Mbola any am-pihazonana i Osama al-Najjar, na dia efa roa taona aza izay no nahavitany ny saziny. Sary: Kaonty Twitter an'ilay mpikatroka
Mbola hazonina tsy araka ny lalàna ilay mpikatroka Emirati Osama al-Najjar, na dia efa roa taona aza izay no nahavitany ny saziny higadra telo volana.
Nosamborina tamin'ny 17 marsa 2014 i Al-Najjar noho ny namoahana sioka [1] miampanga fa nampijaliana ao am-ponja ny rainy, ary niantso ny hamotsorana azy sy ireo gadra noho ny fanehoan-kevitra ao amin'ny Emirà izy.
Ny rain'i Hussain Al-Najjar, dia ira amin'ireo Emirati mpikatroka miisa 94 notsaraina faobe [2] tamin'ny taona 2013 noho ny fiantsoana fanitsiana ara-politika ao amin'ny Emirà amin'ny fiampangana mifandraika “Fanohintohinana ny fiarovam-panjakana”. Mamita ny famonjàna 11 taona izy amin'izao fotoana izao.
Nanome didy [3] an'i Osama higadra telo taona araka ny lalànan'ny heloka an-tserasera miompana amin'ireo vesatra izay ahitana vesatra maro toy ny ‘fandrisihana fankahalàna’ ny fanjakana tamin'ny Novambra 2014 sy ny fanamboarana sy famelomana traonkala mpananihany sy ny fanimbana ny hevitra sy ny vaovao, ny Lapan'ny Fiarovam-Panjakana ao amin'ny Fitsarana Tampony, izay tsy misy intsony rafitra azo hanakarana fitsarana ambony kokoa intsony ny didy avoakany.
Tokon hoe navoaka izy [4] tamin'ny 17 Marsa 2017, saingy noho ny fangatahan'ny fanoavana, dia nametraka azy ho “fandrahonana” ny fiarovam-pirenena ny fitsarana ary nanitatra ny famonjana azy tsy misy fampahafantarana mazava hoe firy taona. Roa taona aty aoriana, mbola ao am-ponja tsy fanta-pahitana veroka izay fotoana hamaranana ny fihazonana azy i Osama.
Tao amin'ny fanambaràna manamarika ny tsingerintaonan'ny andro nahavitan'ny fanasaziana azy ofisialy, nilaza [5] izao teny izao ny Fanentanana Iraisampirenena ho an'ny Fahafahana ao EAM :
As there is no trial proceeding this form of detention, those transferred to such facilities can be held indefinitely with the government – rather than the judiciary – handing down punishment. This type of administrative detention grossly violates international standards of due process.
Koa satria tsy nisy fitsarana nahatonga izao endrika fihazonana izao, dia azo tazonina tsy manam-pahataperana ao anatin'ny fanasazian'ny governemanta – fa tsy fanasazian'ny rafi-pitsarana – ireo olona nafindra toerana ho amin'ny toerana tahaka ireny.
Na dia tsy voatsara ho nanao fampihorohoroana aza i Osama, dia hazonina [3] ao amin'ny fonjaben'ny al-Razeen araka ny lalàna iadiana amin'ny fampihorohoroana. Milaza [5] ny manampahefana Emirati fa ny tanjon'ireny toerana ireny dia ny haolorana tari-dalana ho an'ireo heverina ho “fandrahonana ny fanjakana”. Na izany aza, milaza [6] ny vondrona mpandala ny zo fa mampiasa ny ady amin'ny fampihorohoroana ny manampahefana sy ireo lazaina ho foibem-panoloran-kevitra ho fialàna bala hamonjana tsy manampahataperana ireo gadra noho ny fisainana.