Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Notapahan'i Satirist Bassem Youssef, ilay Ejiptiana Mpanao Hatsikana, Ny Fifanarahany Tamin'ny Fahitalavitra

Ity herinandro ity no nahitàna indray andiany vaovao tamin'ny raharaha Bassem Youssef. Indrisy, tsy mba nalefa fahitalavitra na Youtube izy io nefa nanana endrika ara-dalàna. Ny marina, nanambara tao amin'ny pejy ofisialiny Facebook tamin'ny fomba ofisialy ilay mpanao hatsikana sy ny Qsoft mpiara-miasa mpamokatra azy fa nanapa-kevitra ny hamarana ny fifanarahany tamin'ilay fahitalavitra CBC nampiantrano ny fandaharana.

Tany am-piandohan'ity volana ity, nanapa-kevitra ny CBC ny hampiato ilay fandaharana be mpanaraka ao amin'ny fahitalavitra, izay mpijery 30 tapitrisa isan-kerinandro any amin'ny tontolo Arabo no niandry mafy ny fiverenany, amin'ny filazana fa hoe “nanitsakitsaka ny zavatra nifanarahana tamin'ny CBC” ny votoatin'ny fizaràna voalohany taminy.

Khalid Mansour, mpanoratra sy mpilalao hatsikana (izy no mitàna ny toeran'ilay olo-malaza fantatra erantany amin'ny hoe “Gamahir” ao anatin'ilay seho) dia nibitsika ity sary maneso sy miteny ho azy izy :

Tapitra ny lesona, mitapy. #Egypt #مصر pic.twitter.com/bLMrjtS973

— Khalid Mansour (@KhalidMans) 17 Novambra 2013

Efa somary nahian'ny sasany ihany ilay vaovao, antony iray hanantenana aza ilay izy. Isan'ireny ilay talem-pamokarana sarimihetsika , Ahmad Abdallah, izay nibitsika hoe [ar] :

Antenaiko fa raha namarana ny fifanarahany tamin'ny CBC i Bassem Youssef, dia ho alefany ao amin'ny  Youtube amin'ny fampiasàna ny lisansa Creative Commons ilay fizaràna voasakana mba hahafahan'ny fantsona rehetra mampiseho azy.

Manam-panantenana ihany koa i Bassem Sabry, mpanoratra :

Tena antenaiko mafy tokoa fa ho fiandohanà vanim-potoana iray ho an'i  Bassem Youssef ity fa tsy sanatria ho ny fiafaràny. Azony atao tsara ny ho tonga amin'izany.

— Bassem Sabry باسم (@Bassem_Sabry) 17 Novambra 2013

Ny tenifototra [ar] #واحشنا_يا_باسم #WeMissYouBassem MalaheloAnaoZahayBassen no maneho ny hetahetan'ireo Ejiptana mpampiasa Twitter hahita ny fiverenana haingan'i Youssef.  Keizer, mpanao taokanto an-dalambe, dia nanolotra ny sary iray nataony mba ho an'i Bassem, izany dia mizotra mankany amin'ny fanehoana hoe mbola avo dia avo ny lazan'i Bassem na dia vao indray mandeha monja aza no niseho fahitalavitra hatramin'ny nanombohan'io andiany io :

Artist Keizer dedicates one of his drawings to Youssef

Natokan'ilay Artista Keizer ho an'i Youssef ny iray tamin'ireo sary nataony.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.