(Lahatsoratra teny Anglisy efa tamin'ny volana Septambra 2005)
Momba ny raharaha iraisam-pirenena
Noho ny fialan'ny Israeliana [1], maro ireo zavatra voalaza ao amin'ny tontolon'ny bilaogy Jordaniana [2] mikasika an'i Palestina [3], izay samy mikasika ny fialàna sy zavatra hafa. Biesan manoritsoritra ny fanesorana ho “andro manan-tantara ho an'ny vahoaka Palestiniana ary indrindra indrindra ho an'i Gaza [4]“. Mandritra izany, Sugar Cubes mitatitra fa niakatra 48% [5]ny fanafarana entana Israeliana any amin'ny tontolo Arabo [5]tamin'ny taona 2004, ka nilaza izy hoe: “Tsy azoko mihitsy hoe nahoana isika no mila manafatra izany vokatra rehetra izany!”
Nilaza ihany koa i Biesan fa faly ery izy nahita ny “fanampiana nataon'ny Toby Fialokalofana Al Amaari tao an-tanànan'i Ramallah ao Morondrano Andrefana ho an'ireo sisa velona tamin'ny Rivo-doza Katrina [6]“, ary manamarika ny tsy fisian'ny lanja nomena io zava-nitranga lehibe io: “Raha misy Palestiniana iray nanao fanambarana diso ara-politika momba ny loza Katarina, dia efa niely nanerana ny fampahalalam-baovao ny vaovao … fihetsika tsara avy amin'ireo mpitsoa-ponenana Palestiniana [7] izany izay tsy mba hita tamin'ny haino aman-jery iraisam-pirenena. “
Naneho hevitra momba ny hevitr'i Biesan mikasika ny fiangaran'ny fampitam-baovao Amerikana, nilaza i Deeb Dweik, fa “somary tezitra kely izy” rehefa nahare momba ny lahatsoratra Amerikana iray izay milaza fa ny famonoana [8] an'i Mohammed Durra [9], izay nanampy tamin'ny fampiroboroboana ny intifada [10]dia “saika heloka bevava media tonga lafatra “.
Lulu avy ao amin'ny CafeLulu namoaka lahatsoratra miteraka fandinihana momba ny fahatsiarovana ny vono olona nataon'i Israely tamin'ny taona 1982 [11]tao amin'ny tobin'ny mpitsoa-ponenana [12]Palestiniana Sabra sy Shatilla [13], hoy izy “Hafiriana no tsy hiraharahiana ny fahafatesan'ny Palestiniana, ary zara raha mitatitra izany amin'ny vaovao? ” Sabbah avy amin'ny bilaogy Sabbah manana lahatsoratra momba ny tsy fahombiazan'ny ONU amin'ny fametrahana famaritana ankapobeny ny “fampihorohoroana” [14].
Ity volana ity ihany koa no manamarika ny famoahana ny PalestineBlogs.net [15] avy amin'ny Sabbah [16], bilaogy natokana ho fiarovana ny mpomba an'i Palestina amin'ny alalan'ny fampahafantarana ny vaovao sy ny fomba fijerin'ny tontolon'ny bilaogy.
Momba ny hetsika ao an-toerana:
Ny Alarobia faha 14 no nanamarika ny fihaonana bilaogera Jordaniana faha-enina [17]. Ny fihaonana faha-7 dia hotontosaina amin'ny 2 Oktobra.
Roba avy ao amin'ny Far Away mitatitra momba ny fandefasana sarimihetsika avy amin'ny Komitin'ny Filma Mpanjaka ahitana sarimihetsika fohy miisa 13 [18] notontosain'ilay tanora Jordaniana, “Talanjona tanteraka tamin'ny zava-misy aho fa mifantoka eo amin'ny tsikera ara-tsosialy lehibe izay mbola tsy hitako velively tamin'ny fomba toy izany teo aloha ny sasantsasany amin'ireo sarimihetsika fohy. “ Wael Attili miresaka momba ny fampirantiana [19] avy amin'ilay mpahay mari-trano Sahel Hiyari ao amin'ny Darat al Funun, hoy izy, “Tena nahavariana ahy ireo hevitra sahisahy sy ny fahazarana ara-haibika amin'ny asany.”
Eman avy amin'ny AquaCool manolotra tetikasa roa vaovao eo an-toerana [20], ny iray dia fanamboarana lalana ho an'ny bisikileta [21] ao amin'ny arabe King Abullah faha-2 [22] sy ny fanokanana hotely kintana telo ao afovoan'i Madaba [23]. Miresaka momba ny “Follow the Women (Araho ny Vehivavy) [24]ho an'ny fandriampahalemana izay handalo an'i Jordania ihany koa izy.
Ahmad Humeid nandray ny tetikasa “GPS Amman” ho toy ny ezaka tahaka ny wikipedia [25], ka mety ho tsara raha afaka manampy ny olona manana ireto fahaiza-manao manaraka izao:
- Olona zatra wiki afaka mametraka wiki ho amin'izany.
- Raha misy olona mahafantatra GPS wikis mitovy amin'izany mba hianarana.
- Raha misy olona afaka milaza aminay ny fomba ahafahan'ny mpiserasera GPS mampiasa ny angona nangonina
Jordanian Thoughts:
Lina Ejeilat manana lahatsoratra miteraka fandinihana, manontany ny toerana misy ireo mpianatra amin'ny resaka fikatrohana [26] – “Ny fankahalana sy ny tsy firaharahiana no areti-mandringana eo amin'ny tanora ao amin'ny fiarahamonintsika”. Mandritra izany fotoana izany, Linda Haddad manontany tena raha mandefitra loatra ny fitsarana Jordaniana [27]. Amin'ny fanamarihana maivamaivana kokoa, Natasha Tynes manoratra momba ny zava-niainany tamin'ny baseball [28].
Miverina miaraka amin'ny fizarana iray hafa indray i Mix Up Arabia [29] an'i Ahmad Humeid.