Amin'ny maha-firenena azy dia tena mbola tanora i Bangladesh. Fa raha amin'ny maha-fanjakana azy, dia manana vakoka efa mihoatra ny arivo taona izy. Fikambanam-poko indo-aryan avy amin'ny faritra Bengal taloha any Azia Atsimo ny Bengalis, ankehitriny izany dia mizara eo anelanelan'i Bangladesh sy ny Fanjakana Indianina Bengal Andrefana. Ny faritra dia tao anatin'ny ampira pan-Indiana maro izay nananihana sy nanjakan'ny Mughals sy ny Britanika taty aoriana.

Any Bangladesh, 98%-n'ny olom-pirenena dia anisan'ny vondrona Bengali. Misy fahasamihafana goavana eo amin'ny endrika sy ny fomban'ny Bengalis Bangladeshita noho io tantara io, saingy mazava ho azy fa manana toetra iraisana izy ireo.

Amin'ny hatsikana manindrona, nisy manam-pahazaina teknolojia avy any Bangladesh iray misera Twitter mba hanondroana ny sasany amin'ireo toetra ireo amin'ny fampiasana tenirohy #আমিবাংলাদেশী (#BangladeshitaAho).

Omi Azad dia olona manam-pahaizana teknolojiam-baovao miasa amin'ny orinasa fanoroan-kevitra ara-toekarena sy fampivelarana ny fihariana GDP Global. Mamelona bilaogy iray antsoina hoe Bite Reality izy, izay anoratany lohahevitra isankarazany.

Nandritra ny volana maromaro, nisioka ireo fomba fihetsika ataon'ny Bengali mpiray tanindrazana tsikariny izy. Ohatra, Ireo posiposy entin'olonahita na aiza na aiza eny an-drenivohitr‘i Bangladesh ao Dhaka sy any amin'ny faritra hafa ao amin'ny firenena. Ny mpamily moa dia malaza ny amin'ny fitondrana entana mihoatra ny fetra:

রোদ হলে, বৃষ্টি হলে, ছুটির দিনে, খুব সকালে, সন্ধ্যার পরে – মোটামুটি সব অযুহাতেই ভাড়া একটু বেশী! #আমিবাংলাদেশী রিক্সা ওয়ালা!!

— Omi Azad (@omiazad) July 24, 2017

Raha mibaliaka ny masoandro, mafana ny andro, raha latsaka ny orana, amin'ny andro fety, na dia alina aza, dia hahita fialan-tsiny izy ireo amin'ny fangatahana saran-dalana fanampiny.
#BangladeshitaAho mpitarika posy!

Any Bangladesh dia maro ny olona mampiasa rindramaiko piraty na dia afaka mampiasa rindrambaiko misy lisansa aza ry zareo. Naneho izany taminm-pahendrena i Azad:

আমি কম্পিউটার ব্যবহার করে যত টাকাই রোজগার করি-না-কেনো, মরে গেলেও সফটওয়ার টাকা দিয়ে কিনে ব্যবহার করবো না!! #আমিবাংলাদেশী

— Omi Azad (@omiazad) July 23, 2017

 Afaka mahazo vola ampy amin'ny solosainako aho, kanefa dia tsy handany ariary hividianana lisansa mandrapahafatiko aho. #BangladeshitaAho

Efa ho 30 tapitrisa ny mpisera aterineto any Bangladesh, ary efa roatokony no misera facebook. Mahazatra ny mahita lahatsoratra nosoratana tamin'ny fiteny Bangla amin'ny endritsoratra Romanina fa tsy endritsoratra Bangla natokana ho amin'izany. Tsy ela akory, dia maro ny olona nanolo-tena ho faty niady ny zo ahafahan'izy ireo mampiasa ny fiteny Bangla ao Bangladesh, izay nitarika an'i Azad hanoratra hoe:

বাংলা আমার গর্ব! কিন্তু আমি সবসময় ইংরেজী হরফে বাংলা লিখবো!! #আমিবাংলাদেশী

— Omi Azad (@omiazad) July 19, 2017

Bangla no reharehantsika. Nefa hanoratra mandrakariva ny Bangla amin'ny endritsoratra Romanina aho.#BangladeshitaAho

Amin'ny maha-mpandeha tongotra, tsy mankàto ny lalàna mihitsy ny Bangladeshita, hoy Azad naneho ny heviny:

আমরা সবসময়ই ফুটওভার ব্রিজের নিচ দিয়ে রাস্তা পার হবো… #আমিবাংলাদেশী

— Omi Azad (@omiazad) July 17, 2017

handeha eny an'arabe hatrany isika. #BangladeshitaAho

Tsy izany irery iany, fa ny Bangladeshita dia tsy hiala eny an'arabe na dia efa ampanenoana anjomaran'ny fiara aza, hoy izy:

চলার পথে হর্ণ দিয়ে আপনি হাতি/জলহস্তি/গন্ডার সরাতে পারবেন, আমাকে পারবেন না। #আমিবাংলাদেশী

— Omi Azad (@omiazad) August 9, 2017

Azonao atao ny mamindra elephanta/lalomena/tokatandroka amin'ny anjomaran'ny fiaranao, fa tsy izaho izany. #BangladeshitaAho

Mbola nanome fanehoan-kevitre maneso kokoa i Omi Azad:

অন্য ব্যাংকের এটিএম থেকে ১৫ টাকা ফি দিয়ে টাকা তুলবোনা। কিন্তু তার বেশী রিক্সা ভাড়া দিয়ে আমার ব্যাংকের বুথে যাবো! #আমিবাংলাদেশী

— Omi Azad (@omiazad) August 3, 2017

Tsy haka vola eny amin'ny GAB/ATM akaiky indrindra aho satria avy amin'ny banky hafa izany ary mampandoa 15 Bangladeshi mihoatra an'ny karatro. Fa aleoko mandoa posiposy, izay mihoatra noho ny andehanana any amin'ny bankiko ny sarandalana. #BangladeshitaAho

প্রতি মাসে ময়লার ভ্যানকে চাঁদা দিলেও ময়লা আমরা জানালা দিয়েই ফেলি। #আমিবাংলাদেশী

— Omi Azad (@omiazad) July 29, 2017

 Manakarama mpanangona fako isam-bolana izahay. Saingy izahay dia manipy fako eo am-baravarakely etsy amin'ny lalana ambany.#BangladeshitaAho

ঠিকভাবে আমার ঠিকানা কিভাবে লিখতে হয়, আমি এখনো জানিনা। আমাদের মধ্যে অনেকে GPA 5 #আমিবাংলাদেশী

— Omi Azad (@omiazad) July 23, 2017

Tsy fantatray ny fomba fanoratra ny adiresin'ny tranonay. Saingy nahazo GPA 5 izahay tamin'ny fanadinana.

আপনার অফিস সকালে শুরু হতে পারে, আমি ১০টার আগে ডিউটিতে আসিনা। #আমিবাংলাদেশী @Uber ড্রাইভার

— Omi Azad (@omiazad) August 24, 2017

Afa-manomboka ny asanao maraina ao amin'ny biraonao araka ny fotoana mahazatra ianao, saingy tsy manomboka ny androko alohan'ny 10 maraina aho. #BangladeshitaAho mpanamory Uber

Ary na eo aza izany rehetra izany , ny Bangladeshita dia mirehareha sy mahalefitra. Manaparitaka fomba fiteny malaza iray hanehoana izany i Azad:

আপনারে বড় বলে বড় সেই হয়, লোকে যারে বড় বলে সেই বড় নয়!! #আমিবাংলাদেশী

— Omi Azad (@omiazad) July 31, 2017

Lasa lehibe ireo mampieboebo tena. Tsy raharahako izay eritreretin'ny olona. #BangladeshitaAho