- Global Voices teny Malagasy - https://mg.globalvoices.org -

Nanjohy ny fibitabitahan'ny Fiadiana izay ho Tompondaka Erantany 2022 koa ry zareo Bangladeshis, saingy somary nanahirana kely ny tamin'ity taona ity

· Mpanoratra Rezwan Nandika avylavitra

Sokajy: Azia Atsimo, Bangladesh, Katara, Fahasalamàna, Fampandrosoana, Fanatanjahantena, Fifandraisana iraisam-pirenena, Fifindràmonina, Fitantanam-pitondrana, Mediam-bahoaka, Zon'olombelona
World Cup Graffiti on the wall painted by the locals at KM Das lane in Swami Bagh, Old Dhaka. Screenshot from the Facebook video from Dainik Bangla. Fair use. [1]

Graffiti momba ny Fiadiana ny ho Tompondaka Erantany voaloko eo amin'ny rindrina, nataon'ireo olona ao an-tanànan'i KM Das lane any Swami Bagh, Dhaka Tranainy. Pikantsary avy amin'ny lahatsary Facebook-n'ny [1] Dainik Bangla. Fampiasàna ara-drariny.

Ny 20 Novambra teo no nanomboka tao Qatar ny andiany 2022 amin'ny FIFA Football Worldcup (Fiadiana ny ho Tompondaka Erantany amin'ny Baolina Kitra) [2], ilay hetsika ara-panatanjahantena be mpanaraka indrindra manerana izao tontolo izao. Raha mamely firenena maro manerana ny tany ny tazon'ny baolina kitra, i Bangladesh koa mba nanjohy [3] ilay fibitabitahana, toy ny efa fanaony isaky ny efatra taona.

Natsangan'ireo mpankafy eny an-tafontrano ny sainan'ireo firenena mpandray anjara, nolokoiny graffiti [4] maneho ireo mpilalao baolina kitra ny rindrina, lokoiny ho sainam-pirenen'i Brezila na Arzantina ny trano, metatra maro no soritany loko mitovy amin'ny sainam-pirenen'ireo ekipa malaza, ary vidiany ambongadiny [5] ny fanamian'ireo ekipa isankarazany. Misy ihany koa ny vintana tsara [6] hoe mety ao Bangladesh no vokarina ny fanamiana ho an'ireo mpankafy ny ekipa ankafizinao [7], na ny fanamiana ôfisialin-dry zareo [8].

Ny hetsika atao ao Qatar amin'ity taona ity dia voapentin'ny resabe manodidina ireo fiampangàna kolikoly [9] tamin'ny nisafidianana an'i Qatar ho mpampiantrano tamin'ity taona ity, sy ny fahafatesan'ireo mpiasa mpila ravinahitra maherin'ny 6.500 [10] teo anelanelan'ny 2010 sy ny Janoary 2021. Iray amin'ireo firenena manankarena indrindra eto an-tany, manana vahoaka manodidina ny 2,9 tapitrisa [11] i Qatar, ka amin'io dia  70% — na 2 tapitrisa — dia mpiasa mpila ravinahitra avokoa izay nifindra monina tao mba hiasa tamina sehatra isankarazany. Manodidina ny iray tapitrisa eo ireo mpiasa mpila ravinahitra no miasa amin'ny sehatry ny asa fanorenana, ary manodidina ny 100.000 amin'izy ireny no niasa [11] tamin'ny fananganana ny fotodrafitrasa ho an'ity fiadiana izay ho tompondaka erantany ity, tafiditra amin'izany ireo toeram-pilalaovana, ny toeram-ponenan'ireo mpilalao ary ny làlana. Araka ny antontanisa [10] navoakan'ny The Guardian, dia avy ao Bangladesh ny 1.018 tamin'ireo mpiasa namoy ny ainy.

Samy nolavin'i Qatar, na ny filazàna fisiana kolikoly [12], sy ny hoe mifandray amin'ny resaka fiadiana ny amboara erantany ireo antontanisa [13] miresaka fahafatesana mpiasa mpila ravinahitra, tamin'ny filazàna fa ny tarehimarika notanisaina dia mampiseho ny fahafatesan'ireo vahiny rehetra nandritra io fepotoana voalaza io.  Nambaran'ny [14] FIFA fa olona 3 monja no maty teny amin'ny toerana fanorenana fotodrafitrasa mifandray amin'ny fikarakaràna ny fiadiana izay ho tompondaka erantany, nefa ny fanamarinam-baovao iray nataon'ny Deutsche Welle dia mampibaribary [15] fa ny tena tarehimarika dia mety hanodidina ny 40 any ho any, satria miovaova ireo tarehimarika milaza fahafatesana, arakaraky ny hoe azo faritana ho mifandray amin'ny toerana niasàna ve ilay antom-pahafatesana sa tsia.

Vako ny tohiny: As FIFA World Cup draws closer, migrant labour concerns in Qatar persist ( [16]Anglisy) [16]

Maninona ireo Bangla mpanakafy baolina kitra no tena mifikitra amin'i Brezila sy Arzantina?

Amin'ny ankapobeny dia manohana ekipa maromaro ry zareo Bangladeshis, indrindra fa ireo nahazo ny anarana Tompondaka Erantany tany aloha. Raha tsaraina avy amin'ny alàlan'ireo sainampirenena [17] mihofahofa eny an-tafontranon'ireo mpanohana, anefa, dia mazava fa ny ekipan'i Brezila sy Arzantina no misitraka fahazoana mpanjohy be indrindra, ary nisy tatitra [18] nilaza momba ny fifandonan'ireo mpankafy mpifanandrina noho ny fahasamihafan'ny tokimpanoavan-dry zareo.

Vakio misimisy ato: Brezila sa Arzantina? Tonga Hatrany Bangladesh Ny Fifanandrinana Amin'ny Fiadiana Ny Amboara Eran-Tany Amin'ny Baolina Kitra [19]

Any amin'ny laharana faha-192 no misy an'i Bangladesh ao anatin'ny fampilaharana erantany nataon'ny FIFA [20]ary tsy mbola nahita fahombiazana mihitsy tato ho ato teo amin'ny sehatry ny lalao baolina. Rehefa tsy misy tarika avy ao an-toerana azo tohanana ihany mandritra ilay fifanintsanana ho Tompondaka Erantany, dia entin-dry zareo amin-kafanam-po ny fanohanan-dry zareo ho any amin'ireo tarika iraisampirenena ankafiziny.

Raha ny nahazatra dia i Brezila (laharana 1) no tohanany na i Arzantina (laharana faha-3)  ary betsaka ireo adihevitra momba ny antony mahatonga izany. Ity lahatsary YouTube tamin'ny 2018 ity, avy amin'i Plaantik, [21] no mandinika ny mety ho antony mahasarika kokoa an-dry zareo Bangladeshis hirona amin'i Brezila sy Arzantina fa tsy amin'ireo ekipa hafa, saingy tsy mitondra valiny mazava.

Araka ilay lahatsary, tamin'ny 1982 no nanomboka nandefa mivantana ireo lalao ny fahitalavi-panjakana tao Bangladesh, ary nanomboka nalaza ny fahitalavitra miloko. Tany amin'ny andian-taona 1970s sy 1980s, fantatry ny ankizy avy amin'ny bokim-pianarany ny momba an'i  Pelé [22] sy Brezila, ary nazoto ery nanaraka ilay Arzantina kintan'ny baolika kitra Maradona [23] sy ny fahombiazan'ny ekipany. Nisy mpankafy nivoaka sy niraiki-po tamin'ny fanjohiana ireo tarika roa ireo nandritra ireo taompolo nanaraka.

Vakio misimisy kokoa: Tompondaka Erantany FIFA, Fahatsiarovana ny fahiny  [24]

Fankalazàna ny Amboara Erantany amin'ny fomban-dry zareo ao Bangladesh

Iray amin'ireo marika amantarana ny Bangladeshi mpankafy baolina kitra ny fanofahofàna eny an-tafontrano ny sainampirenen'ireo firenena mpanjakan'ny baolina kitra. Rafid Ishtiaque, mpianatra amin'ny taona voalohany ao amin'ny departemanta momba ny toekarena ao amin'ny anjerimanontolon'i Dhaka, nibitsika hoe:

Topimaso kely fotsiny amin'ny fientanentanan'ireo vahoaka aty amin'ity ampahan'izao tontolo izao ity ho an'ny fiadiana ny ho Tompondaka Erantany FIFA 2022 sy ny fitiavan-dry zareo an'i Brezila sy Arzantina! #Bangladesh [25] #FIFAWorldCup2022 [26] #FIFAWorldCupQatar2022 [27]@FIFAWorldCup [28] @CBF_Futebol [29] @afa [30] pic.twitter.com/dIeyejxzzO [31]

Matetika mifaninana [33] ireo mpankafy ny ekipa samihafa mba hahitàna hoe ny mpanohana ny ekipa iza no mahavita sainampirenena lehibe indrindra. Ny mpanao gazety, Saif Hasnat, no nibitsika hoe:

Namidin'ny lehilahy iray ny saha famboleny manga mba hahazoana vola hanaovana sainampirenena koreàna tatsimo mirefy efatra kilaometatra! Io lafy aziatika amin'ny Amboara Erantany FIFA io no tohanan'ilay rangahy.

Tratry ny fibitabitahana nateraky ny Amboara Erantany ilay firenena iray adalan'ny lalao cricket! https://t.co/43kQAudTYD [34]

Longest German flag (5.5. kms long) made by a Bangladeshi farmer as a tribute to the success of the German team. Screenshot from the YouTube video by Somoy News. Fair use. [36]

Ny sainampirenena alemàna lava indrindra (5,5 km ny halavany) nataona Bangladeshi iray mpiompy ho toy ny fanomezam-boninahitra ny fahombiazan'ny ekipa alemàna. Pikantsary avy amin'ny lahatsary YouTube an'ny Somoy TV [36]. Fampiasàna ara-drariny.

Ny mpanao gazety ara-panatanjahantena ho an'ny tranonkalam-baovao ety anaty tambajotra, Shafayet Islam Niloy, nibitsika hoe [37]:

Firavoravoana be ao Mymensingh raha nanandratra sainampirenena arzantina mirefy 1 kilaometatra ny mpivady iray mpankafy arzantina.

Nandanian-dry zareo vola 50.000 Taka.

Azoko antoka fa tsy nanaraka loatra ny resaka baolina kitra tato anatin'ny 4 taona ny ankamaroan-dry zareo, fa mandritra ny  #FIFAWorldCup [38] 👀 @RoyNemer [39] pic.twitter.com/2q4OpTmBYq [40]

Niloy koa nibitsika sary misy ireo mpankafy nidina an-dalambe miaraka amina famoriambahoaka ho fanohanana ny ekipa ankafiziny:

Mpankafy Arzantina mivoaka mamonjy famoriambahoaka iray tao Sirajganj #Bangladesh [25] For #FIFAWorldCup [38] @LucasBeltramo [42] @TheChiacch [43] @Radio10 [44] @RoyNemer [39] @ESPNArgentina [45]

Fahmaan, mpampiasa Twitter, mitatitra [48] hoe nolokoina araka ny lokon'i Arzantina ny posiposy iray.

Mpanohana an'i Arzantina ao Bangladesh#FIFAWorldCupQatar2022 [27] #WCC2022 [49] #Argentina [50] #FIFAWorldCup [38] #WorldcupQatar2022 [51] pic.twitter.com/zzsIrxCYAe [52]

Ampahany iray hafa manandanja ny graffiti maroloko eny an-dàlana sy eny amin'ny rindrina. Md. Arafat Islam, mpampiasa Twitter, manasongadina [54] graffiti iray avy ao Dhaka fahiny:

Isaky ny misy #FIFAWorldCup [38], Tratry ny fibitabitahana ateraky ny baolina kitra i Dhaka Fahiny ao Bangladesh. ⚽

Toerana: Kaltabazar, #Dhaka [55], #Bangladesh [25] 🇧🇩#FIFAWorldCupQatar2022 [27] pic.twitter.com/PtCJwLGlG4 [56]Z

Nayeem Hasan, injeniera, nibitsika hoe [58]:

Any Dhaka, Bangladesh.
Manomboka amin'ny fomba ôfisialy ny #FIFAWorldCup [38]. pic.twitter.com/Kyz9yOG1tH [59]

Foysal, mpampiasa Twitter, mizara [61]:

Tsapako izao fa toy ny efa miomana ho amin'ny  @FIFAWorldCup [28]. ireo mpankafy baolina kitra ao #Bangladesh [25]

Ampahany kely amin'ireo fiomanana avy ao amin'ny renivohitra #Dhaka [55] (ilay fahiny) ampiarahana amin'ity hetsika ity.@FIFAcom [62]#FIFAWorldCupQatar2022 [27] #GreatestShowOnEarth [63]#Bangladesh [25]🇧🇩 pic.twitter.com/DYccJDGOK8 [64]Z

Shafayet Islam Niloy, mpanao gazety, nibitsika hoe [66]:

Ankizy ao #Bangladesh [25] manomana ny rindrin'ny faritra amina graffiti sy loko isankarazany ho an'ilay  #FIFAWorldCup [38] ho avy sy ho fanohanana an'i #Arzantina [50] #Messi [67]

Saripika potsirina marobe

📍 Muktagacha, Mymensingh, Bangladesh
📸Hridoy Kumar Mahanta@RoyNemer [39] @afa [30] @ESPNArgentina [45] @TNTSportsAR [68] pic.twitter.com/aJdcFnkNuK [69]

Ny zavatra mahaliana dia ny hoe ireo mpilalao amin'ireny ekipa ireny tsy mahafantatra akory na kely aza [71] momba an'i Bangladesh na ireny mpankafy any ambadika ireny. Nefa ao anatin'ny vanimpotoanan'ny media sôsialy, tsikaritra ihany ny sasany amin'ireo ezaka. Ohatra, ny kaonty  Twitter Argentinian Soccer News nizara zavatra marobe avy any Bangladesh.

Mpankafy Arzantina 🇦🇷 ao Bangladesh 🇧🇩 mifamory miaraka amina sainampirenena 🇦🇷 goavana be izay lazain-dry zareo fa ny sainampirenena lava indrindra 🇦🇷 eto amin'izao tontolo izo. pic.twitter.com/bwqJyiER8v [72]

Zanakalahy ao Bangladesh 🇧🇩 izay mpankafy Arzantina nanomboka nitokona tsy nisakafo mba hanekena ny handokoana 🇦🇷 ny trano manontolo tao Albiceleste ary dia neken'ny rainy ny faniriany. Manana zanakavavy roa izy izay mpankafy Brezila 🇧🇷 ary dia tsy maintsy handoko ilay tranony iray hafa amin'ny lokon'ny Selecao. 😅 Firohotana entin'ny Fiadiana ny Amboara Erantany. pic.twitter.com/YGOICuGICJ [74]

Fahatsiarovana ny fandraisana anjaran'ireo mpiasa mpila ravinahitra tamin'ny fiadiana ny Amboara Erantany

Na nanamafy aza i Qatar fa hoe niroso tamina fanavaozana goavana ny sehatry ny asa ireo manampahefana, ny Human Rights Watch milaza [76] fa taorian'ny 2018 izy ireny no tena nampidirina, fony efa vita ny betsaka tamin'ireo asa fanorenana mifandray amin'ny fiadiana ny ho Tompondaka Erantany, ary marobe ireo mpiasa nanampy tamin'ny fanorenana ireo fotodrafitrasan'ny fiadiana izay ho Tompondaka Erantany no tsy nisitraka [77] an'ireny fanavaozana ireny sy ny rafitra fanonerana.

Vakio misimisy kokoa: Qatar refuses payoffs to FIFA World Cup 2022 workers [78] (anglisy)

Ilay mpanao gazety, Shafiqul Alam, lehiben'ny biraon'ny AFP ao Dhaka, dia nandeha nitsidika ny sasany tamin'ireo mpiasa Bangladeshis teny amin'ny toerana nanorenana ireo toeram-pilalaovana ao Qatar. Notantarainy tao amin'ny Facebook [79] ny tantara avy amin'ny mpiasa iray, Atiar:

Iray amin'ireo mpiasa an'arivony maro nanorina ny toeram-pilalaovana i Atiar, saingy tsy nandray ny karama tokony ho raisin-dry zareo. . . . Fanirian'i  Atiar ny tsy hijerenareo ireo lalao, satria azony antoka fa ireny toeram-pilalaovana ireny dia naorina avy amin'ny ràn'ireo mpiasa mpila ravinahitra. “Famadihana ny rànay ny fijerena ireny lalao ireny. Ny vato tsirairay, ny biriky tsirairay amin'ny toeram-pilalaovana dia misy piti-drà sy hatsembohanay. Kanefa, marobe aminay no tsy nandray na dia rial iray aza. Teo ambany masoandro migaina nahatratra 55°C izahay no niasa. Andro maro izahay no tsy nihinan-kanina. Teny amoron-dranomasina no natory rehefa alina. Kanefa, tsy hitan'ireo manampahefana hoe iza taminay no mba nandray karama tamin'ny asa vitany. Rehefa manao hetsipanoherana izahay, pôlisy no nalefan-dry zareo mba hanenjika ireo mpikarakara.”