Amman: Marika Famoronana Ho Amin'ny Fanovàna Tanatin'ny Hetsi-panoherana Tao Amman
Mbola nisy hetsi-panoherana hafa indray ny andro zoma nitaky fanavaozana tao Jordania natao tao afovoan-tananan'i Amman androany (4 Martsa). Taorian'ny herinandro izay nahitana fahadisoam-panantenan'ny rehetra nohon'ny lahateny nataon'ilay praiministra voatendry vao haingana sy ny fanambarana tsy nahafa-po sy nandranitra nataon'ireo ministra teo aloha sy ny mpikambana tao amin'ny antenimieran-doholona, dia tamin'ny alalan'ny antso fanaingana fanavaozana sy fanovana no namalian'ny ny vahoaka sasany tao Jordania izany.
Ireto ny sasany amin'ireo sora-baventy natsangan'ireo mpanao fihetsiketsehana mba hanehoan-dry zareo ny fomba fijeriny:
Mila haino aman-jerim-panjakana hisolo tena ahy aho , fa tsy hanambaka ahy fotsiny.
Raki-tsarin'i @KTT84
Diary? Tsy manana diary aho, afatsy ilay anankiray novidiako tany amin'ny magazay mpivarotra boky, Istiqlal (fahaleovantena)!
Raki-tsarin'i @KTT84
Ny maha olom-pirenena dia: ny faniriana ny firenenao ho ny firenena tsara indrindra, faniriana ihany koa mba ho ny mponina ao aminao no mponina mendrika indrindra, ary raha toa ka misy zavatra tsy mety hitanao dia tsy hangina sy hijery izany fotsiny.
Raki-tsarin'i @KTT84
Tsy amim-pitaovam-piadiana, maniry fanavaozana ara-politika ireo tovovavy tsy mikiraro ireo
Raki-tsarin'i @KTT84
Ary tany am-pifaranan'ny hetsi-panoherana tamin'ny fiandohan'ny folakandro, dia namonjy ireto saka kely voapotsitra tao anaty vahoaka ireto i @RaghdaButros ary manam-pikasana ny hanome azy ireo ny anarana Thawra (Fikomiana) sy I3tisam (Fanoherana):
Sakakelin'ny revolisiona. Sary avy amin'i @RaghdaButros.