Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fahombiazana sa tsia ny fifidianana solombavambahoaka nahemotra ela sy nitarina tao Afghanistan?

Zokiolona Afgana mampiseho ny rantsantanany misy ranomainty mba hanehoana fa nifidy izy nandritra ireo fifidianana mialoha nokarakarain'i Afghanistan tany Barge Matal, Afghanistan, ny 20 Aog. 2009. Ireo zokiolona ao an-tanànan'i Afghanistan dia heverina fa maodely sy mpitarika eo amin'ireo sivily Afgana. Nanampy tamin'ny fametrahana fiarovana nandritra ny fifidianana ny tafika Amerikana. Sarin'ny Tafika Amerikana avy amin'ny Staff Sgt. Christopher Allison. Azon'ny rehetra ampiasaina.

Nanitsakitsaka ny fifanarahana iraisam-pirenena ny fifidianana solombavambahoaka tany Afganistana tamin'ity volana ity, nanitatra ny fifidianana nandritra ny faran'ny herinandro roa. Ankehitriny, mitaintaina ny Afghana raha noraisina ho leson'ny fifidianana filoham-pirenena amin'ny taona ho avy ny fikorontanan'ny fifidianana naharitra telo andro tao amin'ny faritra samihafa ao amin'ny firenena.

Kandahar tahaka ny hatramin'izay no tao an-tsaiko, nivoaka tamim-pahasahiana ny vahoakan'i Afghanistan mba hifidy ny filaminana, fanantenana sy fitoniana. Ity no fanomezam-boninahitra farany ho an'ny jeneraly Raziq.

Tahian'Andriamanitra Afghanistan!#Kandahar #AfghanistanElection2018 #Afghanistan

Kandahar no faritany farany saingy iray nandatsa-bato tamin'ny fifidianana izay tokony efa natao telo taona lasa.

Ny anton'ny fahatarana dia noho ny tahotry ny fiarovana nateraky ny famonoana ny Jeneraly Abdul Raziq izay tafiditry ny Taliban ny tao amin'ny mpiambina azy manokana.

Nalaza tamin'ny fampahalalam-baovao ho toy ny fahavalo tsy afa-po amin'ny vondrona mpikatroka sy fanantenana tsara indrindra ho an'ny governemanta mba azy ao amin'ny faritra atsimo izay nanamafisany ny tohatra mampidi-doza.

Raziq was typically portrayed in media as an uncompromising foe of the militant group and the government's best hope of pinning it back in the southern regions where it has secured an ominous foothold.

KANDAHAR – mpifidy zokiolona ao Kandahar nangataka tamin'ireo mponina mba handatsa-bato sy hifidy kandidà tanora sy nahita-fianarana raha te hanana Afghanistan mamiratra sy parlemanta mahavita azy izy ireo

Nandrasana efa nandritra ny telo taona ny fifidianana iray manontolo, manondro ny fahasarotana faratampony amin'ny dingana ara-politika ao amin'ny firenena mbola anaty ady 17 taona taorian'ny nanafihan'i Etazonia nitarika ny firodanan'ny Taliban ny toe-draharaha.

Raha notontosaina tao amin'ny faritany miisa 32 tamin'ny 20 sy 21 Oktobra sy tao Kandahar ny asabotsy 27 oktobra ny fifidianana solombavambahoaka, tsy nifidy kosa ny faritany rotiky ny ady ao Ghazni, ary tsy maintsy miandry hatramin'ny herintaona indray handefasana solontena vaovao ao amin'ny fanaovan-dalàna.

Marobe ireo tsy fetezana ara-pampitaovana nandritra ny telo andron'ny fifidianana – 21, 22 sy 27 oktobra -, nisokatra tara ireo biraom-pifidianana ary tsy nahavita nandamina ireo mpifidy marobe.

Tsy niasa araka ny tokony ho izy tao amin'ny faritra maro ireo fitaovana biometrika tokony hanamora ny fizotry ny fifidianana noho ny tsy fahaizana mampiasa azy sy ny fitantanana ratsy.

Araka izany tatitra anatiny izany, tsy hita ny maro tamin'ireo banky fampandehanana ny milina biometrika nanomboka ny andron'ny fifidianana ary mbola tsy tafaverina ny maro amin'ireo milina

Azo jerena ao amin'ity siokan'ny @IECAfghanistan ity ireo tsy fanarahan-dalàna sy ny tsy fisian'ny fandrindrana. Amin'ny 7 hariva izao ary nangataka tamin'ny vahoaka izy ireo mba hifidy androany raha tsy afaka nanao izany omaly

Manampahefana be fanantenana

Na izany aza, manoloana ny faharatsian'ny fiarovana, mitady hanasongadina ny fifidianana ho toy ny fahombiazana ny mpitarika ao amin'ny firenena.

Nilaza ny minisitry ny atitany, Wais Ahmad Barmak fa olon-tsotra 17 sy mpitandro filaminana 11 no namoy ny ainy ary maro ireo naratra nandritra ny andro voalohany tamin'ny fifidianana. Mety mbola ambony kokoa izany tarehimarika izany rehefa nanambara ny Taliban sy ny mpikambana ao amin'ny ISIS fa misokatra ny vanim-potoanan'ny fifidianana.

Toa be fanantenana ny mpitondra-tenin'ny filoha Ashraf Ghani tamin'ny siokany tamin'ny Alahady 21 Oktobra.

Nahomby ny fifidianana tao Afghanistan #AfghanElections2018, ambony ny taham-pandraisana anjara na dia teo aza ireo fandrahonana satria natoky ny ANDSF ny vahoaka. Nanao asa tsara niaro ny biraom-pifidianana manerana an'i Afghanistan izy raha oharina tamin'ny fiambenana nataon'ireo tafika vahiny tamin'ny fifidianana teo aloha. Fanafihana an-jatony no tsy tontosa nandritra ny roa andro lasa.

Tamin'ireo mpifidy voasoratra anarana 8,8 tapitrisa
3,8 Tapitrisa (%45)
33% Vehivavy
67% Lehilahy
no nandatsa-bato tao anatin'ny roa andro.

-Tsy tafiditra i Kandahar, Badghis
-Mbola tsy voaisa ny biraom-pifidianana 76 tamin'ireo 4576

Tsy nisy fifidianana tao Ghazni.#AfghanElections2018

#AFG Vahoaka feno fahavononana  – nentina nifidy ireo manana kilema …..Satria fantatr'izy ireo fa zava-dehibe ny vaton'izy ireo ary tokony hanome voninahitra izany isika

Famerenana ankapobeny?

Saingy ankoatra ny fankalazana noho i Afghanistan nahavita nikarakara fifidianana, misy ny fanambarana ratsy maromaro atahorana amin'ny fifidianana filoham-pirenena manan-danja indrindra amin'ny taona ho avy. Efa niampanga  ny IEC sahady ny firaisan'ny mpanohitra lehibe indrindra noho ny fampitomboana ny isan'ny mpifidy mba hiantohana ny fahalanian'ireo mpanao lalàna mpomba ny filoham-pirenena amin'ity fotoana mialoha ny fifidianana ity .

Avy eo, nipoitra tamin'ireo olana miisa 13000 notaterin'ny olom-pirenena tany amin'ny Komitim-pifidianana Mahaleotena misahana ny fitarainana (IECC) ireo fitarainana momba ny hosoka sy ny tsy fanarahan-dalàna hafa, ary olana 5000 fanampiny no notaterina tany amin'ny vondrona Whatsapp ao amin'ny media tsy miankina malaza iray ao amin'ny firenena, TOLO News.

Tamin'ny fifidianana filoham-pirenena 2019, raha marobe ireo fanamby, hisy vokany ratsy ireo tsy fetezana ireo

Hita fa tena mampisara-bazana tanteraka ny fifidianana filoham-pirenena farany, tamin'ny fandresen'i Ghani an'i Abdullah Abdullah tamin'ny fihodinana faharoa. Tsy nanaiky ny voka-pifidianana i Abdullah raha tsy nisy ny marimaritra iraisana izay nanomezana toerana vaovao vao noforonina ho azy ho manampahefana lehiben'ny mpanatanteraka azy (mitovy amin'ny praiminisitra) ao amin'ny governemanta.

Afaka manatontosa fifidianana filoham-pirenena miaraka amin'ny mpitarika @IECAfghanistan ihany ve isika? Diso mahakivy ny tsy fahombiazana ara-pampitaovana sy ara-teknika androany.

Mivadika tsikelikely any amin'ny fifidianana filoham-pirenena ny fifantohana. Mangataka amin'i Abdullah i Ismail Khan mba tsy hanandrana indray hirotsaka hofidiana filoham-pirenena

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.