Any amin'ny morontsiraka andrefan'i India no misy an'i Mumbai ary izy no tanàndehibe be mponina indrindra ao India. Fantatra noho ny torapasika ny tanàndehibe, kanefa lasa mampidi-doza ho an'ny mpitsidika ireo fako mivangongo sy ny rano miangona maloto tao anatin'ny taona vitsivitsy.

Mbola misy hafa maloto kokoa noho izany aza. Juhu, Versova ary Aksa no tena maloto indrindra rehefa natao ny fanadihadihana ny torapasika miisa sivy tao Mumbai teo anelanelan'ny volana Novambra 2015 sy ny volana May 2016 .

Efa ho roa taona lasa izay, nanapa-kevitra ny handray an-tànana ny zava-misy ny mponina ao Versova, faritra manankarena iray ao Mumbai, noho ny fanentanan'i Afroze Shah, mpisolovava sady mpiaro ny tontolo iainana monina ao Mumbai .

Relentless! But so are the volunteers @VersovaBeach@AfrozShah1@timesofindiapic.twitter.com/ghHlCyPnjJ

— Swati Deshpande (@swatidTOI) June 18, 2017

Tsy an-kijanona! Tena toy izany ny mpilatsaka an-tsitrapo

Tamin'ny volana Oktobra 2015, nifindra tany amin'ny tranony vaovao akaikin'ny torapasika Versova i Shah, ary nahita ny fako plastika teny amin'ny torapasika, izay nahatratra hatrany amin'ny 1,67 metatra ny hatevin'ny sasany. Nanomboka nanadio ny fako izy sy ny mpifanolo-bodirindrina aminy, Harbansh Mathur, 84 taona . Nanatevin-daharana an-tsitrapo ny mponina am-polony rehefa nahita ny ezaka nataon'izy ireo, ary tokony ho fako milanja teo amin'ny 50.000 kilao teo no nesorina nandritra ny fanadiovana voalohany natao tamin'ny morondranomasina mirefy 2,5 km.

Niantso mpilatsaka an-tsitrapo hafa izy ireo mba hanaovana fanadiovana isan-kerinandro noho ireo fako aman-taonina mbola mila esorina.

Ny volana Desambra 2015, nanome fitaovana toy ny fiarabe mpitatitra fako sy milina mpitrongy fako ho an'ny mpilatsaka an-tsitrapo ny manampahefana tao an-toerana ary niova ho hetsika nandritra ny enim-bolana ny finiavana. Nitombo ho 300 isa ny mpandray anjara isan-kerinandro tamin'ny mpilatsaka an-tsitrapo avy amin'ny saranga maro samihafa. Vetivety dia niforona ny vondron'ny Mponina Mpilatsaka An-tsitrapo ao Versova (VRV) ary manavao ny fivoarany tsy tapaka ao amin'ny Facebook izy ireo .

Tamin'ny volana Jolay 2016, nahazo fankatoavana iraisam-pirenena ny ezaka nataon'ny VRV ary niantso izany ho  “fanadiovana ny torapasika lehibe indrindra teo amin'ny tantaran'izao tontolo izao” ny Firenena Mikambana misahana ny Tontolo Iainana (PNUE). Tamin'ny volana Janoary 2017, nanomboka nanadio ny toeram-pivoahana miisa 52 teo akaikin'ny torapasika ny vondrona mba hisorohana ny rano maloto tsy hivarina any an-dranomasina. Tamin'ny volana Martsa 2017, nanala fako milanja 5 tapitrisa kilao teo amin'ny torapasik'i Versova fotsiny ny VRV  .

Hats off to the people who volunteered today for the cleanup drive @PoojaB1972@AfrozShah1#SayNoToPlastic#SaveOurOcean#SaveOurPlanetEarthpic.twitter.com/INHb9YyTiO

— Ketan Nardhani (@ketan83) June 4, 2017

Fankasitrahana ho an'ireo olona izay nanolotena tamin'ny fanentanana fanadiovana amin'izao fotoana izao.

@AfrozShah1 is a testimony that it just takes will power and inspiration to bring about change. @LewisPugh@VersovaBeach@UNEP#cleanseaspic.twitter.com/LjEE3MrvFe

— Roxanna Samii (@rsamii) June 6, 2017

Fijoroana vavolombelona i @AfrozShah1 fa ilaina ny finiavana mahery sy ny aingam-panahy raha hitondra fanovana

This is versova beach an hour back. Week 85 of cleanup.Versova beach is gorgeous and clean now.we have done our bit.We need to maintain it. pic.twitter.com/98q9RD5aAg

— Afroz Shah (@AfrozShah1) May 20, 2017

Indro ny torapasika versova adiny iray teo. Herinandro faha 85 tamin'ny fanadiovana. Tsara tarehy sy madio ny torapasika Versova ankehitriny. Nahavita izay vitantsika isika .Tokony hotandremana izany fahadiovana izany

Complement @AfrozShah1 & his team, BMC for removing 5 MillionKg of Filth in 85 weeks in #VersovaBeach,great initiative,Let it inspire others pic.twitter.com/iaLFe6Wpt8

— M Venkaiah Naidu (@MVenkaiahNaidu) May 22, 2017

Mameno an'i @ AfrozShah1 sy ny ekipany, BMC amin'ny fanalana ny loto tao amin'ny torapasika Versova milanja 5 tapitrisa Kg tao anatin'ny 85 herinandro, fandraisana an-tanana lehibe, aoka izany mba hanome aingam-panahy ny hafa

And that's some view !

Couldn't believe this is exactly the same beach which I visited last year and my friend was like, man, its so dirty. pic.twitter.com/EgFErIirm8

— Blogger Buddy (@beingDJ) June 11, 2017

Ary toy izao ny fomba fijery sasany!

Tsy mampino ahy hoe ity ilay torapasika izay notsidihako tamin'ny taon-dasa ary hoy ilay namako hoe, ô lehity, ​​tena maloto izy izany.

Ary  mbola teo an-toerana ireo mpilatsaka an-tsitrapo:

Week 88 cleanup ends. 300 fully grown coconut trees get their home at versova beach .Wonderful weekend .We go back to our roots. pic.twitter.com/BlI0Pjbz5E

— Afroz Shah (@AfrozShah1) June 11, 2017

Mifarana ny herinandro faha 88 tamin'ny fanadiovana. Maniry amin'ny toerany ny hazo voaniho  miisa 300 ao amin'ny torapasika versova .Faran'ny herinandro mahafinaritra. Miverina amin'ny fahiny isika.

Week 90 of the cleanup ends. Saturday and Sunday , we picked up 160 tons of plastic . Lashing rain and lashing temperament of volunteers. pic.twitter.com/KFiZwy0x4Z

— Afroz Shah (@AfrozShah1) June 25, 2017

Mifarana ny herinandro faha 90 tamin'ny fanadiovana. Asabotsy sy alahady, nitsimpona plastika milanja 160 taonina izahay. Raha tratran'ny orana sy tratran'ny hafanana ny mpilatsaka an-tsitrapo.

Niaiky ny zavabitan'i Shah ny PNUE  tamin'ny fanendrena azy ho Tompon-dakan'ny Tany izay lokan'ny tontolo iainana ambony indrindra ao amin'ny Firenena Mikambana

This man's mission to save a beach made him a champion of the #Earthhttps://t.co/lzfhvu2n1F

via @My_Salaam#Enviornmentpic.twitter.com/hza061u4Xy

— Adnan Halawi (@AdnanHalawi) June 12, 2017

Nahatonga azy ho tompondaka ny Tany ny asan'ity lehilahy ity tamin'ny famonjena ny torapasika

Nidera ny fihetsik'i Shah ihany koa ny Praiminisitra ao India Narendra Modi ho toy ny “ohatra manome aingam-panahy ” amin'ny ady amin'ny fahalotoana:

PM Modi congratulates @AfrozShah1 in #MannKiBaat for his movement of cleaning Versova Beach. Congratulations Afroz!https://t.co/npE9WnlGIf

— ChaitanyaChinchlikar (@filmy_foodie) May 28, 2017

Miarahaba an'i @ AfrozShah1 ao #MannKiBaat ny PM Modi noho ny hetsika nataony tamin'ny fanadiovana ny Torapasika Versova . Arahabaina Afroz!

Niparitaka ilay hetsika fandraisana an-tanana . Ity iray ity dia avy amin'ny fanadiovana ny renirano Kahn (Khan) ao Indore, tokony ho 600 kilaometatra miala ao Mumbai:

Mission clean indore , clean kanha , clean india with positive start with sir @AfrozShah1@advpushyamitrapic.twitter.com/ncVTVBDVaW

— Abhijeet Geete (@geete_abhijeet) June 24, 2017

Hetsika fanadiovana an'Indore, fanadiovana ny kanha , fanadiovana an'India miaraka amin'ny fanombohana miabo niaraka tamin'ny Atoa @AfrozShah1.

Started “Clean Khan River Mission” in Indore with @AfrozShah1
“The Lawyer Who Cleaned Mumbai's Versova Beach..”??#CleanIndiaMissionpic.twitter.com/QHjNqHCnzA

— Sanyam Jain (@modivanibharat) June 23, 2017

Nanomboka ny “Hetsika Fanadiovana ny Renirano Khan ” ao Indore miaraka @ AfrozShah1
“Ilay mpisolovava izay nanadio ny Torapasika Versova ao Mumbai”

Ary mbola te handeha lavidavitra kokoa ny olona :

@AfrozShah1 bro I think we need a mass movement across Indian coastal line like Mumbai cleanup,u can make a big change with ur popularity

— vicky (@vicky19624021) June 11, 2017

Ry rahalahy @ AfrozShah1,  mihevitra aho fa ilaintsika ny hetsika faobe manerana ny morontsiraka Indiana toy ny fanadiovana an'i Mumbai , mitondra fiovana lehibe ianao amin'ny lazanao

After Versova, will these beaches in Maharashtra also get a clean-up? @htTweets identifies some of the worst!https://t.co/gdebx6KHmWpic.twitter.com/YXu5gwgQRL

— Erik Solheim (@ErikSolheim) June 11, 2017

Aorian'i Versova, moa ve ireo torapasika ao Maharashtra hahazo fanadiovana ihany koa?  Mampiseho ny sasany amin'ireo ratsy indrindra i @htTweets

Araka ny PNUE , fako plastika milanja 13 tapitrisa taonina no mivarina any an-dranomasin'izao tontolo izao isan-taona ary mila mihetsika  izao tontolo izao ankehitriny. Manana ohatra mahomby ny olona toy ny tao amin'ny torapasika Versova , kanefa mbola maro ny dingana ilaina mba hampihenana ny fako plastika sy ny fisorohana ny fako amin'ny fomba mahomby kokoa.