Polonina: Maty tamin'ny fianjerana voromby tany Rosia ny filoha Kaczyński – Fihetsika voalohany
Nahatratra ny tontolon'ny bolongana iray manontolo, ka hatrany amin'ny gazety malaza ankehitriny ny vaovao nianjeran'ny voromby nitondra ka nahafaty ny filoha Lech Kaczyński sy ny vadiny ary ireo tompon'andraiki-panjakana ambony tany andrefan'i Rosia androany maraina. Nizotra ho any Katyn ny filoha, handray anjara tamin'ny fotoam-pahatsiarovana ny fandripahana tao ana'alan'i Katyn nandritra ny taona 1940.
Samy nahitana ny fihetseham-pon'ny olona voalohany vantany vao nandre ny loza na ny tao amin'ny Twitter na ny mitovy aminy poloney Blip.pl. Tohina ny olona.
Hoy Ewa_b :
Nanampy i Nice [PL]:
Tena nofy ratsy izao ;-(
Ny hafa tahaka an'i Namenick koa nampiseho ny fahatairany tamin'ny alalan'ny fandefasana ny vaovao tamin'ny teny anglisy:
Nasongadin'i Vagla fa [PL]:
Tao anaty voromby ny atsasaky ny mpikambana ao amin'ny governemantan'i Pôlônina.
Niditra an-tsehatra ny fihetseham-pon'i [PL] hustka:
“ireo ny olona nitondra teto amin'ny firenena” chaos!! ;o
Navoitran'i Perdo [PL]:
Nisolo toerana vonjimaika ny Filoha ny mpitondra tenin'ny Antenimiera. hambaran'izy ireo ny fisian'ny fifidianana ho avy.
Nitohana tanteraka ankehitriny ny famoaham-baovao Poloney tahaka ny Onet.pl; mikatso tahaka izany koa ny serasera am-pinday.
Mitatitra i Dziennikarz [PL]:
manana olana avokoa ny vavahadin-tserasera poloney rehetra noho ny fahamaroan'ny mpiserasera be loatra
Malisa nilaza ny vaovao farany momba ny serasera am-pinday[PL]:
#plusgsm mikatso tanteraka. Tsy maintsy ho nifampiantso hifanome vaovao ny olona.
Tsy mitsaha-manome vaovao ny gazety [Sary sy feo ary serasera] malaza, ka mihamiseho ihany koa ny fihetse-pon'ny olona:
KissMeJoeJ no namoaka hoe:
Polskatimes.pl no namoaka ny lisitra voalohan'ireo tao anatin'ny voromby, namahana izany tamin'ny Twitter koa.
Efa lasa lavitra ny eritreritry [PL] ny sasany tahaka an'i Irenkaa,:
Manontany tena aho raha tena loza tsotra tokoa iny…
Voter101 nilaza ny zava-misy fa tsy tian'ny olona ny Filoha [PL]:
#president tsy misy tia azy – nefa hisy ny fanajana ny maty…mahatsikaiky.
manazava [PL] Naphilim :
Angamba tsy tia azy aho, saingy tsy toy izao kosa no ieritreretako ny fanovana ny filohan'ny firenena.
Manomboka mivory maneho ny alahelony ny olona, mitatitra [PL] i dominikpanek :
Mivory eo anoloan'ny Lapam-panjakana eo Varsovia ny mponina eto an-drenivohitra. Mitondra voninkazo sy Koraonina ry zareo.
Ny hashtag #RIPLechKaczynski no ampiasain'ny mpamahana Twitter hanehoany ny alahelony an-tserasera, sy hiantsoany ny hafa hiara-miory aminy, fomba nataon’i TeamJoeJ:
mi-tweet ny fehin'ny fhetseham-pon'ny Poloney amin'izao fotoana izao mampiasa ny fitaovan-tserasera i Linkaaa:
