Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Voalahatra ireo Anarana “Love Hotel” Hafahafa ao Japàna

The spires of the Espo World (Love) Hotel (<a href="https://www.google.com/maps/contrib/117513610578361604065/place/ChIJlayQ3D4ZTjURuz3nbBeAUxc/@33.5544431,133.5385559,3a,75y,90t/data=!3m7!1e2!3m5!1s-bW31dsElJWA%2FV3n0EDbE1MI%2FAAAAAAABjxU%2FBLsus5S4x2U0MZ4p2aIkqgNVGvEMM0OIwCJkC!2e4!6s%2F%2Flh5.googleusercontent.com%2F-bW31dsElJWA%2FV3n0EDbE1MI%2FAAAAAAABjxU%2FBLsus5S4x2U0MZ4p2aIkqgNVGvEMM0OIwCJkC%2Fw203-h100-p-k-no%2F!7i4695!8i3129!4m6!1m5!8m4!1e2!2s117513610578361604065!3m1!1e2" target="_blank">エスポワールホテルベル</a>) at dawn, across the river from historic Tojinmachi in Kochi, Japan. Photo by Nevin Thompson.

Ny tendron'ny Espo World (Love) Hotel (エスポワールホテルベル) amin'ny vao mangirandratsy, ery ampitan'ny renirano ao amin'ilay tanàna manantantara Tojinmachi ao Kochi, Japàna. Sary an'i Nevin Thompson.

Nalahatry ny fanadihadiana iray natao vao haingana ny anaran'ireo “love hotel”  folo faran'izay hafahafa indrindra ao Japàna (Ny ‘love hotel’ dia hotely natao hanaovana firaisana mandritry ny ora voafaritra, na ny alina manontolo fotsiny ao Japàna). Ny tompondaka ve? “Banana & Donut.”  (ndeha hadika tsotra hoe ‘Akondro & Menakely)

Anarana tena lafatra ho an'ny ‘love hotel’ ny hoe “Banana & Donut”

Ny “Banana & Donut,” izay tsy ela akory fa vao tamin'ny 2013 no voafidy ho laharana fahafolo tamin'ireo anarana hafahafa indrindra, dia “love hotel” iray ( fantatra amin'ny hoe ラブホ, na rabuho amin'ny teny Japoney) ao amin'ny prefektioran'i Saga any avaratr'i Japàna. Mandoa vola arakaraky ny ora na ny alina ijanonany ao ireo mpitsidika ireny hotely ireny, amin'ny ankapobeny dia mikatsaka toerana manokana mba hahafahany manao firaisana ara-nofo. Kanefa, tsikaritr'ireo sasany amin'ny mpizahatany mitsidika ao Japàna fa safidy iray mora kokoa azo itsofohana ny “love hotels” raha miohatra amin'ireo hotely mahazatra.

Toy ireo tranobe mitovitovy aminy any amin'ireo tanàna goavana ao Japàna, any amin'ny sakeliky ny lalambe iray amin'ny tanàna manodidina, no misy ny Banana & Donut, ary araka ny voalazan'ny tranonkalany, ankoatry ny fanomezana efitrano mitokana, dia manolotra ihany koa lalao fisarihana ahazoana pitsopitsony fampiasa an-tokantrano, tolotra fikarakaràna efitrano ary tapakila fihenambidy ho an'ireo mpitsidika efa matetika mpankao aminy. Misy ihany koa ny toerampivarotana fitaovana ho an'ny vetaveta (mety Tsy Hifanaraka Amin'ny Asa ny Rohy), toerana ahafahana mividy ireo akanjo na kojakoja madinika hafa natao ho an'ny olondehibe mandritry ny fipetrahanao ao.

Ireo “Love hotels”, miaraka amin'ny sandany mandeha amin'ny ora, dia manolotra zavatra maro isankarazany. Ao anaty kolontsaina iray izay tsy mahazatra ny mamifalifaly vahiny ao an-tokantrano, manome habaka iray iraisan'ny rehetra ireny hotely ireny, ho an'ny fihaonan'olondroa rehefa mifanome fotoana; ao anaty firenena iray izay ny ankamaroan'ny trano dia tsy ampy faneferana na fitaovana manafàna, dia toerana mafana azo ialofana izy ireny rehefa ririnina. Misy ihany koa ny hevitra hoe ireny hotely ireny dia manome toeram-piatahana sahaza ho an'ireo mpijangajanga ivelan'ny tokantrano — ary ny ankamaroany no manome toeram-piantsonana manokana ho an'ny vahininy, na farafaharatsiny fomba iray hanafenana ny laharan'ny fiara tsy ho tsinjon'ny mason'ireo tia jerijery.

Satria manome tolotra mitovy daholo ireo “love hotels” rehetra ary manokatra ny tsena ho amin'ny mpanjifa mitovy demaografia, amin'ny ankapobeny ao anaty faritra jeografika iray ihany, dia ny anarana malazan-dry zareo no ianteherany mba hisongadinana ao anatin'ny maro sy hanampy azy amin'ny fandraharahàny.

Japoney 500 no nakàn'ny  “Goo Ranking”, miasa miaraka amin'ny Research Plus, hevitra tamin'ny Desambra 2016, nahatongavana tamin'ny fahazoana ny sasany amin'ireo anarana “love hotels” hafahafa indrindra (ary mendrika hotsarovana) ao amin'ny firenena:

Ny tena anaran'ireo “love hotels”:

1. Banana & Donut (バナナとドーナツ)
2. ‘Araka ny nambarako…’ (と、いうわけで)
3. Hotely io, Fantatrao izany… (ホテルだぞぉー)
4. Ny Famaky Goavan'ny Racoon Misafoaka (暴れ狸の鬼袋)
5. Efitrano Fianarana (べんきょう部屋)
6. Fangatahana Vady faha-101 (101回目のプロポーズ)
7. Oi! (オラオラ)
8. Koshien Jr.甲子園ジュニア
9. Afrika Avaratra (北アフリカ)
9. Ento aho hiaraka aminao… Azafady? (つれてって~)
11. Rambon-tsoavaly iray, Mitopapotan'ny Rivotra (ポニーテールは風にゆれて)
12. Ts'isy Fanahiana (さりげなく)

Raha somary hafahafa aza indraindray ny maro amin'ireny anarana hotely ireny, ary saiky saro-takarina koa, ny sasany manana ifandrohizany tsara mihitsy amin'ny zavamisy: “Ny Fangatahana Vady faha-101″ (101回目のプロポーズ), ohatra, dia andian-tantara tanaty fahitalavitra tamin'ny 1991, tamin'ny faramparan'ny vanimpotoana naha-tao anaty balaonina an'i Japàna.

Ao Kurashiki andrefan'i Japàna rahateo, toerana mahafinaritra ho an'ny fizahantany, no misy ny hotely Fangatahana Vady faha-101, nosy amin'ny ranomasina anatiny ao Japàna. Asehon'ireo sary avy amin'ny Google Street View ny fiainana manokana azon'ireo vahiny andraindraina rehefa tonga ao, sy ny tontolo mampanonofinofy misy ao amin'ilay hotely.

Goo Ranking, izay maka ny anarany avy amin'ny milina kely fikarohana tsy dia fampiasa loatra sady vavahadin-tserasera mipetraka ao Japàna, dia milaza ny tenany ho ny “tranonkala gaovana indrindra ao Japàna amin'ny fanomezana laharana ao an-toerana”, tamin'ny namoahany fitsapankevitra efa ho maherin'ny 50.000. Amin'ny ankapobeny ilay orinasa dia manangona ny vokatra avy amin'ireo fakànkevitra ety anaty aterineto, ary matetika ny vokatra no miseho any anaty tatitry ny vaovao na fampahalalam-baovao hafa. Ilay bilaogy amin'ny teny anglisy efa nihodina hatry ny ela, What Japan Thinks (Izay Sainin'i Japàna), dia matetika mandefa dika avy amin'ireo fitsapankevitra avy aminy mikasika lohahevitra isankarazany.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.