Madagasikara: dingana lehibe no vitan'ny Global Voices amin'ny teny Malagasy
Anaran’ireo rehetra nandray anjara tamin’ny Tetikasa Lingua Global Voices amin'ny teny Malagasy
Vao avy napariaka ny lahatsoratra faha 5'000 nadika amin'ny teny Malagasy ny tetikasa Lingua Global Voices amin'ny Malagasy. Tamin'ny faha-12 Septambra 2007 no niandohan'ity tetikasa ity ary ny teny Malagasy no fandraisan'ny fiteny Afrikana anjara voalohany amin'ny tetikasa lingua project. Mahatratra 16 ankehitriny ireo mpandikateny Malagasy, anisan'izany ny mpandikateny isan'ny tanora indrindra anivon'ny Global Voices, dia ny namana Radifera Felana Candy na @rf_candy izay vao 16 taona monja fony nanomboka.