Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Teny Quechua Andefasana ny Fientanan-kafaliana Hilazana ny hoe “Gooooooooal”

Noho ny ezaka nataon'ireo fampielezampeo roa mizara ny fandaharany ao amin'ny Youtube, tsy ela akory izay, vitan'ireo mpankafy ny ekipam-pirenena baolina kitran'i Però miteny ny fiteny Quechua ny nanararaotra ny fotoan-dehibe iray fifanintsanana ho fiadiana izay ho Tompondaka Erantany mba hampiasàna ny teny Quechua tany anatn'ny fanehoankevitra.

Mety mifampizara fiaviana amin'ny teny Espaniola ny teny Quechua milaza ny hoe “goal”, nefa fiteny roa samihafa ireo. Ny Quechua no be mpiteny indrindra any amin'ireo vazimba teratany ao Amerika Atsimo, isan'izany ireo Peroviàna 3 tapitrisa mahery.

Miha-manatona ny haha-mpandray anjara azy amin'ny fiadiana izay ho Tompondaka Erantany hatao ao Rosia amin'ny 2018, taorian'ny fandresena 2 noho 1 azony nanoloana an'i Ekoatora ny 5 Septambra 2017 teo, lalao roa sisa no miandry an'i Però ao anatin'ity fifanintsanana ity. Raha ny marina dia laharana fahefatra no misy an'i Però, izay mametraka azy ho eo alohan'ireo mantajaka hatrizay tao amin'ny faritra, toa an'i Arzantina.

Ireo ezaka ireo dia asan'ny Indigenous Audiovisual Association – Inkari sy ny  Interactiva Medios, afaka miverina mijery ireo lalao ny mpankafy, amin'ny alàlan'ny lahatsary iray famintinana amin'ny teny Quechua ao amin'ny Youtube ny lalao tsirairay.

Onjampeo iray hafa, Radio Peruana Unión, koa no nandefa manontolo ny lalao tamin'ny fiteny roa miaraka, Quechua sy Spanish, nandritra ny fitantaràny mivantana sy tao amin'ny aterineto, namahana ihany koa ny momba izay niseho tany ambadiky ny sehatra tany nampiseho ny fihetsehampo natraky ny fanambaràna ireo baolina roa tafiditra. Misy ihany koa lahatsary iray amin'ny fiteny Quechua fampahafantarana ny lalao manontolo tany aloha nifanandrinan'i Però tamin'i Bolivia mpifanolo-bodirindrina aminy, izay nampiasàna ihany koa ny teny Quechua.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.