Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ho ela velona i Večerníček: Ilay antso maharitry ny seho fahitalavitra Tsheky 55 taona ho an'ny kilonga

Pikantsary avy amin'ny sombim-pamantarana an'i Večerníček, mampiseho ilay olona malaza amin'ny seho. Avy amin'ny Youtube.

Tamin'ny 2 janoary ny Repoblika Tsheky no nankalaza ny tsingerintaona faha-55 taona an'i Večerníček, iray amin'ny seho fahitalavitra malaza indrindra ao aminy, izay nahazo ny sata fiondrika ary lasa vato lehibe fikasika amin'ny maripanondroana Tsheky.

Tany Tshekoslaovakia, nanome fifantohana manokana ho an'ny tanora ny ideôlôjia komonista, izay mifanaraka amin'ny finoana fa tsy tahaka ireo mitovy aminy any amin'ireo firenena kapitalista tandrefana, fa misitraka fiarovana manokana sy zo ara-kolontsaina tsy manam-paharoa ny kilonga mitombo any amin'ny firenena sosialista. Natao ho mora takatry ny ankizy maro dia maro, tsy ijerena saranga ara-piarahamonina ny boky, filma, fanatanjahantena, lanonana ara-kolontsaina ary ireo endrika hafa fanalana voly.

Tamin'ny taona 1965 ny fahitalavitra an'ny fanjakana Tshekôslaovaky no nanomboka fandaharana mandeha isa-kerinandro nantsoina hoe Večerníček (Teny tsheky midika hoe “tantara fohy amin'ny fotoana fatoriana”) izay nanomboka sy nifarana tamin'ny hira (sy sary) famantarana (ny fandaharana) izay tsy niova intsony hatramin'izay. Naharitra folo minitra ny seho, halavam-potoana idealy hahazoana ny fifantohan'ny ankizy, ary naseho hatrany tamin'ny fito ora latsaka fahefany hariva hatramin'ny nanombohany. 

Ity video manamarika ny fahadimampolo taona nandefasana voalohany an'i Večerníček tamin'ny 2 janoary 1965 ity, no manasongadina ilay mpiantsehatra mitondra ny tantaran'ny fotoana fatoriana mitafy ilay satroka vita amin'ny gazety miakatra ny tohatra. Tsy niova ary lasa ifankafantarana mandritra ny fahazazana ho an'ireo Tshekoslaovaky an-tapitrisany tamin'izany fotoana izany ny hira, noforonin'i Ladislav Simon, sy ny feon'ny zazalahy dimy taona nantsoina hoe Michal Citavý, ary ifankafantaran'ny Tsheky indray amin'izao fotoana. Any amin'ny fianakaviana maro, manamarika ny fotoana fatoriana ihany koa ny fiafaran'ny Večerníček satria mifarana amin'ny fehezanteny diso fantatra manao hoe “Dobrou noc!” (Soava mandry!) ny seho. Indro ny endrika mainty sy fotsy tamin'ny fotoana lasa:

Tamin'ny taona 1999, Nomen'ny siantifika tsheky ny anarana Večerníček ny planeta iray vao hita (nomena ny laharana 33 377).

Ampolony taona maro ny seho no nivoaka isan'andro, nanolotra ny tsara indrindra tamin'ny sarimiaina Tshekoslaovaky, sy sarimiaina vahiny avy amin'ny firenena sosialista hafa. Tamin'ny taona1989, rehefa nifarana ny komonisma tao Tshekoslaovakia, nanomboka namoaka votoaty Tsheky fotsiny ny seho. Ahitana andian-tantara efa lasa manerantany amin'izao fotoana antsoina hoe Krteček (ilay mpitsikilo kely), izay efa lasa iray amin'ireo sariohatra ara-kolontsain'ny Repoblika Tsheky ireo asa mivoaka ao amin'ny seho (fandaharana). 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.