Ataon'ny Lalàna Manohitra Ny Fampihorohoroana Ao Ejipta Lasibatra Ny Aterineto

Ho arahi-maso akaiky ny Facebook, ankoatra ny tranonkala hafa, rehefa mihatra ny tolo-dalàna “manohitra ny fampihorohoroana”.

Ny lalàna drafitra, izay nampidirin'ny Minisiteran'ny ny Atitany tao amin'ny Minisiteran'ny Fitsarana, izay ho ampidirina ao amin'ny filankevitry ny minisitra ho ankatoavina, dia mametraka fa azo tampenam-bava ny tranonkala aterineto mandrisika ny fampihorohoroana. Tafiditra amin'izany ny tranonkala malaza toy ny Facebook, izay lasa fantsom-piseraseran'ny Ejipsiana hamoaka ny feo manivaka.

Araka ny gazety mivoaka isan'andro amin'ny teny arabo Al Sherooq [ar]:

تضمن مشروع قانون «مكافحة الإرهاب» المرسل من وزارة الداخلية للعدل، قبل إرساله إلى مجلس الوزراء، لإقراره، ولأول مرة موادَّ جديدة لضمان فرض السيطرة على الجرائم «الإرهابية» بشكل أكثر شمولًا من مواد قانون العقوبات، بداية من فرض الرقابة اللازمة على مواقع فيسبوك والإنترنت؛ لمنع استخدامها في الأغراض «الإرهابية» المنصوص عليها

Sambany ny tolo-dalàna enti-miady amin'ny fampihorohoroana, izay nalefan'ny minisiteran'ny atitany any amin'ny minisiteran'ny fitsarana, mialoha ny handefasana azy ao amin'ny filankevitry ny minisitra, ho fankatoavana, no mampiditra lalàna vaovao miantoka ny fanaraha-maso ny “fampihorohoroana” amin'ny fomba mivelatra kokoa, izay manomboka amin'ny fanaraha-maso ny aterineto sy ny Facebook mba tsy ampiasana azy ho amin'ny fampihorohoroana

Nanamarika ny bilaogera Ejipsiana Ramy Yaacoub:

Voalohany ny fampidirana ny andininy faha-31 amin'ny lalampanorenan'i Ejipta vaovao hita ao amin'ny tolo-dalàna, dia mamolavola ny hanaraha-maso ny Facebook, ny fanakanana tranonkala.

Ary nanampy:

Efa lasa fahadalàna izany. Tsy maintsy ilaina ny lalàna iraisampirenena izay manjaka amin'ny tsy fahazoana midikidi-poana amin'ny fifandraisan'olona manokana.

Miteny ny mpanoratra tantara foronina Ezzedine Choukri Fishere fa hisy fiantraikany mihoatra noho ny fampihorohoroana fotsiny io tolo-dalàna io:

Arahabaina i Ejipta! Efa lasa asam-pampihorohoroana ankehitriny ny fiarovana ny tontolo iainana

Ary namehy i Mai El-Sadany:

2. Ho ampidirina ao amin'ny tolo-dalàna miady amin'ny fampihorohoroana ny fanaraha-maso [na fitsikilovana] ny aterineto sy ny tambajotra sosialy.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.