Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Azerbaijan: Tsy afaka nidirana ny tranonkala nanohanana ny mpikatroka  

(Marihina fa tamin'ny volana Jolay 2009 no nivoahan'ny lahatsoratra teny Anglisy)

ali

Tsy mandeha, voalaza ho voajirika ny tranonkala fanohanana ireo tanora mpikatroka, bilaogera voahazona.

Araka ny tatitra avy amin'ny Önər Blog, handinika indray ny raharahan'i Emin Milli sy Adnan Hajizade ny Fitsarana Avo ao Baku. Ireo bilaogera sady mpikatroka tanora roa ireo dia voadaroka sy voasambotra ary voaheloka higadra roa volana mialoha ny fotoam-pitsarana noho ny voalaza fa fiampangana ho nanao fihetsika “jiolahy mpandrava”.

Raha nentina teo anoloan'ny mpitsara i Emin Milli dia tsy afaka nitondra an'i Adnan Hajizada tany amin'ny fitsarana noho ny antony tsy fantatra kosa ny manampahefana. Rehefa nanao fangatahana ny fanatrehany ny mpisolovava an'i Hajizada dia nanaiky izany ilay mpitsara ary nanemotra ny fitsarana ho amin'ny 20 Jolay 2009.

Nitombo mazava ho azy ny hetsika an-tserasera niaraka tamin'ireo mpikatroka hafa sy ny mpanohana ilay voafonja izay nampiasa ny tambajotra sosialy sy ny YouTube mba hanaovana fanentanana ho famotsorana azy ireo. Ny omalin'iny anefa dia tsy nisokatra ny iray tamin'ireo vohikala, AdnanEmin.com, izay natsangana ho fiarovana azy ireo .

website-mod-ready1

Araka ny resadresaka tao amin'ny Facebook, maro no niahiahy fa izany no nitranga dia noho ny ping flood, fanafihana tolotra (DoS) rehefa mitobaka ny ping ao amin'ny tranonkala .

e-i-mod-ready1

Azo heverina fa naharay ping tsy voafetra ny tranonkala ary tsy zakan'ny lohamilina foibe intsony.”

Ora vitsivitsy taty aoriana, dia azo nidirana indray ilay tranonkala.

hustlerflower1

Azo jerena ato sy ato ny vaovao bebe kokoa momba an'i Emin Milli sy Adnan Hajizade. Manome fanampim-baovao ihany koa ny bilaogy OL! amin'ny dikanteny Anglisy vaovao .

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.