Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ataon'i Okraina Lasa “Blood Bucket Challenge” ny Ice Bucket Challenge

Can this blood bucket challenge video make the Ukrainian cause go viral? Screenshot from YouTube.com.

Mety hampalaza ny tolon'ny Okrainiana ve ity lahatsary momba ny Blood Bucket Challenge ity? Pikantsary tao amin'ny YouTube.com.

Ezahan'ny andian-tanora eoropeana sintonina amin'ny alalan'ilay fanamby malaza Ice Bucket Challenge ny sain'ny maro hitodika any amin'ny ady mitranga ao Okraina. Nofenoina rà sarintsariny ireo siny tamin'ity indray mitoraka ity.

Nahataitra an'i Silicon Valley, Etazonia ary izao tontolo izao ny #IceBucketChallenge tamin'ny fiandohan'ity taona ity, ny #IceBucketChallenge dia manentana momba ny aretin-kozatra manimba antsoina hoe amyotrophic lateral sclerosis (ALS) sy mandrisika hanaovana fanomezana fikarohana. Maro ireo fiantraikan'ny fanamby natao hanaovna tolona hafa nanomboka teo, ka maro ireo singa niafara tao anaty siny: vary, antontam-bato amam-biriky avy amin'ny trano rava, bala, eny fa na hatramin'ny ovy aza.

Andro vitsy lasa izay, nikarakara fampisehoana manohitra-ady (anti-war) tao amin'ny Kyiv-Pechersk Lavra, monasiteran'ny Kristianina Ortôdôksa tranainy ao an-drenivohitr'i Okraina ireo mpikatroka mavitrika avy ao amin'ny hetsika FEMEN Okrainiana. Amin'ny fomba mampiavaka ny FEMEN, vehivavy roa mpikatroka tsy manao tati-nono miaraka amin'ny “Atsaharo ny Adin'i Putin” misoratra eo amin'ny vatan'izy ireo no miatrika fakàntsary, ary nararaka teo amin'ny lohan'izy ireo ny siny feno rano miloko mena . Misy soratra hoe “Ràn'i Okraina” ilay siny,” nanao fampisehoana ny FEMEN ary nivoaka tamin'ny vaovaon'ny alina. Niely tao amin'ny media sosialy ihany koa ny lahatsary, saingy tsy niteraka tabataba, satria toa zary zatra ireo hetsika ataon'ny ankamaroan'ny mpikatroka miboridana ny Okraniana.

A FEMEN activist protesting against war in Ukraine. Screenshot courtesy of tsn.ua.

Mpikatroka FEMEN manohitra ny ady ao Okraina. Pikantsary avy amin'ny tsn.ua.

Tsy maintsy nipaka any amin'ireo mpiserasera sasany ny aingan'ny Haika “Blood Bucket” (Sinin-drà) ho fisarihana ny mason'izao tontolo izao, satria andro vitsy lasa izay, nandefa lahatsary ahitana vondron’olona mifandraraka siny misy rano miloko mena ny andiam-pianatra avy ao Vilnius, ao Litoania, tapatapahan'ireo hafatra fohy mampitodika amin'ny sandan'ny ady ao Okraina. Ahitana olona maherin'ny 20 ny lahatsary izay nalaina tao anaty orinasa iray ao Vilnius efa tsy miodina intsony. Miteny ho azy ny filazalazana ao amin'ny lahatsary:

We have made a short clip “The Blood Challenge”, calling the Europe not to stay indifferent about war in Ukraine. With a people from Portugal, France, Ukraine, Romania etc.

Nanatontosa horonantsari-mihetsika fohy “The Blood Challenge (haikan'ny rà)” izahay, miantso an'i Eoropa mba tsy hanao vain-drahalahy tsy maharary manoloana ny ady ao Okraina. Ahitana olona avy ao Portiogaly, Frantsa, Okraina, Romania, sns amin'ireo olona ireo

Ahitana fifanompana eo amin'ireo mpisera mpomba ny Rosiana sy ny mpomba ny Okrainiana amin'ny fiampangana izay tompon'andraikitra amin'ny ra mandriaka (fanomezan-tsiny an'i Poutine, Obama ary ny maro hafa eo anelanelany eo) ireo fanehoan-kevitra ao amin'ny lahatsary Youtube. Araka ny fanamarihan’ilay mpisera FdGod32, samy maka ny fandraisany azy amin'ny avoakan'ny lahatsary ny rehetra:

Русские думают что это против Украины, Украинцы думают что это против Русских, гениально. А на самом деле то что?

Mihevitra ny Rosiana fa fanoherana an'i Okraina ity. Mihevitra ny Okraniana fa hamelezana ny Rosiana ity. Inona no tena dikan'ity marina?

Tsy zava-baovao ny voambolana haika “blood bucket”, ampiasain'ireo mpamokatra ny lahatsary, fa efa nampiasain'ireo mpikatroka tao Etazonia taloha hisarihana ny saina noho ireo tifitra anjambany mahazo ny tanora Mainty hoditra, sy nampiasain'ilay mpianatry ny Oniversiten'i Ohio hitsikerana ny fihetsik'i Israely ao Gaza. Natsangana ihany koa ny diezy Twitter #bloodbucketchallenge amin'ny lahatsary manohana an'i Okraina ary somary nahazo laza eo ho eo ihany hatreto, izay mpisera Twitter am-polony nizara ny lahatsary sy ny hafatra miaraka aminy.

https://t.co/rBW8S8bKjg #Lithuania. Fantatr'izy ireo fa mety ho ry zareo indray no manaraka. Aciu! #BloodBucketChallenge #Ukraine #Russia pic.twitter.com/evCk4cTlED

Nahazo mpijery maherin'ny enina alina ilay lahatsary tao amin'ny YouTube, saingy mbola lavitry ny isan'ireo mpijery an-tapitrisany azon'ny lahatsary Ice Bucket Challenge voalohany indrindra (orizinaly). Toa hita fa tsy nahavita nampita ny hafatra amin'ny alalan'ny siny feno rà tsy tena izy miantso ireo mpanohana antseraseran'i Okraina ny andianà-fihantsiana tany am-boalohany nataon'ny FEMEN. Mandritra izany fotoana izany ireo Okrainiana tahaka ny efa leon'ny mahita rà tena izy, fa tsy taitaitry ny ra sarintsariny, avy amin'ireo namoy ny ainy tamin'ny ady.

 

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.