Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Fandraisam-peo ny ôrikesitra saifônika virtoaly voalohany ataon'ny Youtube

YouTube izao no mikononkonona zava-baovao ho fiaraha-mietana: Manasa ny mpahay mozika manerantany ity orinasa ity mba halaina feo (sy sary) amin'ny fananganana orikesitra saifônika avy amin'ny vazantany efatra virtoaly voalohany. Manana fotoana hatramin'ny faha28 ny volana janoary 2009 ho avy izao na ny mpankafy tsotra na ny matihanina amin'ny resaka mozika hisintona ny taratasin'ny taindalitra sy hampiseho amin'ny alalan'ny lahatsary (vidéo) izay halefany amin'ny alalan'ny serasera ny talentany (sy ny fahaizany).

Ao amin'ity dokambarotra amin'ny alalan'ny lahatsary ho an'ny ôrikesitra ity no ahitanao, ilay mpamoron-kira Shinoa Tan Dun (Tadidio ilay sarimihetsika, “Tigra mipetraka, Dragona miafina (Crouching Tiger, Hidden Dragon”?)) sy mpahay mozikamaro hafa no manasa anao: “Miaraha aminay!”. Efa vonona amin'ny fiteny mihoatra ny 12 moa ny antso.

Raiso ny anjara toeranao eo amin'ny tantaran'ny mozika ary midira ao amin'ny Ôrikesitra saifônika YouTube. Mandefa lahatsary roa an-tserasera ihany no ilainao: ny fandraisanao anjara amin'ny hiran'i Tan Dun sy fampihainoana (fampisehoana) hira iray amin'ny ankapobeny.

Mazotoa ary ô!

Toy izao no atao.

1. Miomàna – Safidio ny zavamanenonao eo ampijerena ny taratasin-tain-dalitra ary dia mitendre araka ny tendren'ny mpibaiko hira
2. Atolory – Alefaso an-tserasera ny fahaizana aman-talentanao dia atolory azy ireo hahafahanao miditra amin'ny Ôrikesitra saifônika YouTube
3. Tsidiho – Iseraserao ny lahatsary maro hahazoanao hevitra ary araho ny fifaninanana.

Hanao ny fifantenana voalohany ny mpahay mozika matihanina, mialoha ny fifidianan'ny mpijery izay hotontosaina amin'ny Febroary 2009. Ny tanjona dia ny fampisehoana tena miseho vatana izay hotontosaina any amin'ny trano malalaky Carnegie Hall, any New York, amin'ny faha-15 Aprily  2009, izay tarihan'i Michael Tilson Thomas, talen'ny mozika ao amin'ny Ôrokesitry San Francisco.

Raiso ary ny zavamanenonao dia lasa izao!

(soratry ny mpandika teny: raha tonga dia miseho any aminareo io lahatsary dokambarotra io dia ilazao eto ihany aho satria tsy fantatro mihitsy io fa nampidiriko anjambany fotsiny. Dia mety hihomehy anankampo ihany aho satria mandefa ho anareo zavatra tsy hitako veroka akory)

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.