Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Posiposy Maroloko Voizin'olona No Mifehy Ny Araben'i Dhaka Renivohitr'i Bangladesh

Rickshaw of Dhaka recorded at Guinness World Records 2015 making heading "most cycle rickshaw in one town". In Dhaka city about 6 Lac rickshaw available.15 million people are living in Dhaka city and 40% people travelling in the city by rickshaw. Image by blackthorne57 used under Creative Commons license (CC BY-NC 2.0).

Posiposy ao Dhaka. Sary an'i blackthorne57 nampiasàna lisansa Creative Commons (CC BY-NC 2.0)

Dhaka, renivohitr'i Bangladesh, dia fantatra amin'ny hoe tanànan'ny Maoske sy tanànan'ny taotrano Mughal. Amin'ny maha-iray amin'ireo tanàna be mponina indrindra eto an-tany azy — miaraka amin'ny fifamoivoizana mifanety sy mifanitsa-kitro manaporofo izany — manana toetra iray amantarana azy ihany koa i Dhaka: tanànan'ny posiposy.

Eny rehetra eny ao Dhaka ireny fiara fitaterana voizin'olona ireny. Vinavinaina ho 600.000 ireo posiposy ao an-tanàna, na dia latsaky ny 100.000 monja aza no manana fahazoandàlana. Ampitahao amin'ireo posiposy 37 teny an-dalamben'i Dhaka tamin'ny 1941 izany.

Dhaka's roads are packed with rickshaws in all hues contributing to its traffic woes. Image by Kazi Minhazur Rahman used under Creative Commons license (CC BY-NC 2.0).

Feno posiposy amin'ny loko rehetra ny arabe ao Dhaka, mandray anjara be amin'ny olan'ny fifamoivoizany. Sary an'i Kazi Minhazur Rahman nampiasàna ny lisansa Creative Commons (CC BY-NC 2.0).

Dhaka, tanànan'ny làlana marindrano sy lalankely tery amin'ny ankapobeny, dia tsy manana fitaterana iraisana ampy sy sahaza ho an'ny daholobe. Ireo posiposy no tompon'ny lalàna eto satria azo lazaina ho mora ny sarandàlana. Noho izay antony izay, feno posiposy betsaka ao amin'ilay firenena, saingy mitàna toerana be amin'ny olan'ny fifamoivoizana ao an-tanàna ireo andiana posiposy maro voaravaka marevaka. Ao amin'ny sehatra fifampiresahan'ny Sydney Cyclist, mpampiasa iray no namariparitra ny zavamisy :

Rehefa miteny aho hoe eny rehetra eny ny posiposy, dia tena eny rehetra eny mihitsy no tiako holazaina, ankoatry ny feon'ny anjomaran'ny fiara, ny feo miverimberina dia ny lakolosy kelin'ireo bisikilety ary ireo posiposy kadraoka tsy misy na inona inona, mikarantsana eny amin'ireo làlana mikintaontaona.

Ity misy fanadihadiana fohy ao amin'ny YouTube nakarin'ny Abstract Films, izay manaraka mpivoy posiposy telo samihafa manerana ny araben'i Dhaka no sady miresaka ny fiainan-dry zareo ary ireo fanamby sedraina amin'ny asany.

Tany amin'ny fiandohan'ny andian-taona 1930 tany no tonga tao Bangladesh ny posiposy. Hatramin'ny fiandohan'ny andian-taona 1970, fitaovana fitaterana nahazatra tao Dhaka ny posiposy. Na ankehitriny aza, anaty fombam-piainan'ireo olona an'aliny ity fitaovana fitaterana mora vidy, manaja ny tontolo iainana, tsy mandoto ity. Amin'izao fotoana izao, 40% amin'ny vahoaka no mandray posiposy mifamoivoy ao an-tanàna.

Rickshaw Art. Image by Anduze traveler used under Creative Commons license (CC BY-NC 2.0).

Taokanton'ny posiposy. Sary an'i Anduze, mpivahiny mpitsidika, nampiasàna ny lisansa Creative Commons (CC BY-NC 2.0).

Tany amin'ny andro voalohany nisian'ny posiposy, na izy ireny zara raha noravahana, na tsy nasiana mihitsy. Indraindray, nanomboka nipoitra ireo sary fandravahana teny an-damosin'ireo posiposy tany amin'ny andian-taona 1960. Taharo fototra ho an'ny taokanto an-tanàndehibe io fandravahana io izao. Manampy amin'ny fandokoana ny fitaterana ao an-tanàna ireo kintan'ny sarimihetsika, sarin'ny tontolo, biby, raharaha politka amin'izao vaninandro izao, sary samihafa ary hatramin'i Osama Bin Laden. Asongadin'ity pejy Facebook mitondra ny anarana hoe “Lokon'ny Posiposy/Taokanton'i  Bangladesh” ity ireo sary samihafa fanaingoana ny posiposy fahita manerana an'i Dhaka.

Nampiasaina ho toy ny hetsi-panoherana ihany koa ny fandokoana posiposy. Na izany aza, tsy voafetra ho amin'ny posiposy ihany ilay taokanto. Lohahevitra miha-malaza ihany koa izy ankehitriny amin'ny hay endrika sy bika, miaraka amin'ireo sarinà posiposy hita eny amin'ireo saris, shalwar kameez ary kurtis.

A Rickshaw Puller takes short break to rejuvenate him for the rest of the day's hardship. Images by Mirza Ferdous Alam used under Creative Commons license (CC BY-NC 2.0).

Mpivoy posiposy miala sasatra makamaka aina hiatrehana ny asa mafin'ny tontolo andro mbola ho atrehany. Sary an'i Mirza Ferdous Alam, nampiasàna ny lisansa Creative Commons (CC BY-NC 2.0).

Misy mihitsy hatramin'ny fasan'ny posiposy ao Dhaka. Tsy mino ve ianao? Ity ny sary iray amin'ìzany:

Fasan'ny posiposy ao Bangladesh

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.