(Fanamarihana: Lahatsoratra nivoaka tamin'ny Aprily 2005)
AMPIASAO ITY FANAMARIHANA ITY: cn_jp_dialog
Nisy mailaka nifanaovanay Sinoa, Japoney ary Amerikana hifanakalozan-kevitra momba ny fomba tsara indrindra hanohanana adihevitra am-pahendrena momba ny fihenjanana eo amin'ny Sinoa sy ny Japoney izay nisy farany teo. Azo atao ny mamorona bilaogim-bondrona sy / na mpanangom-baovao araka izay mety hitranga eo, saingy niombon-kevitra izahay fa amin'ny alalan'ny rafitra fanamarihana technorati sy del.icio.us no mety ho fomba tsara indrindra hanombohana.
Koa ity ny tetika: Raha mamoaka zavatra ao amin'ny bilaoginao momba ny fihenjanana eo amin'ny Sinoa-Japoney, na adihevitra momba ny tantara Sinoa-Japoney, sy ireo olana mifandraika amin’izany ianao (na raha mampiakatra sary mifandraika amin’izany ao amin'ny aterineto), miangavy anao mba hanome izany ity fanamarihana manaraka ity ao amin'ny del.icio.us, Flickr, Furl, sy/na Technorati: cn_jp_dialog.
(Toromarika fanampiny: raha hanampy ny fanamarihana technorati ao amin'ny lahatsoratry ny bilaoginao ianao, dia ampio an’ity HTML manaraka ity ny lahatsoratra tianao hisy azy: <a href=”http://technorati.com/tag/cn_jp_dialog” rel=”tag”> cn_jp_dialog </a> – Fanamarihana: tsy velona intsony ity rohy ity)
(Raha toa ka mametraka ny fanazavanao eo ambanin'ny iray na maromaro amin'ireo rafitra rehetra ireo ianao, dia mipoitra ao amin'ity takelaka ity izany: http://www.technorati.com/tag/cn_jp_dialog – Fanamarihana: tsy velona intsony ity rohy ity)
Ireo Sinoa mpanoratra bilaogy no nitari-dàlana tamin'ny fampiasàna ny fanamarihana ho fomba iray hiresahana ireo olana – indrindra ny ara-pôlitika. Taorian'ny nanakatonana ny birao fandraketana SMTH tao amin'ny anjerimanontolo Tsinghua, dia nampiasa ny fanamarihana SMTH ireo Sinoa bilaogera hizaràna ireo vaovao sy fomba fijery manoloana ny zava-nitranga.
Manome fanazavana betsaka kokoa momba ny fomba fampiasana ny fanamarihana mba hananganana vondrom-pizarana vaovao sy hamoronana fifanakalozan-kevitra i Kevin Wen sy Andrea Leung.
Raha te hahalala momba ny fampiasana ny fanamarihana amin'ny ankapobeny kosa dia jereo ny lahatsoratr'i David Weinberger eto sy eto.