Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fahitalavi-Pirenena Aostraliana: Mandefa Bitsika Vetaveta Momba Ny Praiminisitra

Abbott Loves anal

Pikantsary natolotr'i @kobijv (Kobi J A VanBennekom ), mpampiasaTwitter

Tahàka ny hoe tsy misy andro iray tsy itodihan'ny kiana sy ny mason'ny media any amin'ny Praiminisitra Aostraliana, Tony Abbott (@TonyAbbottMHR). Ny resabe farany indrindra izao dia samy nahasaringotra ny media rehetra, na ny tranainy na ny  vaovao.

Niala tsiny ny “Australian Broadcasting Corporation (ABC)” an'ny fanjakana noho ny namelàny ireo teny ‘AbbottLovesAnal’ (TiaVodyiAbbott) hivoaka tao amin'ny fahitalavitra nandritry ilay fandaharana iray Fanontaniana&Valiny be mpijery tokoa, izay fotoana hamalian'ireo olona manana ny toerany ny fanontaniana apetraky ny mpanatrika/mpijery. Bitsika avy amin'ny Twitter ilay fehezantany ‘nanafintohina'; ilay fandaharana, izay alefa mivantana, dia mampiseho mivantana eo amin'ny efijery ireo bitsika avy amin'ny mpijery mandray anjara amin'ny alàlan'ny tenifototra #qanda.

Mivaky toy izao ilay bitsika :

Aleoko andiana bitsika alefan'ny olona momba ny toebatan-dry zareo #qanda

Tao amin'ny Mashable Australia, nohazavain'i Jenni Ryall (@jennijenni), tonian-dahasoratra, fa fanindroany izao tamin'ity taona ity ilay fandaharana Fanontaniana&Valiny an'ny ABC TV no nanafintohina ny PM.

Tamin'ny Jona, niharan'ny kiana mahery vaika ilay fandaharna noho ny fisian'i Zaky Mallah, olona miteraka resabe, tao anatin'ireo mpanatrika. Nolazainy tamin'ireo vahiny nasaina fa ny politisiana no nahatonga ireo Aostraliana nandeha nanatevina laharana ny Fanjakana Islamika.

Tamin'ny 2003, nenjehina araka ny lalàna Aostraliana hiadiana amin'ny asa fampihorohoroana i Mallah, saingy tsy voaheloka. Ny voalohany tamin'ireny dia ny fanontaniana napetrak'i Mallah tamin'ny sekretera parlemantera iray (minisitra zandriny) momba ny raharaha nanenjehana azy. Ny Jona 2015 dia nanontany i Abbott Praiminisitra hoe “Aiza no toerana misy ny ABC?” nampiany hoe “hisy loha ho tapaka” satria ny ABC namerina nandefa ilay fandaharana tsy nasiana sivana.

Tsy mampino hoe be mpanaraka tao Aos ny #TiaVodyiAbbott. Tsy ampy ve ny fifandirana amin'ny #qanda no ampiana #analgate indray

Namaly ny fahadisoam-pamindra farany nataon'ny ABC ny  tontolon'ny Twitter, tamin'ny fampiasàna tenifototra maro tahàka ny : #AbbottLovesAnal, #QandA (avy amin'ny mpandika: raiso hoe Queue -Rambo, sy Anal -Vody) na fotsiny fikarohana ny  ‘Q&A‘ . Ity fanehoankevitra iray ity no mahafehy tsara ny tabataba tao amin'ny Twitter:

#AbbottLovesAnal Tsy manan-kambara aho fa dia tiako hitohy horesahana be fotsiny ity.

Lasa lavitra kokoa noho ity lahatsoratra ity aza ny fanadihadiana iray miditra amin'ny antsipirihany, ka dia entanina ianao araka izany, tsidiho ny rohy.

Nandritra izany fotoana izany dia nesorina ilay kaonty Twitter nanafintohina. Hatreto dia tsy mazava na nanivan-tena ilay tompon'ny kaonty na hetsika avy amin'ny Twitter mihitsy no nitranga.

Toa nahazo lesona politika ny fitantanana ao amin'ny ABC, avy amin'ireo resabe tany ampiandohana. Tsy nanaisotra ilay bitsika izy tamin'ny famerenana nandefa ilay fandaharana, na tamin'ny dika napetraka ety anaty aterineto ao amin'ny iview, fa fotsiny norakofany mainty ny votoatin'ilay bitsika.

Ny tranonkala mpananihany The Shovel no nanompiseho taratra ny zava-nitranga tao amin'ny “realpolitik” saingy nihanihany momba ny eritreritra hiezaka hanakombona ny vavan'ny media:

Taorian'ny antso an-telefaona tsy nanaovana teny betsaka avy amin'i Malcolm Turnbull, minisitry ny Fifandraisana, nanaiky ny hanaisotra ilay bitsika nanafintohina tsy ho hita ao anatin'ny famereana ilay ampaham-pandaharana ny ABC, mba hiantohana ny hoe ireo olona izay nijery ny fandaharana nalefa nivantana ihany no ho hany olona nahita ilay bitsika.“Heveriko fa noho ny hetsika haingana nataonay dia vitanay ny nanakana azy io tsy hihitatra lavitra,” hoy ny mpitondra tenin'ny governemanta.

Raha marina ilay fiteny taloha hoe tsara daholo rehefa mety ho dokambarotra, dia mety handresy mora foana ny governemanta Abbott amin'ny fifidianana manaraka eo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.