Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Soa ho an'ireo Nepaley mpaka sary ny voahary ny fiverenan'ireo vorona mandritra ny fihibohana noho ny COVID-19

Tsikorovana mena, mpivady. Sary an'i Mira Dhakal. Nahazoana alàlana.

Na eo aza ny habeny azo lazaina ho somary kely ihany, fananan'i Nepal ny efa ho 9% amin'ny fitambaran'ireo karazam-borona fahita erantany. Araka ny voalazan'ny Bird Conservation ao Nepal, karazana vorona miisa 886 no voarakitra fa misy ao amin'io firenena io.

Raha nihena be ny isan'ireo vorona ao Nepal noho ny fahasimban'ny toerana fonenan'izy ireny sy ny fiantraikan'ny fiovaovàn'ny toetrandro, ankoatra ireo anton-javatra hafa, niteraka fidinan'ny fandotoana no sady niteraka tontolo nanome vahana ireo biby ny fepetra noraisina ho fisorohana ny COVID-19. Araka ireo fanadihadiana, nifanandrify indrindra tamin'ny fotoana firaisan'ny ankamaroan'ireo vorona an-tanandehibe ilay fihibohana, ary dia nozarain‘ireo mpakasary matianina na mpankafy tsotra fotsiny ireo tsikaritr'izy ireny tany ambadikin'ny tokontaniny tany.

Mizara ireo saripika avy aminy eo ambanin'ny tenifototra #TheJoyOfSmallThings ao amin'ny Twitter i Mira Dhakal, mpankafy maka sary. Ny traikefa ananan'ny reniny tamin'ny fikirakiràna sary tao amin'ny ‘studio’ -mpianakaviana no aingampanahy nanosika azy, natombony tamin'ny fanapihana sary ireo vorona tamin'ny alàlan'ny fakantsariny, taona dimy lasa izay.

Hoy i Dhakal  tao anaty tafa iray tamin'ny alàlan'ny imailaka nifanaovany tamin'ny mpanoratry ny Global Voices,  Sanjib Chaudhary:

Rehefa manapika sary vorona iray aho, dia mahatsapa ho toy ny tsara tarehy sy afa-patorana toy ny vorona. […] Rehefa nanomboka ny fakàna sarim-borona aho, dia nanomboka nijery ny vorona teny rehetra teny sy nihaino azy ireny matetika. Vitako ny nahamarika vorona marobe tsara tarehy sy ny akanin'izy ireny na dia tany anaty fiara eny am-pandehanana aza. […] Velombolo ery ireo vorona, mahery vaika sy miteraka hafaliana tsy misy toy izany.

Ireto ny sasany tamin'ireo sarim-borona nopihan'i Dhakal tamin'ny fakantsariny:

Tsy vitan'i Dhakal ny naka sary ny “blue whistling thrush” na dia im-betsaka niezaka haka izany aza izy. Kanefa, nipoitra tao ambadikin'ny tokontanin'i Dhakal ikala manja ity nandritra ny fihibohana. Sary an'i Mira Dhakal. Nahazoana alàlana.

Antson'ny taotaonkafa manambara ny fahatongavan'ny lohataona.  koels aziatika mivady (vorona mitovitovy amin'ny taotaonkafa ihany koa). Sary an'i Mira Dhakal. Nahazoana alàlana

Avelan'ny olona hametraka akany eo amin'ny tranon-dry zareo ao Nepal ireo tsikirity, sidintsidina sy  marotaina. Sidintsidina sy tsintsina (fody) miara-miteronterona. Sary an'i Mira Dhakal. Nahazoana alàlana

Goaika maitso. Sary an'i Mira Dhakal. Nahazoana alàlana

Common tailorbird. Sary an'i Mira Dhakal. Nahazoana alàlana

Vorondreo lehibe. Sary an'i Mira Dhakal. Nahazoana alàlana

Fitatra Robin tatsinanana. Sary an'i Mira Dhakal. Nahazoana alàlana

Fotsy maso tatsinanana. Sary an'i Mira Dhakal. Nahazoana alàlana

Tsikorovana mivady avy ao Himalaya. Sary an'i Mira Dhakal. Nahazoana alàlana

Vintsy fotsy tenda. Sary an'i Mira Dhakal. Nahazoana alàlana

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.