Sary namboarina avy amina pikantsary nalaina tamin'ny lahatsary YouTube miresaka ny fahafatesan'i Massacar ‘Cebolinha’ Abacar, nataon'ny mpanoratra. Fanomezan'i Giovana Fleck/Global Voices.
Ny 21 Jolay, niparitaka ny tati-baovao iray tao amin'ny WhatsApp sy Facebook nampiseho fa maty tany an'efitranokelin'ny Pôlisin'ny Repoblikan'i Môzambika (PRM) ny tovolahy iray.
Maty andro roa taorian'ny nisamboran'ny PRM azy tao afovoan'i Maputo renivohitra i Massacar Abacar, mpandihy fantatra amin'ny hoe “Cebolinha”. Lazain'ny loharano sasany fa nodarohan'ny pôlisy izy, fitantaràna iray izay lavin'ireo manampahefana ao Môzambika.
Raha izy handeha hamonjy trano fisotroana iny no nosamborina i Abacar, toa hoe hitaky ny handoavana ny trosan-drainy, fihetsika izay heverin'ny mpitantana ilay trano fisotroana ho fanalàm-baràka, ary ho setrin'izay dia niantsoany pôlisy mba hirotsaka an-tsehatra.
Notaterin'ireo gazety tao an-toerana fa rehefa nandre ny fisamborana ity tovolahy ity ny renin'i Abacar dia nandeha nankany amin'ny biraon'ny pôlisy, saingy nosakanana tsy hahita an-janany.
Quando cheguei na esquadra perguntei se o meu filho estava detido, responderam positivamente, disse que queria ver o meu filho e não me deixaram ver o meu filho…
Rehefa tonga tany amin'ny biraon'ny pôlisy aho dia nanontany raha voatazona ao ny zanako, ‘eny’ hoy izy ireo. Niteny aho fa maniry ny hihaona aminy, fa tsy navelan-dry zareo hahita ny zanako aho…
Toedraharaha niteraka onjam-piraisankina teny anivon'ireo Môzambikàna, izay nisarika ny saina hibanjina ny firongatry ny herisetran'ny pôlisy ao amin'ny firenena. Tao amin'ny X ( Twitter teo aloha), Valter Micas, tanora mpikatroka, dia niampanga ny filohan'ny Repoblika ho tsy niraharaha ilay raharaha fa naleony nandeha nandeha namita iraka tany ivelany:
O Presidente da República decidiu ir passear em nome do Moçambique e deixou para trás, mais uma vez a saída de Bernardino Rafael do Comando da PRM.
A ordem de 18 de Março continua sem rosto. A ordem para torturar Cebolinha, idem.
E a PGR tmb n diz nada. Enfim.— Valter Micas (@tumbeleluane) July 25, 2023
Nanapaka hevitra ny handeha hitsangantsangana amin'ny anaran'i Môzambika ny filohan'ny Repoblika, ary namela indray ny fialàn'i Bernardino Rafael tsy ho amin'ny fitantanana ny PRM. Mijanona ho tsy misy ilay didim-pitondràna tamin'ny 18 Martsa. Toy izany koa ny baiko hampijaliana an'i Cebolinha. Ary tsy manambara na inona na inona ihany koa ny biraon'ny Lehiben'ny Mpampanoa Lalàna.
Ny 26 Jolay, ny Ivontoerana ho an'ny Demaokrasia sy ny Zon'Olombelona (CDD), fikambanana sivily iray, dia nikarakara fiaretantory ho fanomezam-boninahitra an'i Abacar, izay avy hatrany dia nosakanan'ny pôlisy.
Vigília em homenagem ao Cebolinha, em Maputo.
Local: 3a esquadra, Av. Mao Tse Tung, nr 586
🗓️ Hoje: 25 07 2023
⏰ Hora: 16h30 pic.twitter.com/b7pkA4zvXx
— CDD – Centro para Democracia e Direitos Humanos (@CDD_Moz) July 25, 2023
Fiaretantory ho fanomezam-boninahitra an'i Cebolinha, ao Maputo. Toerana: 3rd police station, Av. Mao Tse Tung, nr 586. 🗓️ Androany: 25 07 2023 // Time: 16.30
Polícia impede vigília em homenagem ao Cebolinha. pic.twitter.com/MSgPOP7vte
— CDD – Centro para Democracia e Direitos Humanos (@CDD_Moz) July 25, 2023
Sakanan'ny pôlisy ny fiaretantory ho fanomezam-boninahitra an'i Cebolinha.
Tao anaty fanambaràna iray, ny fikambanan'ireo Môzambikàna mpitantana trano fisotroana dia niantso ireo manampahefana mahefa mba hitazona ho tompon'andraikitra ireo manampahefana avy amin'ny pôlisy voarohirohy tamin'ny nahafaty ilay tovolahy ary hitondra fanonerana sy izay fanohanana ilain'ilay fianakaviana.
É também fundamental que sejam tomadas medidas para garantir que tais incidentes não se repitam no futuro e que a polícia esteja em conformidade com as normas internacionais de direitos humanos.
O direito à liberdade e vida é um dos pilares da democracia e deve ser respeitado pelas autoridades, que têm o dever de proteger e promover os direitos humanos dos cidadãos.
Tena ilaina ihany koa ny fandraisana fepetra hiantohana ny tsy hiverenan'ny tranga tahaka izany intsony amin'ny hoavy, sy mba hanarahan'ny pôlisy ny fenitra irasam-pirenena momba ny zon'olombelona.
Iray amin'ireo andy ijoroan'ny demaokrasia ny zo hanana fahalalahana, ary tsy maintsy hajain'ireo manampahefana, izay manana adidy hiaro sy hampiroborobo ny zon'olombelona ananan'ny olompirenena .
Andro vitsy taorian'ilay tranga, nisy tranga iray hafa niseho, izay nisarika ny sain'ireo Môzambikàna. Tamin'ity indray mitoraka ity, dia noho ny fielezan'ny lahatsary iray ahitàna rangahy iray nofatoran'ny pôlisy avy ao an-damosin'ny fiara, avy eo nasaina nandady tamin'ny tany no sady nodarohan'io pôlisy io ihany.
Tsy maty ilay rangahy fa nampihoron-koditra ilay lahatsary. Setriny, ary mbola tamin'ny alàlan'ny taleny indray koa, nangatahan'ny CDD ny hampitsaharana ny herisetran'ny pôlisy ao amin'ny firenena [votoaty lahatsary mahatohina]:
Attempted Homicide by the Mozambique Police – PRM. This ia public crime perpetrated by those who have the legal mandate to protect #HumanRights. @amnesty @zenaidamz @CDD_Moz pic.twitter.com/FRQ3UOLmCA
— Prof. Adriano Nuvunga (@adriano_nuvunga) July 29, 2023
Andrana famonoana olona nataon'ny pôlisin'i Môzambika – PRM. Heloka bevava imasombahoaka notanterahan'ireo notolorana fahefana araka ny lalàna hiaro ny #ZonOlombelona. @amnesty @zenaidamz @CDD_Moz pic.twitter.com/FRQ3UOLmCA
— Prof. Adriano Nuvunga (@adriano_nuvunga) 29 Jolay 2023
