Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Arabia Saodita: Governemanta Mikendry Manokana Ireo Bilaogera, Masoivoho Saodiana Vaovao Ao Etazonia, Ary Resaka Maro Hafa Koa

(Fanamarihana: lahatsoratra nivoaka tamin'ny Febroary 2007)

Ny fisafaokan'ny gazety momba ny fandaharam-pianarana any Arabia Saodita, fampielezankevitry ny governemanta hamelezana manokana ireo lehilahy bilaogera any Arabia Saodita, Anna Nicole Smith, Kareem Amer, fisaraham-panambadiana an-tery, fandaharanasam-panjakana vaovao hiadiana amin'ny kolikoly, ary maro hafa no naresaka indrindra tao amin'ny tontolon'ny blaogy tany Arabia Saodita.

Asa goavana no nataon'i  Khloud   tamin'ny famintinana lahatsoratra nivoaka vao haingana kely tao amin'ny BBC izay niresaka momba ny fahakivian'ny Akademian'ny Mpanjaka Fahad amin'ireo boky sasany, izay miys ampahany milaza fa “maharikoriko” ny Jiosy  ary “kisoa” ny Kristianina.  Ash, ireo izay naharitra 12 taona tao amin'io sekoly io hatramin'ny taona 1999, dia milaza fa “lainga masina,” avokoa izany ary manazava momba izay nahatonga an'io fikorontanan-tsain'ny olona niseho vao haingana kely io:

Toy izao ny niantombohany, nisy mpampianatra iray izay antsoina hoe Colin Cook, izay nampianatra ny rahalahiko 😛 nanapaka hevitra ny hitory ny sekoly nianarako taorian'ny nandroahana azy tamin'ny taona 2005. Amin'ny fo tsy miangatra, tena tsy noraharahaiko  na mandresy izy na tsia, fa tsapany hoe tsy ara-dalàna ny fandroahana azy, izay no olany ary tsy maintsy atrehany izany, KANEFA dia hanoso-potaka ny sekoly nianarako ve izy?!?!

Araka ny voalazan'ny Bloggers Observatory dia, vao haingana kely, nisy fampielezankevitra nataon'ny governemanta hamelezana blaogera lahy teratany Saodiana miisa 4, Fouad Al-Farhan, Riyadhawi, Mashi Sah (azo adika amin'ny hoe “Ny làlana tokony ho aleha”), ary Rajul Al-Huriyya (midika hoe “Olon'ny fahafahana”). Maro ireo blaogera hafa namaly izany; Al-Failasouf (midika hoe “Ilay filozofa”) izay nanoratra (Ar)  lahatsoratra  iray momba an'io ka nampitondrainy ny lohateny hoe “Taratasy iray”.  Hoy izy nanomboka izany: “Zavatra mahamenatra ny fahanginantsika, amin'ny maha Saodiana blaogera antsika.” Nitantara tantara mitovitovy amin'io i  Aya , ny fampidirana am-ponja ilay Ejiptiana blaogera Abdel Kareem Suleiman (anaram-bosotra: Kareem Amer) mandritry ny efatra taona, “nomelohina izy vokatry ny fanompany ny Filoham-pirenena sy fandrisihany ny olona hankahala ny Silamo.”

Somary sahirana ihany koa ny Crossroads Arabia tato ho ato. Tao anatin'ny herinandro fotsiny dia vitan'izy ireo ny nizara ny vaovao farany momba ny ireo sazy mifandraika amin'ny andro natao hankalazana ny fetin'ny mpifankatia, ny fanendrena ara-dalàna an'i Adel Al-Jubeir ho  Masoivoho  Saodiana any Etazonia, ny vondrona HR manohitra ny fanapahan-doha ao Arabia Saoudita, fikatrohana an-tseraseran'ny vehivavy Saodiana, ary ny tranganà fisaraham-panambadiana an-tery anankiroa nanjo an'i Fatima sy ilay vadiny taloha Mansour, ary ny an'i Rania sy i Saud vadiny taloha.

Mikasika ilay trangan-javatra niseho vao haingana indrindra nahafatesan'ilay olo-malaza Anna Nicole Smith, dia toa nahavita tsianjery ny  fandehan'ny tantara mihitsy i Yazeed,  vokatry ny fifantohan'ny media diso tafahoatra loatra an'io raharaha iray io. Diso fanantenana izy tamin'i Larry King mpizara vaovao ao amin'ny CNN ka nilaza izy hoe: “Isak'alina, isak'alina (mahafinaritra ahy ny mihaino CNN rehefa hatory iny aho) fa dia io trangan-javatra io foana nefa no resahany ao, tsy mba miova mihitsy ny vahiny nasainy ao (matetika), mitafatafa momba an'io trangan-javatra hafahafa io foana ry zareo.” Nambarany ihany koa fa efa novainy ho Fox News ny “onjam-peo fangalàny torimaso”. Mety efa tsy dia nahaliana ny maro intsony ireny hadalàna rehetra ireny. Raha ny fomba fijerin'i  Aya dia manan-danja kokoa amin'ny media ny fahafatesan'i  Anna Nicole noho i Iràka. Raha momba an'i Iràka indray, nametraka fanontaniana maro mahaliana  i Ubergirl87  tao anatin'ny  lahatsorany nivoaka farany, mikasika ilay firenena potiky ny ady.

Ireo roa nahafinaritra anay indrindra teo amin'ny tontolon'ny blaogy Saodiana, Two Dykes and a Closet, niverina indray nitondra vaovao vitsivitsy; efa misy DVD an'i The L Word  namidy amin'izao fotoana izao ao Arabia Saodita. Te-hahafantatra angamba izy roa vavy ireo raha mbola mizara lahatsoratra mahaliana ho an'ny mpamaky azy ny Crossroads Arabia; ohatra amin'izany ilay hoe “Nilaza ampahibemaso ny tsiambaratelony ireo tovovavy Saodiana anankiroa mifankatia.”

Ary ny hamaranantsika azy izao…

Namoaka lahatsoratra i Sous miresaka momba ny fahasahiranan'ny mponina ao Arabia Saodita amin'ny fitadiavana olona hiasa an-trano. Nanome rohy mitondra antsika mivantana aminà lahatsoratra iray miresaka momba ilay Saodiana nigadra mandra-pahafatiny i Sam nohon'ny fitondràna fiara halatra. Raha ny hevitro manokana, anefa, dia tsy mino aho fa nangalarina ilay fiara. Voaresaka ihany koa i Syed tamin'ny fampiasàna sary mahatsikaiky niresahana momba ny fanambadiana Saodiana sy ny tahan'ny fisaraham-panambadiana mifandraika amin'izany. Namoaka lahatsoratra (amin'ny fiteny Arabo) i Green Tea momba ny paikadin'ny firenena, novolavolain'ny filankevitry ny Ministera ao Arabia Saodita, mba ho “fitandroana ny fahamendrehana ary ny ady amin'ny kolikoly” eo anivon'ireo rehetra  manampahefana ao amin'ny governemanta, tsy anavahana izay toerana misy azy sy ny asa sahaniny. Nisy lahatsoratra amin'ny fiteny Anglisy nifandraika tamin'izany hita tao amin'ny vohikala an-tseraseran'i the Khaleej Times.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.