Hetsika Manohana ny Demaokrasia ‘Occupy Central’ ao Hong Kong An-Tsary
Mpanao fihetsiketsehana manohana ny demaokrasia ao amin'ny foiben'i Hong Kong tamin'ny 1 Oktobra 2014. Saripikan'ny mpisera Flickr Mario Madrona. CC BY-NC-SA 2.0
Miditra amin'ny andro fahadimy ankehitriny ny fihetsiketseha-panoherana amin'ny fomba milamina mitaky ny isian'ny fifidianana malalaka ao Hong Kong, ary tsy ahitana soritra hampitsahatra ny tolona eny amin'ny endriky ny mpandray anjara.
Miantso an'i Beijing ny Hong Kongey hamela ny vahoaka hifantina ny kandidà amin'ny fifidianana ny mpitarika ny mpanantateraky ny tanàna amin'ny manaraka. Nilaza i Shina fa hamela an'i Hong Kong, fari-pitantarana manokana misitraka fizakantena lehibebe manoloana ny Tanibe, ho sambany hifidy mivantana amin'ny 2017, saingy nametraka didy fa hisy komity izay pro-Beijing ny ankamaroan'ny mpikambana ao aminy hifantina ny kandidà mialoha ny hamelana azy ireo hofidiana amin'ny fandrotsaham-bato.
Manindry mafy ny Lehiben'ny Mpanantanteraka amin'izao fotoana izao, CY Leung, izay tsy manaiky hihemotra, hametra-pialana, ihany koa ny mpanao fihetsiketsehana saingy nanaiky hifampiresaka amin'ny [mpanao ny] hetsika.
Nahavita nanao fampisehoan-kery mahatalanjona ny ‘Occupy Central’ [Bodoy ny Foibe], araka ny ilazàn'ny mpitokozihitra an'aliny azy. Nandrakitra ijerena ny halehiben'ny fihetsiketsehana tamin'ny 29 septambra ny sary nalaina tamin'ny Tantelim-by [drone], izay nohamarinin'ny Storyful:
Mbola nahajoro teo amin'ny toerany hatramin'izao ny fihetsiketsehana nahazo olona betsaka manoloana ny fikasan'ny polisy hanadio ny toerana tamin'ny alalan'ny entona mandatsa-dranomaso, tsifotra dipoavatra ary ny kibay. Nampiasa elo ny mpanao fihetsiketsehana hiarovan-dry zareo tena amin'ilay teti-panorona mahery vaika, izay nitarika ny sasantsasany hiantso ny hetsika ho “revolisionan'ny elo” na “fitroaran'ny elo.”
Jereo eto ambany ny sary maromaro avy eny an-tsehatra hahitana topimaso bebe kokoa amin'ny fihovitrovitry ny Occupy Central [Bodoy ny Foibe].
Mpanao fihetsiketsehana mametraka vona mavo eo amin'ny lanton-tanan'izay manaiky izany mandritra ny fihetsiketseham-panoheran'i Hong Kong tao Causeway Bay tamin'ny 1 Oktobra 2014. Saripikan'i Guillaume PAYEN. Copyright Demotix
Mpanao fihetsiketsehana ao amin'ny Biraom-Panjakana Foibe [Central] ao Hong Kong mampiasa selôfanina sy sarombava enti-mandidy ho fanoheran'izy ireo ny fampiasana tsifotra dipoavatra tamin'ny 27 Septambra 2014. Saripikan'i Robert Godden. Copyright Demotix
Mpanao fihetsiketsehana manao sit-in [mitokozihitra na mitokona mipetraka] eo an-tokotanin'ny foibem-panjakana tamin'ny 27 Septambra ao Admiralty, mitaky an'i CY Leung, lehiben'ny mpanatanteraka ao Hong Kong, hihaona amin'izy ireo hisian'ny fifampiresahana. Saripikan'i P H Yang. Copyright Demotix
Mpanao fihetsiketsehana miara-mijoro rehefa nanomboka nandefa ny entona mandatsa-dranomaso ny polisy tamin'ny 28 Septambra. Saripikan'i P H Yang. Copyright Demotix
Sakana manana ny dikany [Tsy mpifahavalo isika], Causeway Bay, Hong Kong. 29 Septambra 2014. Saripikan'i Pete Walker. Copyright Demotix
Teny isan-karazany manohana ny demaokrasia aranty ao Hong Kong tamin'ny 1 Oktobra 2014. Saripikan'ny mpisera Flickr Mario Madrona. CC BY-NC-SA 2.0
Mpanao fihetsiketsehana iray manandratra ny sora-baventy ‘tsy fankatoavam-bahoaka’ manoloana ireo polisy misahana ny rotaka tamin'ny 27 Septambra 2014 nandritra ny hetsika Bodoy Central teo ivelan'ny foibem-panjakana tao Admiralty, Hong Kong. Saripika noraisin'i P H Yang. Copyright Demotix
Mahazo ny anaram-bositra ho mpanao fihetsiketsehana be fanajana indrindra, nametraka toerana fanangonana fako hampadio ny toerana hatrany ny Hong Kongey. Saripikan'i Pete Walker. Copyright Demotix
Miala tsiny amin'ny fanelingelenana, Miasa ho an'ny demokrasia izao ny lalana
Araho akaiky ny tatitra manokana momba ny Revolisionan'ny Elo ao Hong Kong