Venezuela: Fihetseham-po Voalohany Tamin'ny Fahafatesan'i Hugo Chávez
Tamin'ny 5 Marsa 2013, no nandrenesan'izao tontolo izao ny fahafatesan'ny [mg] filohan'i Venezuela, Hugo Chavez Frias.
Araka ny filazan'ny TeleSur [es], Ny Filoha Lefitra Nicolás Maduro no “nanao fanambarana tamin'ny radio sy ny televiziona avy any amin'ny Hopitaly Miaramila Carlos Arvelo ao Caracas (renivohitra), toerana nilazany androany 5 marsa tamin'ny 4:25 folakandro fa maty ny komandy sady filoha.'”
Taorian'ny fandresena azony nandritra ny fifidianana tamin'ny 7 Oktobra 2012, dia nandeha nankany Cuba hodidiana sy hanaovana fikarakarana ara-pitsaboana hiadiany amin'ny homamiadana i Chavez. Niharatsy ny toe-pahasalamany ary tsy hita tamin'ny fampitam-baovao indray izy hatramin'ny volana desambra.
Ao amin'ny Twitter ianao afa-manaraka ny hevitry ny mpiserasera amin'ny fanarahana ny teny hoe Murió Hugo Chávez [es, Maty i Hugo Chávez], Nicolás Maduro, ary ny tenifahatra #MuereChávez [es, nodimandry i Hugo Chávez].
Raha mijery ny ideolojia anti-imperialista nampalaza azy ilay mpanoratra Kolombiana Hector Abad (@hectorabadf) [es] dia izao no nosoratany:
@hectorabadf: Lo cierto es que Chávez sí inoculó el chavismo por toda América Latina.
@hectorabadf: Ny marina dia notsindronin'i Chávez ny shavisma nanerana an'i Amerika Latinina
Mandritra izany fotoana izany, maneho ny fiaraha-mioriny avy any Venezuela i Nelson Bocaranada (@NelsonBocaranda) [es] :
Diaben'olona anarivony ho fanohanana ny Filoha Chávez tamin'ny Janoary 2013 raha mbola notsaboina homamiadana any Cuba izy. Saripikan'i Jesus Gil, copyright Demotix
@NelsonBocaranda: Hugo Chávez Frías 1954-2013. Paz a sus restos y nuestro sentido de pésame a sus familiares y seguidores.
@NelsonBocaranda: Hugo Chávez Frías 1954-2013. Fiadanana ho an'ny sisa tavela aminy ary maneho ny fiaraha-miory lalina ho an'ny fianakaviany sy ny mpanaraka azy.
Nampiseho ny fahatalanjonany tamin'ny asa vitan'i Hugo Chávez i Mauricio Rodríguez (@MauricioRG28) [es] :
@mauricioRG28: Hombre sin tiempo ya eres eterno.Has entregado todo a la construcción de una patria incluyente y justa. Por eso, Comandante,tu pueblo te ama
@mauricioRG28: Ry lehilahy mahahoatra ny fotoana efa maharitra mandrakizay ianao. Nomenao avokoa ny zava-drehetra hanorenana firenena anjakan'ny rariny sy tsimanavaka. Noho izany ry komandy dia tia anao ny vahoaka.
Mankasitraka i Arturo Cazal (@ArturoCazal) [es]:
@ArturoCazal: Qué puedo decir. Seguiremos adelante. Luchando, amando… Gracias comandante Chávez
@ArturoCazal: Inona no azoko lazaina. Handroso hatrany izahay. Hiady, hitia…Misaotra anao ry Komandy Chávez
Heverin'i Roberto Juan Carmona (@SelenioE) [es] ho tsimetimaty i Chávez :
@SelenioE: Chávez es eterno, Chávez no estará nunca en una tumba.
@SelenioE: mandrakizay i Chávez, tsy ho ao am-pasana mandrakizay i Chávez.
Ary i Andreína Miárquez (@mintina) [es] miresaka momba ny fisamahana nataon'i Chávez:
@mintina: Lo único que deseo es que Hugo Chávez se lleve con él todo el odio que sembró. Adiós.
@mintina: Faniriako fotsiny ny hitondran'i Hugo Chávez ny fifankahalàna nentiny. Veloma.
Mieritreritra i Lourdes (@lourdes_g) fa izao no fotoana hanohanan'ny Venezoelana ny fireneny:
@lourdes_g: This is your chance…take to the streets and take back your country!
#venezuela#chavez#muerechavez
Fotoana izao ho anareo… midìna an-dalambe ary tohano ny firenenareo!
Nisioka ihany koa ny filoha Peroviana teo aloha Alejandro Toledo (@atoledomanrique) [es]:
@atoledo: Es la hora de la Democracia y del pueblo venezolano. Descanse en paz, Presidente Chávez.
@atoledo: izao no ora ho an'ny demokrasia sy ho an'ny vahoaka Venezoelana. Mandria Am-Piadanana, President Chávez.
Miantsy ho amin'ny fampiraisana i Henrique Capriles (@hcapriles) [es], solontenan'ny mpanohitra Venezoelana:
@hcapriles:En momentos difíciles debemos demostrar nuestro profundo amor y respeto a nuestra Venezuela!Unidad de la familia venezolana!
@hcapriles: Tsy maintsy mampiseho ny fitiavantsika lalina sy ny fanajantsika an'i Venezuela -ntsika isika mandritra ny andro sarotra! Firaisankina ho an'ny fianakaviana Venezoelana!
Ary i RJ Gómez [es] manoratra ao amin'ny Facebook:
Ojala que ahora El y el pueblo de Venezuela puedan tener paz.
Manantena aho fa handry fehizay i Chávez sy ny vahoaka Venezoelana amin'izao fotoana izao.
Manasa ny mpiserasera hifanaja i Yrivalera (@Yri_27) [es] rehefa maneho ny heviny ry zareo.
@Yri_27:
#MuereChávez y la gente burlándose. ¿Qué importa si no eras Chavista? Es un ser humano y merece respeto.
@Yri_27: Nifamazivazy i
#MuereChávez [Maty i Chávez] sy ny vahoaka. Iza no hiraharaha raha tsy chavista ianao? Olombelona izy ary mendrika fanajana.
Farany, maro ireo filoha Amerikana Latinina no nampiseho ny fiaraha-miory tamin'ny alalan'ny Twitter.
Juan Manuel Santos (@JuanManSantos) [es], Colombia:
@JuanManSantos: Lamento profundamente la muerte del presidente de Venezuela Hugo Chávez Frías. Nuestras sinceras condolencias… http://twiffo.com/1JJy
@JuanManSantos: Malahelo tokoa aho amin'ny fahafatesan'ny filoha Venezoelàna Hugo Chávez Frías. Maneho ny Fiaraha-miory… http://twiffo.com/1JJy
Ollanta Humala (@Ollanta_HumalaT) [es], Però:
@Ollanta_HumalaT: Adiós Comandante y amigo Hugo Chávez. Mis sentidas condolencias a su familia y a todo el pueblo venezolano.
@Ollanta_HumalaT: Veloma ry Komandy sady namana Hugo Chávez. Fiaraha-miory avy ao am-po ho an'ny fianakaviany sy ny vahoaka Venezoelàna.
Nilaza i Evo Morales, filohan'i Bolivia, fa “tena mihorakora-pifaliana mihitsy izao ireo mpanankarena vitsy an'isa, ny ampira,” araka ny filazan'ny CNN México (@CNNMex) [es]. Ny filohan'i Argentine Cristina Fernández nanambara ny fisaonam-pirenena [es], ka eny amin'ny atsasaky ny andry no ihofahofan'ny saina. Ary i Sebastián Piñera, avy ao Chile, nanambara [es]: “Nanana fahasamihafana izahay, saingy nianatra nitia ny fanolora-tena sy ny angovo nentin'i Hugo Chavez hiadiana ho fiarovany ny heviny aho”.
Raha nomena baiko [es] hahahenika an'i Venezuela ny miaramila sy ny polisy, nifampizarana an-tserasera kosa ny hevitra an'arivony, maro no mifantoka any amin'ny fiovana ho avy amin'ny demokrasian'ny firenena. Ny gazety El País avy any Colombia indray namoaka ny diam-piainana multimedia [es] ahitana ny toe-javatra 36 nanamarika ny fiainan'ny Filoha Chavez, tondroina ho mpitarika ny sosialisman'ny taonjato faha-21.