Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Pakistan: Malala Yousufzai sy ny fanafihana amin'ny fiaramanidina baikoana

Hatramin'ny nanafihan'ny olona mitam-basy an'ilay mpitolona tanora Malala Yousufzai tany Swat, dia nampametra-panontaniana maro ny fahombiazan'ny fanafihana ataon'ny fiaramanidina baikoana any Pakistan. Taorian'ny fanafihana tamin'ny 9 oktobra 2012 (jereo ny fanadihadihana Global Voices) dia hatezerana no nivoaka eran'izao tontolo izao, ary anisan'ny tezitra koa aza ireo antoko politika sy antokom-pivavahana any Pakistan nanameloka ny zava-nitranga, izay ny Tehreek -e-Taliban Pakistan (TTP) no nitonona ho tompon'antoka.

Raha mbola any amin'ny hôpitaly ilay nomena ny lokan'ny fandriampahalemana nasionaly, dia mampifandray iny zava-niseho iny amin'ireo fanafihana ny mpitolona ataon'ny fiaramanidina baikoana any amin'ny faritra avaratry ny firenena ny ankamaroan'ny olona. Nikendry an'i Malala ve ireo fiaramanidina baikoana ireo? Nokendrena ve izy satria tsy ampy ny ezaka natao hampihatoana ireo fiaramanidina baikoana ireo?

Mpitolona MQM milanja ny sarin'i Malala Yousufzai nandritra ny fivoriana nataon'i Altaf Hussin tany Hyderabad, Pakistan. Sary nalefan'i Rajput Yasir. Copyright Demotix (14/10/2012)

Manakiana ny fanjakana ny lehiben'i Jamiat Ulema Islam-Fazal , Fazlur Rehman, noho ireo maty aman'arivony maro izay vokatry ny politikan'ny fitondrana. Milaza koa izy fa raha takiana ny famaizana ireo olona namono an'i Malala Yousufzai, dia tsy misy manohitra kosa ny fatiolona nataon'ny fiaramanidina baikoana.

Mizara ny hevitra ao amin'ny twitter, tarihan'i Rehman:

@RajaSahabPTI: Raha hanarotsaronana ny natao fotsiny i Malala, nomena medaly, nokarakaraina be any amin'ny hôpitaly satria notafihan'ny TTP izy. Dia ahoana kosa ny momba ireo notifirin'ny fiaramanidina baikoana?????

@Kidwhy009 (Hafsah Q): RT @Realist0: ankizy aman_jatony maro mitovy amin'i Malala no notifirin'ny fiaramanidina baikoana isan'andro, ahoana ny momba azy ireo?

@akbar62 (Ghulam Akbar): natao tena tonga lafatra ny zava-niseho tamin'i Malala. Hadino kosa ireo matin'ny fiaramanidina baikoana. Miverina amin'ny niandohana ihany ity. Mampiaiky ny CIA.

@SohaibMalek (Sohaib Malek): @Shahidmasooddr ary tsy misy hetsika atao ihany momba ny fiaramanidina baikoana? Kanefa mitabataba be ery amin'ny zava-nitranga tamin'i Malala ! Zanak'ity tany ity ve izy ireo?

Ampiasain'ny olona koa ny tifitra hanamarinany ny daroka ataon'ny fiaramanidina baikoana izay tompon'andraikitra amin'ny fatina sivily am-polony tany amin'ny faritra avaratra, izay mampametra-panontaniana raha mety ny ampifandraisana ireo zava-doza roa ireo.

‏@aHm3D_ (A.): ‘Fanafihana an'i #Malala satria noho ny#fiaramanidina baikoana…’ voaporofo koa ny fisian'ny fiaramanidina baikoana satria notifirina i Malala…’ Diso daholo ireo hevitra roa ireo.

@YusraSAskari (Yusra Askari): Lojika misarona: ‘mamono ny fiaramanidina baikoana mba ho velona i Malala’ http://pic.twitter.com/S2SmfAK2 via@kirannazish #ShitYouCantMakeUp

Ampiasaina ny voambolana zava-doza hilazana ny zava-nitranga, ny ministra federaly Dr. Farooq Sattar nilaza fa ny tsy misy ifandraisany ny tifitra ataon'ny fiaramanidina baikoana sy ny tifitra natao tamin'i Malala.

Iray andro talohan'ny nitifirana an'i Malala dia nitarika diabe ho an'ny fandriampahalemana tany Waziristan Atsimo ny mpitarika ny Pakisatn Tehreek-e-Insaaf, Imran Khan, nanoherana ny tifitra ataon'ny fiaramanidina baikoana. Nijanona kely teo amin'ny fidirana tao Waziristan Atsimo ny andiana fiara niaraka taminy dia niantso an'i Pakistan izy hampitsahatra ny fandraisany anjara amin'ny ady amin'ny asa fampihorohoroana hiarahany amin'i Etazonia ary hampitsahatra ny fanafihana ataon'ny fiaramanidina baikoana. Nilaza koa izy fa naman'ny Taliban, ary nanameloka ny fanafihana natao tamin'i Malala kanefa tsy nanameloka ny Taliban izay nitonona ho tompon'antoka tamin'iny fitifirana iny.

“Manana mpiara-miasa eto an-toerana sy mpanohana isika. Mazava ho azy, afaka manao fanambarana goavana manohitra ny Taliban aho, kanefa mety hahatonga azy ireo (mpanohana) hokendren'ny Taliban koa izany,”

Nilaza koa i Khan fa efa im-betsaka izy no nitady fihaonana tamin'ny Taliban hampisy fandriampahalemana ao amin'ny firenena.

Fiaretan-tory amin'ny labozia natao ho an'i Malala Yousuf Zai ao amin'ny Hyderabad Press Club. Sary nalefan'i Rajput Yasir. Copyright Demotix (13/10/2010)

Maro ny manohana an'i Malala saika manerana ny tany ary midera ny fahasahiany sady nanohitra ny Taliban. Misy fiareta-tory mandra-maraina miaraka amin'ny labozia atao ao Karachi tarihan'i Hetsika Muttahida Quami hivavahana ho an'ny fahasalamany. Olona marobe koa manerana an'i Pakistan no manao hetsika tahaka izany hahatsiarovana ny nataony sy ny fahasahiany. Misy koa ny hetsika fanoherana ny Taliban atao ivelan'ny klioban-gazety ao Karachi  ary arahan'ireo mpitolona maro ho an'ny fandriampahalemana sy ny fiarahamonim-pirenena.

Fanangonan-tsonia amin'ny anarany no mameno ny internety. Anankiray amin'ireny ny ‘Fiarovana ny ankizy sy ny sekoly any avaratr'i Pakistan’.  Marobe amin'ireo olona mpampiasa ny twitter no manohana an'i Malala ary manameloka ny Taliban amin'ny “fanafihana mohaka” nataon'izy ireo.

@asadmunir38 (Asad Munir) #MALALA:Mivavaha ho azy, mbola kely izy, te ho velona, manana nofinofy amin'ny ho avy, te handray andraikitra, reharehan'i Swat sy Pakistan, aza avela ho faty izy.

@MaryamNSharif (Maryam Nawaz Sharif): tsy azo sokajiana ho fanafihana natao tamin'olon-tokana ny fanafihana natao tamin'i Malala. Tena fankendana ny feon'ny liam-pandrosoana ireny.

@Shahidmasooddr (Dr Shahid Masood) enga anie ka homen'i Allah fahasalamana i Malala sy ny namany rehetra, omeny fahasambarana ary ho ela velona sy ho feno fahombiazana. Amena.

@sharmeenochinoy (Sharmeen Obaid) melohiko ny fanafihana an'i Malala tany Swat – tsy azonao ampanginina izahay ry mohaka! #Pakistan

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.