Nanambara ny tompon'andraikitry ny fifidianana ao Indonezia fa ny Governoran'i Jakarta Joko Widodo (Jokowi), politisiana malaza avy any an-tanànan'i Solo, no ho filohan'ny firenena fahafito taorian'ny fahavitan'ny fanisam-bato tamin'ny talata.

Widodo, izay nahazo ny 53,15 isanjaton'ny vato manakaiky ny 130 tapitrisa no filoha fahatelo nofidiana mivantana tao amin'ny firenena. 

Nanatontosa ny fifidianany filoham-pirenena tamin'ny 9 jolay lasa teo i Indonezia, firenena demokratika fahatelo lehibe indrindra manerantany. Ny kandidà goavana tamin'izany dia i Widodo sy i Prabowo Subianto, miaramila teo aloha izay derain'ny mpanohana azy ho matanjaka sy maherifo, saingy niatrika ny fiampangana ho nanitsakitsaka ny zon'olombelona nandritra ny fitondrana jadon'i Suharto naharitra telopolo taona.

Nampiseho ny fisentoany sy ny fankatoavany ny famaranana ny fanisam-bato avy hatrany ny Indoneziana mpisera Twitter sasantsasany:

#PresidenBaru hasil pilpres 2014 akan mensejajarkan Indonesia bersama negara-negara terdepan demokrasi dunia.

— JKW-JK 4 Indonesia (@JKW4Ind) July 22, 2014

Hitondra an'i Indonezia hifanindran-dalana amin'ireo firenena demokratika lohalaharana ny valim-pifidianana. — JKW-JK 4 Indonesia (@JKW4Ind)

#PresidenBaru adalah pak @jokowi_do2…selamat yach pak kami percaya bapak akan membawa perubahan buat Indonesia — NyakBabe (@nyakbabe2) July 22, 2014

Jokowi no filohantsika vaovao. Arahabaina, mino izahay fa hitondra fanovana ho an'i Indonezia ianao. — NyakBabe (@nyakbabe2)

Saingy nanambara i Subianto androany vao maraina fa mikasa ny tsy hiraharaha ny voka-pifidianan'ny Komitim-Pifidianana Ankapobeny (KPU). Nolazainy ary fa hametraka fitoriana miafanaraka amin'ny lalàna hanoherana ny lazaina fa fisian'ny hosoka nandritra ny fandrotsaham-bato. Saingy nisintaka tamin'ny fanapahan-kevitr'i Subianto ny mpiray lisitra aminy Hatta Rajasa. Namaly ny mpisera Twitter:

Ironic how Prabowo says he's for the people when Suryadharma Ali, a corruption suspect,is standing right behind him in support #PresidenBaru — David Michael Saga (@DMSaga) July 22, 2014

Mampihomehy ny filazan'i Prabowo fa manohana ny vahoaka izy nefa misy olona ahiahiana ho manao kolikoly antsoina hoe Suryadharma Ali ao aoriany manohana azy.— David Michael Saga (@DMSaga)

More like a desperate act from Prabowo, bailing out of the election won't make u win also. This is the voice of the people. #presidenbaru

— MC BLAKE (@jason_blake) July 22, 2014

Tahaka ny fihetsika famoizam-po avy amin'i Prabowo, tsy hampandresy anao ihany koa ny fialana amin'ny fifidianana. Io no feom-bahoaka.— MC BLAKE (@jason_blake)

Nidina ny tsenam-bola tao Indonezia taorian'ny fanambarana nataon'i Subianto. Mitaratra ny fanahian'ny olona maro amin'ny fiantraikan'ny fahamarinan-toerana ara-politikan'i Indonezia izany raha mitsipaka ny valim-pifidianana ny iray amin'ny kandidà, indrindra fa i Subianto :

Indonesia Stock Exhange drops 1.5% after Prabowo press conference. #PresidenBaru pic.twitter.com/W8k5rYY2GP

— World News Pulse (@WNPulse) July 22, 2014

Nijotso 1,5% ny Tsenam-Pifanakalozam-bola ao Indonezia taorian'ny valandresaka nataon'i Prabowo.

#prabowo asked the supporters to calm down, but he himself is so emotional & his statement may provoke negative movement. #PrabowoKokGitu

— Elya Khoe (@elyakhoe) July 22, 2014

Miangavy ny mpanohana azy i Prabowo hitony, saingy mihetsi-po be ranamana ka mety miteraka zavatra mifanohitra amin'ny fanambarana nataony.

Ao amin'ny kaontiny Twitter i Yusril Izra Mahendra minisitry ny fitsarana teo aloha sady mpampianatry ny zon'olombelona, no manoratra izay mety hitranga raha sanatria ka tsy nahomby ny fifidianana ho filoham-pirenena:

3. Dlm UU Pilpres sebagaimana dlm UU Pileg dan Pilkada, seorang calon yg sdh disahkan sbg calon tdk boleh mundur dg alasan apapun

— Yusril Ihza Mahendra (@Yusrilihza_Mhd) July 22, 2014

Ao anatin'ny lalànan'ny fifidianana ho filoham-pirenena, izay mitovy amin'ny fifidianana antenimiera sy fifidianam-paritany, dia tsy mahazo alalana ny hiala ny kandidà efa nankatoavina, na inona na inona antony.

10. Kalau Pilpres sekarang ini gagal, maka akan terjadi kevakuman pemerintahan, sebab MPR tdk bisa memperpanjang masa jabatan SBY — Yusril Ihza Mahendra (@Yusrilihza_Mhd) July 22, 2014

Anio raha tsy mahomby ny fifidianana ho filoham-pirenena, dia hisy ny fahabangan'ny governemanta satria tsy araka manitatra ny fe-potoana ijoroany ny Antenimieran-Pilankevi-Bahoaka (MPR)  [izay i Susilo Bambang Yudhoyono no filoha amin'izao fotoana izao].

11. Kevakuman pemerintahan tsb sangat membahayakan bangsa dan negara, karena itu keselamatan negara harus diutamakanw

— Yusril Ihza Mahendra (@Yusrilihza_Mhd) July 22, 2014

Hampaharefo ny firenena sy ny fanjakana ny ‘fahabangan'ny’ governamanta, saingy mbola mitoetra ho laharam-pahamehana ny fiavotan'ny fanjakana.

Mandritra izany fotoana izany, misy ireo mpisera Twitter sasantsasany ihany koa nankasitraka ny filoha Yudhoyono, fantatra amin'ny fanafohezana ny anarany SBY, noho ny nataony hitandroana ny filaminan'ny tetezamita demokratika:

Terimakasih juga Pak SBY yang telah mengawal dan membantu menciptakan pemilu yang aman dan damai :’)

— A G Y L (@AgylDhani) July 22, 2014

Misaotra anao ry SBY tamin'ny fanampiana nanao izay hampadio sy hampilamina ny fifidianana.

Hanao fianianana amin'ny mahafiloha azy i Widodo amin'ny 20 Oktobra 2014.