Nankatoa ny tombotsoan'ny parlemantera ny parlementa. Pikantsary: Televisão STV.
Tamin'ny 5 Mey, nanambara ny fankatoavana ny tombontsoa ho an'ny parlemantera ny Parlemanta Mozambikana , izay niteraka resabe tao amin'ny firenena satria efa nandritra ny roa taona izay no tsy nisy fanitsiana ny karama farany ambany indrindra.
Ahitana ny fandoavana ny saram-pialantsasatra sy vidin-tsakafo ary fanampiana amin'ny fividianana akanjo mihaja ny tombontsoa vaovao. Tsy misitraka ireo tombontsoa ireo ny mpiasam-panjakana Mozambikana hafa raha ny voalazan'ny Sata Mifehy ny Mpiasam-panjakana (EGFAE).
Manan-jo hifindra asa hafa tsy mila mandalo fanadinam-panjakana ihany koa ny mpiasam-panjakana ao amin'ny Antenimieran'ny Repoblika.
Notsikerain'ny Mozambikana marobe ny vaovao. Ny mpianatry ny oniversite sasany aza dia nanao fihetsiketsehana an-dalambe mihitsy, saingy nosakanan'ny polisy teo an-toerana:
Onde eu queria estar hoje cedo ✊?✊?✊?✊?✊?✊?✊?
Parabéns a todo/as jovens que foram à rua manifestar
Pátria amada, vamos vencer ?? pic.twitter.com/irf3GFORWB
— Aly Caetano (@Aly_Caetano) May 11, 2021
Ilay toerana tiako hahatongavako vao maraina anio.
✊?✊?✊?✊?✊?✊?✊?Miarahaba an'ireo tanora rehetra nidina an-dalambe hanao fihetsiketsehana
Ry firenena malala, handresy isika.
Nitarika ny fisamborana tovolahy iray izay navotsotra rehefa afaka ora vitsivitsy ny fihetsiketsehana, tranga izay niteraka hatezerana hafa tao amin'ny tambajotra sosialy:
Não era um grupo de marginais pretendendo vandalizar alguma instituição pública ou privada.
Eram jovens fazendo uso de um direito que lhes é inerente pelo simples facto de serem pessoas. O direito a manifestação é um direito fundamental. #liberdadeparaValdo pic.twitter.com/3sFBjStAkX
— Ignatius? (@cutee_ducking) May 11, 2021
Tsy vondron'olona voahilikilika nikasa hanimba ny orinasam-panjakana na tsy miankina amin'ny fanjakana.
Fa tanora nampiasa ny zony noho ny maha-olona azy ireo. Zo fototra ny zo hanao fihetsiketsehana.
Tamin'io andron'ny fihetsiketsehana io ihany, nisy fanangonan-tsonia natao ho an'ny daholobe nanaovana fitakiana tany amin'ny Parlemanta hanafoanana ny fankatoavana ireo tombontsoa ireo:
#PETIÇÃO CONTRA A APROVAÇÃO DE #DIREITOS E #REGALIAS DO FUNCIONÁRIO E AGENTE PARLAMENTAR
Terça-feira | 11 de Maio de 2021
09H30 | Em frente à Assembleia da República pic.twitter.com/UpXsJUdiek— FMO (@FMO_Moz) May 10, 2021
FILAZANA HO AN'NY HAINO VAKY JERY
FANANGONAN-TSONIA HANAFOANANA NY FANKATOAVANA NY ZO SY NY TOMBONTSOAN'NY MANAMPAHEFANA SY NY MPIASAM-PANJAKANA PARLEMANTERA
Talata 11 Mey 2021
9:30 maraina | Manoloana ny Antenimieran'ny Repoblika
Taorian'izay dia nanapa-kevitra hanemotra ny adihevitra momba ny sata vaovaon'ireo mpiasam-panjakana amin'ny daty tsy voafaritra ny Parlemanta Mozambikana.
Zava-dehibe ny manamarika fa tamin'ny herintaona, nandritra ny firongatry ny COVID-19 tany Mozambika dia nitsikera ny Antenimieran'ny Repoblika ihany koa ny vahoaka noho ny fankatoavana ny tetibola ahitana fandoavana “ampahambola iverenana amin'ny asa teo aloha” rehefa tapitra ny fe-potoana hiasan'izy ireo.
Tamin'ny taona 2014, nolaniana ny lalàna milaza ny fanomezana tombontsoa manokana ho an'ny Filohan'ny Repoblika sy ny solombavambahoaka rehefa tapitra ny fotoam-piasan'izy ireo, izay nitarika ny fanokafana pejy fanoherana tao amin'ny Facebook antsoina hoe “Solombavambahoaka be haingintraingitra.” Nivadika ho fihetsiketsehana an-dalambe ny hetsika tamin'izany fotoana izany.
