Venezoela: Sary Nandritra ny Androm-pifidianana
Mitaintaina ny tambajotra sosialy tany Venezoela tamin'ny alahady. Ahitana fijoroana vavolombelona, honohono, vazivazy sy toro-hevitra ny sehatra tahaka ny Twitter, Facebook ary Flickr mizara ny sary izay manome endrika ny hamaroan'ny mpifidy ny filohan'ny Repoblika ho avy.
Araka ireo fanehoan-kevitra sasany, nisokatra sasakalin'ny Asabotsy ho an'ny mpikambana ny biraom-pifidianana sasany ary mbola mandray olona avy ao anatiny sy ivelan'ny firenena.
Nizara ny sarin'ireo mpifidy nilahatra hatry ny alina mialoha ny androm-pifidianana i Maritza Salazar (@MaritzaSalazar) [es]:
Saripika nozarain'i @maritzasalazar hita Twitter
Fernando Rios (@FernandoRiosD) [es] nizara ny sarin'i Carlos Urbaneja, 94-taona izay manana ny karatra laharana faha-5 ka tonga hampihatra ny zony hifidy :
Saripika nozarain'i @FernandoRiosD hita Twitter
Amin'ny alalan'ny tenifototra #NoEsUnaColaEsUnCamino [es] (tsy laharana fa lalana) izay mifanahatahaka amin'ny teny filamatr'i Henrique Capriles hoe “misy lalana”; maro ny mpisera Twitter mizara ny sarin'ny biraom-pifidianana, laharana lava, hafatra fifampiarahabana ary ny ratsan-tanana voaloko volomparasy izay manamarina tsy misy isalasalana fa nifidy ny olona iray.
Carlos Garcia (@carlosgarciareq) [es] sy Mirian de Aristimuño (@MiriamJSdeA) [es] mampiseho ny ratsan-tanany miloko volomparasy amin'ny fampiasana tenifototra #yavote [es] (efa nifidy aho):
Sary nozarain'i @MiriamJSdeA hita Twitter
sarin'i @carlosgarciareq hita Twitter
Mampiseho sary ahitana olon maro mandray anjara amin'ny fifidianana ihany koa i Martha Evelyn Batres (@Tita_Batres) [es] :
Saripika nozarain'i @Tita_Batres hita Twitter
Manaraka izany, mamoaka sary ahitana filaharana lavabe any Caracas sy ivelan'i Venezoelà ny bilaogy The Devil's Excrement :
Sekoly Andrés Bello, saripika nozarain'ny bilaogy The Devil's Excrement