity, Will Smith no nameno ny fandrakofana vaovao, noho ny fitondrantena tsy mendrika, fa tsy ny fahasimbàna miandàlan'ny haran-dranomasina manerana ny tany

Ny fandaharana anaty onjampeo NPR “All things Considered” no nanasongadina tatitra fohy:

LISTEN: Australia's Great Barrier Reef is suffering a massive bleaching event, reports @npratc. https://t.co/eJKI4pgMpq

“We need to learn from these bleaching events,” says WCS's @emilysdarling. “We need to change business as usual. We need to take action on #climatechange.” pic.twitter.com/iBFmcYFesR

— WCS (@TheWCS) March 25, 2022

HENOY: Iharan'ny fiofoana faobe ny Great Barrier Reef ao Aostralia, tatitry ny @npratc. https://t.co/eJKI4pgMpq

“Tokony haka lesona avy amin'ireny fiofoana ireny isika”, hoy i @emilysdarling avy ao amin'ny WCS. “Mila manova ny asa fandraharahàna toy ny mahazatra isika. Mila mihitsy isika manao hetsika hanoherana ny #fiovànNyToetrandro.” pic.twitter.com/iBFmcYFesR

Hita ao ity fanehoankevitr'i Emily Darling avy ao amin'ny Wildlife Conservation Society ity:

Ny fahatetehan'ireny tranga ireny no tena nanaitra ny masoko. Tena tsy misy tsotra izao ny làlan-kivoahana mba hiarenan'ireo haran-dranomasina

Tsy ny rehetra ao amin'ny media sôsialy no resy lahatra:

If I remember right the great barrier reef wasn't going to be around 20yrs ago because of climate change. https://t.co/VMpyLrphGF

— Kris Kinder (@kris_kinder) March 25, 2022

Raha tsara ny fitadidiako dia tsy mbola nisy ilay haran-dranomasina goavana, roapolo taona lasa izay, noho ny fiovàn'ny toetrandro

Any andafin'ny tanibe, ilay parlemantera federaly, Josh Wilson, dia manahy sao mila fampahafantarana misimisy kokoa ny fahavoazana mitovitovy amin'izany manjo ny Ningaloo Reef ao amin'ny Fanjakàny ao Aostralia Andrefana:

It’s right that bleaching of the Great Barrier Reef is a matter of enormous national and international concern, but marine heatwaves off the WA coast are also of grave ecological and biodiversity consequence. https://t.co/UfIlbaop0N

— Josh Wilson (@Josh4Freo) March 25, 2022

Marina fa asa loha ngezabe ho an'ny firenena sy izao tontolo izao ny fiofoan'ny Great Barrier Reef, saingy misy fiantraikany goavana eo amin'ny rohivoahary sy ny hamaroam-piaina ihany koa ireo onjana maripàna an-dranomasina any amin'ny morontsiraka andrefan'i Aostralia. https://t.co/UfIlbaop0N

Herinandro taorian'ilay fanambaràna fisiana fiofoana no nanolorana ilay tetibola federaly aostraliàna. Indray mandeha monja ny kabarin'ny mpitahiry vola, Josh Frydenberg, no mba nanamarika ny resaka fiovàn'ny toetrandro. Marobe no nanameloka ny tsy fisian'ny famatsiambola fanampiny ho entina miady amin'ny fiovàn'ny toetrandro. Ny Filankevitra momba ny Toetrandro dia nitaraina momba io tsy fisian'ny famatsiambola io:

Tsy nahavita nilaza firotsahana mivaingana, na iray aza,  NY tetibola federaly 2022, ho entina miatrika ny fihazakazaky ny fiovàn'ny toetrandro ao Aostralia.

Nicki Hutley, Mpanolotsaina momba ny toetrandro, mpahay toekarena sady mpiaramiasa fahiny tao amin'ny Deloitte Access Economics, izay nanakatona ny tetibola tamin'ny androany, dia nikajy hoe 0,3% monja tamin'ny fitambaran'ny fandaniana ho an'ny 2021-2024 no narotsaka ho an'ny hetsika momba ny fiovàn'ny toetrandro, mbola nidina ambany lavitra,  0.2% monja ho an'ny 2024-2026.

Matroka ny fijerin'ny Institute for Energy Economics and Financial Analysis (IEEFA) ny tarehimarika:

Nandresy lahatra ry zareo hoe: “Na nilaza aza ny Governemanta Federaly fa hampiditra vola ho ao anaty tetibola 2022-23 ho an'ireo fepetra fampihenana ny angovo sy ny fandefasana entona, nihena ny fandaniana hatao ho an'ny toetrandro ato anatin'ny taona efatra ho avy, ary ho an'ny entona LNG, ny entona, ny fakàna sy fitahirizana ny karbôna, ary nitombo ny hidrôzena “madio”, saingy tsy voatery ho “maitso”.

In Australia's 2022-23 Budget, spending on climate is reducing over the next four years, and spending on LNG, gas, carbon capture and storage, and ‘clean’ but not necessarily ‘green’ hydrogen has increased.https://t.co/b1cftmzKMr #auspol #ClimateCrisis #energy

— IEEFA_AsiaPacific (@IEEFA_AsiaPac) March 30, 2022

Ao anatin'ny tetibolan'i Aostralia 2022-23, nihena ny fandaniana natao ho an'ny toetrandro ato anatin'ny taona efatra ho avy, ary ho an'ny entona LNG, ny entona, ny fakàna sy fitahirizana ny karbôna, ary nitombo ny hidrôzena “madio”, saingy tsy voatery ho “maitso”

Nandritra ny “The Conversation” (Fifanakalozan-kevitra), nasongadin'ireo mpahay siansa avy amin'ny Anjerimanontolo James Cook ao avaratr'i Queensland ny endrika hafa iray tsy mahazatra amin'ilay fiofoana:

Sambany izao ilay haran-dranomasina no niofo teo ambanina fepetran-toetrandro mangatsiatsiakan'ny La Niña, izay mampiseho hoe hatraiza ny tanjaky ny fironana maharitry ny fiovaovàn'ny toetrandro.

Kisendrasendra, nitsidika an'i Aostralia mba handraisany na tsia fanapahankevitra hampiditra ilay haran-dranomasina ho anaty lisitry ny Lovan'Izao Tontolo Izao tandindonin-doza ny iraka mpanaramaso avy amin'ny Sampandraharahan'ny Firenena Mikambana misahana ny Lovan'Izao Tontolo Izao:

Ny Foibe misahana ny Lovan'Izao Tontolo Izao ao amin'ny UNESCO sy ny IUCN (International Union for Conservation of Nature – Fikambanana Iraisampirenena ho Fitahirizana ny Natiora) dia hanatontosa iraka any amin'ny Great Barrier Reef ao Aostralia ny 21 hatramin'ny 30 Martsa 2022 mba hanombana ny toetoetry ny fitahirizana azy sy drafitra iray maharitra ho fiarovana azy.

Tamin'ny Jolay 2021, vitan'ny Minisitry ny Tontolo Iainana, Sussan Ley, ny nisoroka io vokatra tena mahamenatra io.

Any amin'ny faritra hafa iray ao atsinanan'i Aostralia, ny morontsirak'i Boni ao Sydney, izay malaza erantany, dia nisedra tranga iray hafa mifamatotra amin'ny resaka toetrandro:

Sorry but unprecedented won’t cut it anymore. #bondibeach pic.twitter.com/UbYLUe6NTt

— caroline pegram (@caroline_pegram) April 2, 2022

Miala tsiny fa tsy ho ampy intsony ny hoe tsy mbola nisy tahaka azy

Mandritra izany fotoana izany, ny tatitra farany indrindra niraisan'ireo ministera momba ny Fiovaovàn'ny Toetrandro – Intergovernmental Panel on Climate Change (IPCC) dia  nampitandrina hoe “tsy ho tratra ny famerana ny fiakaran'ny maripàna ho 1,5 °C”.

Craig Foster, ilay kintan'ny soccer, efa nijanona nisotro ronono, no sady mpikatroka ho an'ny zon'olombelona, no iray tamin'ireo marobe nanipika ny fiasian'ilay hamehana:

‘The world can still hope to stave off the worst ravages of climate breakdown but only through a “now or never” dash to a low-carbon economy and society..a final warning for governments on the climate.’

And Australia is going backwards.

It’s criminal. https://t.co/YUWgvMJWd3

— Craig Foster (@Craig_Foster) April 4, 2022

Mbola azon'izao tontolo izao atao hatrany ny manantena ny hisoroka ny faharavàna ratsy indrindra amin'ny firodànan'ny toetrandro, saingy fotsiny amin'ny fihazakazahana “dieny izao raha hanao ihany” mankany amina toekarena sy fiarahamonina tsy dia mandefa entona karbôna loatra….fampitandremana farany momba ny toetrandro ho an'ireo governemanta “.

Ary mihemotra i Aostralia.

Tena heloka bevava.