Na izany aza, dia mbola manelatrelatra ihany ny hazo trompetra mavo sy volomparasy, manome famirapiratana farany eo am-piandrasana fatratra ny rano – ka ao anatin'izany ny fahaterahan'ny havoana maitso indray – soa ihany fa tsy mitanjaka izay manamora ny karazana tondra-drano izay tsy nahafahan'ny firenena nikofoka teo aloha.
Hazo Trompetra Mavo: sarin'ny mpisera Flickr Georgia Popplewell, izay nanamarika: “Raha ny tokony ho izy dia manamarika ny fiafaran'ny fotoana maina ny famelanan'ny tabeboia mavo, saingy iza moa no hahalala ny ho toetr'andro tokoa amin'izao vanin'andro izao?” CC BY-NC-ND 2.0
Ao Trinite sy Tobago, ny famelan'ny Tabeboia dia mitovy ara-kolontsaina amin'ny voaroy mamelana any Japan. Matetika ny olona no mitodi-doha mankany amin'ny Queen's Park Savannah ao Port of Spain hitsangatsangana ambany alokaloky ny hazo, mamelatra ny lambany ambonin'ny karipetran'ny voninkazo miraraka.
Na antanandehibe na ambanivohitra, mamelana manerana ny firenena ny tabeboia. Ny sary eto ambany, ahitana ny tabboia mavo izay ao anatin'ny karazan'ny bromeliads, dia nopihana tao amin'ny tanànan'i Matelot, morona avaratra atsinanan'i Trinite.
Matelot Poui: saripikan'ny mpisera Flickr Nicholas Laughlin, ampiasaina avy amin'ny lisansa Attribution-NonCommercial-ShareAlike 2.0 Generic CC.
Ny famelanan'ny vonikazo Pouis (Tabeboia) dia fampahatsiarovana isan-taona ny fanantenana sy ny fahaterahana indray, ny zavatra akaiky indrindra amin'ny lohataona any Karaiba.
Ny filazana rehetra momba ny lisansa CC amin'ny ankapobeny: ny Attribution dia mitaky ny hanononana ny anaran'ny naka ny sary, ny NonCommercial milaza fa azo atao ny manao fanovana saingy tsy amidy, NoDerivs milaza fa tsy misy alalana hanova ny sary, ShareAlike milaza fa zaraina araka ny fepetra voalohany namoahana ny sary.