Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Egypta : Momban'ny tantaran'ilay totozy manidina

Fony isika mbola zaza dia samy nijery ireny sarimihetsika an-tsariitatra natao hoan'ny ankizy na “dessins animés” ireny. Raha ny tena marina dia maro amintsika no mbola tia mijery ireny na dia efa izao lehibe izao aza. Ary tsindraindray ny sasany amin'izy ireny dia mifahatra ao an-tsaintsika ao ary manana fiantraikany amin'ny fiainantsika aza. Ny mpiblaogy Captain L.J.Silver monina any Egypta dia manoratra etoana [Arabo] mikasika tantara an-tsariitatra natao hoan'ny ankizy hitany efa ho 15 taona lasa izao, anefa mbola tsaroany foana mandrak'androany :

من الغريب جدا تلك القدرة الغريبة لأفلام الرسوم المتحركة على النتأثير في نفوس الأطفال ,لا أستطيع ان أحدد سببا واضحا لذلك و لكنني أزعم ان هذه القدرة ترتكز على مبدأ بسيط جدا و هو أن هذه الأفلام تخاطب مشاهديها بنفس لغتهم ؛لغة الخيال الجامح الغير محدود-الشيء الوحيد الذي يولد كبيرا عند الأطفال-و من هنا تستطيع النفاذ الى قلوب بل و عقول الأطفال بكل سهولة و يسر

« Mahagaga ny fiantraikan'ny sarimihetsika an-tsariitatra amin'ny fiainan'ny ankizy. Na dia tsy mbola nisy aza afaka nanazava ny antony ankehitriny,  izaho manokana dia mihevitra fa satria ireny tantara ireny dia mampiasa ny fiten'ny ankizy, izay fiteny tsy mametra ny nofinofy [unlimited imagination | imagination illimitée] – hany zavatra tokana izay matotra avy hatrany amin'ny ankizy dieny izy vao teraka. Izany koa no ahafahan'ny ankizy mandrindra avy hatrany sady amin'ny fomba mora fotsiny ny sainy sy ny fony. »

Avy eo izy dia mitantara amintsika izay mba sarimihetsika an-tsariitatra nanoina azy indrindra :

الفيلم كان يحكي عن فأر صغير في الغابة لا يشغل تفكيره أي شيء سوى حلمه بالطيران ,كل يوم يثبت جناحين من الورق فوق يديه و يذهب للقفز من فوق تبة صغيرة غير عابيء بالالام الناتجة عن سقوطه مرة تلو الأخرى..يوما بعد يوم يبدأ جناحين صغيرين في النمو مكان يديه وهو لايكل ولايمل من التمرين الى أن يصبح قادرا على الطيران و يحقق حلمه …ولكن تأتي الرياح بما لا تشتهي السفن ,فلقد قامت حرب كبيرة في الغابة بين مملكة الحيوانات و مملكة الطيور …و يقف الفأر عاجزا عن الانضمام لأي طرف منهم .

« Totozy kely iray no notantarain'ilay sarimihetsika an-tsariitatra, totozy izay nonina tany an'ala ary nanana izay hany tokana nofinofiny sy faniriany, dia ny mba hahay hanidina. Isan'andro vaky izao izy dia nametraka elatra roa vita an-taratasy tao an-damosiny dia nianika itsy vohitra kely itsy mba hitsambikina avy eny an-tampony, tsy tsaroany akory izay faharariana vokatry izay fianjerana tamin'ny andro teo aloha. Nony ela ny ela, dia nanomboka naniry elatra kely roa hisolo toerana ireo tanany roa ilay totozy kely, tsy nitsahatra ny fiezahany ny hanidina anefa izy raha tsy tanteraka ny nofinofiny. Nitranga anefa izay tsy nampoizina fa teraka ny ady eo amin'ireo biby mandady sy ireo voro-manidina hany ka tsy fantatr'ilay “totozy manidina” intsony izay toerana tokony hisy azy. »

Dia mitohy ny fitantarany :

الفيلم يقدم ببساطة شديدة فكرة غاية في الروعة …كيف من الممكن أن ننساق وراء حلم ما حتى ننسى ما سواه…وقد ننساق وراء الحلم لدرجة أن يصبح السعي وراءه هو الغاية في حد ذاتها …و ليس تحقيقه !
من الصعب أن تقضي حياتك محاولا اللحاق بسراب لا وجود له !….ولكن الأصعب هو أن تسعى وراء حلم بكل امكانياتك ..و تكتشف أنك اذ أصبحت قادرا على تحقيق الحلم فلقد قفدت ما هو أهم منه….فقدت نقسك

« Ity sarimihetsika an-tsariitatra ity dia mitrandraka hevitra tsotra anefa mampieritreritra … Izay mety hanarahantsika ny nofinofintsika eny hatramin'ny anaovantsika ho tsinotsinona izay momba ny fiainantsika aza … Hevitra hafa mety ho fonosiny koa ny hoe, mety tsy izay hahatanteraka ny nofinofy izay arahintsika akory no tanjontsika fa ny fanenjehana ihany no tanjona.
Tena fahavoazana tokoa anefa no vokatry ny fandaniana ny fiainana iray manontolo hikatsahana nofinofy fotsiny [mirage] ! Fa ny tena loza dia ny fitadiavana hanatanterahana izany nofinofy izany dia mety handany hatramin'ny izay fananana rehetra … ary mety tsy ho tonga saina amin'izay tsy fahatanterahan'ilay nofinofy akory [raha tsy mitandrina], raha tsy efa very zava-dehibe … eny hatramin'ny [mamery] tena aza. »

Tarek Amr

1 hevitra

  • DamionKutaeff

    Hello everybody, my name is Damion, and I’m glad to join your conmunity,
    and wish to assit as far as possible.

Hiresaka koa

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.