Akatòny

Fitia Tsy Mba Hetra Hampijoro Tsara Hatrany Ny Global Voices

Mila fanohanana avy amin'ny namana sy ny mpamaky toa anao ny fikambananay hitoerany ho mahaleotena, maimaim-poana, ary hahazaka miasa maharitra!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

India, Pakistana: Nosokafana Mba Hanampiana Ireo Tra-boina Tamin'ny Horohorontany Ny Sisintany ao Kashmir

(Fanamarihana: lahatsoratra nivoaka tamin'ny Oktobra 2005)

Hetsika iray tsy mbola fahita, neken'i India sy i Pakistana androany maraina ny hanokatra ilay sisintany tena voaarona miaramila sesehena sady ifandroritana be ao amin'ny faritr'i Kashmir mba ho an'ny fanampiana. Hosokafana any aminà fiampitàna 5 ny LOC (Line of Control na Làlana Fanarahamaso ). Niarahaba ilay fifanarahana nifanaovan'i Pakistana sy India ihany koa i Rashid Khalikov, mpandrindra ny maha-olombelona ao amin'ny Firenena Mikambana tao amin'ilay faritra nisehoan'ny horohorontany, niantso izany ho toy ny ‘dingana tsara ao anatin'ity toedraharaha mampivarahontsana ity”. Hanome fahafahana hampivelatra ny fanampiana amin'ny maha-olombelona izany ho any an'ireo olona voakasika any amin'ireo tanàna lavitra manamorona akaiky ny Lalana Fanarahamaso.

Manomboka amin'ny 7 Novambra ny fanokafana ireo sisintany. Afaka mizotra amin'ny lalana roa ireo entana fanampiana ary atolotra ireo manampahefana eny an-toerana ao amin'ireo fihaonan-dalana, hoy ilay fanambarana iraisana. Hahazo alalana handingana izany an-tongotra ny olontsotra, izay ny fianakaviana voasarak'ilay sisintany no mahazo ny laharampahamehana.

Hitovy amin'ireo napetraka tany am-piandohan'ity taona ity ireo dingana mba hiampitàna ilay sisintany rehefa novelomina indray ilay tolotra fitateram-bahoaka ara-tantara izay mampifandray ireo renivohitra roa an'i Kashmir, Muzaffarabad sy Srinagar. Tsy maintsy hangataka fahazoandalana avy amin'ireo manampahefana ao amin'ny governemanta any amin'ny andaniny roa tonta ireo olona maniry ny hiampita mba hanamarinana ny maha-izy azy marina.

Homena alalana ao amin'ireo tanàna an-tsisintany Indo-Pakistaney, Nauseri-Teethwal, Chakothi-Uri, Hajipur-Uri, Rawalakot-Poonch, ary any Tattapani-Mendhar ireo fiampitàna dimy.

Loharano: China Post avy amin'ny Fanampiana Amin'ny Horohorontany ao Azia Atsimo

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.