Sary Nolokoina An-Dalana Mampiseho An'i Vietnam, Singapaoro, ary Filipina Nandritra Ny Taonjato Faha-20
Saripikan'i Vo Anh Ninh, nalaina avy ao amin'ny pejy Flickr an'i manhhai (Lsansa CC)
Mikaroha amin'ny aterineto, ary dia hahita sary natao loko-tanana sy karatra paositra an'i Vietnam, Singapaoro, ary Filipina mamoaka ny fiainana andavanandron'ny tanàndehibe amin'ireo tanàna ireo nandritra ny fanjanahantany tamin'ny fiandohan'ny taonjato faha-20 ianao.
Manana dikany ara-tantara miharihary ireny sary ireny ary ilaina hakana sary an-tsaina izay mety ho endriky ny fiainana tamin'ny taonjato farany. Andao anie hijery, sa ahoana?
Vietnam talohan'ny ady
Ireto sary manaraka ireto dia nalain'i Vo Anh Ninh, iray amin'ny Vietnamiana mpitari-dalana amin'ny fakana sary, ary manasongadina ireo sary nopihana tamin'ny 1950s efa nihalefy ny fitondram-panjanatany frantsay. Asehon'ireo sary ireo amintsika ny topimason'ny fiainana tao Vietnam tamin'ny 1950s nialoha ny fotoana nirotsahany tao anatin'ny ady maharitra sy nampandriaka ny ra nandritra ny taompolo manaraka.
Ny tranonkala Saigoneer no namoaka ny sasantsasany amin'ireo saripika ireo, izay nolokoina sy namoaka tao amin'ny pejy Flickr an'i manhhai.
Saripikan'i Vo Anh Ninh, nalaina tao amin'ny pejy Flickr an'i manhhai (CC License)
Saripikan'i Vo Anh Ninh, nalaina tao amin'ny pejy Flickr an'i manhhai (CC License)
Saripikan'i Vo Anh Ninh, nalaina tao amin'ny pejy Flickr an'i manhhai (CC License)
Saripikan'i Vo Anh Ninh, nalaina tao amin'ny pejy Flickr an'i manhhai (CC License)
Manila nandritra ny fanombohan'ny 1900s
Zanatanin'i Espaina nihoatra ny 300 taona i Filipina mandra-pifaran'ny revolisiona tamin'ny 1898. Saingy nanani-bohitra [mg] azy avy hatrany i Etazonia ary nitoetra ho fitondrana mpanjanatany mandrapahatongan'ny taona 1946. Ny sary manaraka eto ambany dia mampiseho an'i Manila renivohitra nandritra ny tetezamita. Mbola miharihary ny vakoka espaniola fa efa manomboka misy fiantraikany sahady herim-piavahana amerikana.
Nandoko ireo sary avy amin'ny tahiry nomerikan'i John Tewell ireo i E. S. Sison. Ireo sary nolokoina ireo dia navoaka tao amin'ny pejy Facebook an'i Kinulayang Kasaysayan (Tantara Nolokoina).
Binondo, toerana ara-pivavahana sy ara-barotra malaza tao Manila tranainy. Sary avy amin'ny pejy Facebook an'i Kinulayang Kasaysayan, nahazoana alalana
Fiampitana ny tetezan'i Escolta. Escolta no toeram-pandraharahana voalohany tao afovoan-tanànan'i Manila tranainy. Sary avy amin'ny pejy Facebook an'i Kinulayang Kasaysayan, nahazoana alalana
Fanasan-damba ao Manila nandritra ny fiandohan'ny 1900s. Sary avy amin'ny pejy Facebook an'i Kinulayang Kasaysayan, nahazoana alalana
Luneta Park tamin'ny fiandohan'ny 1900s. Ity toerana ity, na tamin'izany fotoana izany na amin'izao fotoana izao, dia malaza amin'ny fijerena mahavalalanina ny helodranon'i Manila amin'ny filentehan'ny masoandro. Sary avy amin'ny pejy Facebook an'i Kinulayang Kasaysayan, nahazoana alalana
Karatry ny paositra taloha mampiseho an'i Singapaoro
Karatry ny paositra nolokoina tanana efa azon'ny rehetra ampiasaina avy amin'ny ango-tahirin'ny Tranombokim-Bahoakan'i New York no ahitana sary maro avy amin'i Singapaoro nandritra ny fiandohan'ny taonjato faha-20. Ny karatry ny paositra dia efa ahitana sahady ny mariky ny mety ho fisandratan'i Singapaoro amin'ny maha seranana sy kitro ifaharan'ny fandraharahana azy ao amin'ny faritra Azia-Pasifika.
Teratany sampan, Singapaoro. 1907 – 1918. Saripika avy amin'ny Angona nomerikan'i Tranombokiim-bahoakan'i New York.
Finlayson Green, Singapaoro. 1907-1918. Saripika avy amin'ny ango-tahirin'ny tranombokim-bahoakan'i New York.
Hill Street, Singapaoro. 1907-1918. Saripika avy amin'ny ango-tahirin'ny tranombokim-bahoakan'i New York.
Victoria Street, Singapaoro. 1907-1918. Saripika avy amin'ny ango-tahirin'ny tranombokim-bahoakan'i New York..