Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Kazakhstàna, Nosamborin'ny Polisy ny Lehilahy Iray Nizara Vola Tsy Misy Tambiny

Vola taratasy 10.000 tenge , misanda 30 dolara. Wikimedia commons.

Tany Kazakhstàna, lehilahy iray nijoro teo amin'ny sisin-dàlan'i Almaty, tanàna iray lehibe indrindra, nitondra vola taratasy tenge fampiasa ao amin'ny firenena, misy ny anarany misoratra eo aminy, ary marika iray milaza fa na iza na iza mila azy ireny dia afaka makà azy. Efa azo nosainina mialoha ny ho vokatra farany tamin'ity toa andràna sosialy tao aminà fanjakàna polisy ao Azia Afovoany ity.

Raha nisambotra azy ny polisy dia mety ho valin'ny fitarainana nataonà olona iray nandalo teo, na nihetsika tamin'ny anarany manokana. Ny feo avy amin'ny fifandraisan'ny polisy nisongadina tao anatin'ny fandraisampeo dia nampiasàna ny teny Rosiana “sambory lery” toy ny hoe  sarotra ery ny “fisamborana” lehilahy iray mijoro eo amoron-dàlana sady mizara vola.

Ilay polisy miresaka amin-dranamana any amin'ny faran'ilay rakipeo dia manontany azy raha toa izy manana antontan-taratasy hanaporofoany fa manampy ny vahoaka, sy hoe mpikambana anatinà sekta ve izy na tsia. Mamaly ilay rangahy: “Sekta inona? Mila manana antontan-taratasy ve aho mba hanampiako olona?”

Tsy nanaraka izay tohiny taorian'ilay fisamborana intsony ny mpampahalàla vaovao, saingy ireo mpampiasa Youtube kosa tena nanohana betsaka an'ilay rangahy :

менты всего боятся….Ну и завидуют тоже)

Sady matahotra no be fialonana ireo polisy.

Mahatsikaiky, toeram-pivarotana iray lehibe maro rantsana ao Kazakhstàna no noderaina, tsy ela akory izay, noho ny nanomezany maimaimpoana ho an'ireo mahantra  mofo sy vokatra hafa vita tamin'ny lafarinina, miainga avy amin'ny hevitra mitovitovy amin'ny hoe  “raiso izay ilainao”. Mitohy mizaka fihisaran'ny toekarena i Kazakhstàna noho ny fitsitontongan'ny vidin'ny solika izay efa very sasaka hatramin'ny 2014, sy ireo vokatra fanodina fototry ny fanondranany mankany ivelany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.