Vietnam: Nangataka Ireo Mpisera Aterineto Mba Hanampy Azy Hitady Ny Zanany Tsy Hita Ny Raim-pianakaviana Iray

(Marihina fa tamin'ny 25 Febroary 2010 no nanoratana ny lahatsoratra teny Anglisy)

Dimy ambinifolo taona lasa izay (2010) no nahita farany ny zanany vavy dimy taona antsoina hoe Nguyen Truong An i Nguyen Minh Chau avy any Vietnam. Efa nandeha tany amin'ny toerana maro toy ny tany an-tanàndehiben'i Ho Chi Minh , ny faritanin'i Binh Duong, ary tany Laos mihitsy aza izy mba hitady ny zanany vavy. Niseho tao amin'ny fahitalavi-pirenena sy ny onjam-peo ihany koa izy mba hangataka fanampiana. Saingy tsy nahita ny zanany vavy izy. Nangataka ^[1] ny fanampian'ireo mpisera ity raim-pianakaviana efa kivy nitady ny zanany vavy efa hatry ny ela ity.

Araka an'i Chau, izay monina ao amin'ny faritanin'ny vinanin'i Mekong any Tien Giang, tsy hita popoka tamin'ny 10 desambra 1995 ny zanany vavy. Nilalao teo akaikin'ny tranony no nahitana azy farany niaraka tamin'ny zazavavy kely iray hafa izay zanakanabaviny antsoina hoe Diem My . Samy dimy taona avokoa ireo zaza roa ireo tamin'izany fotoana izany.

Tamin'ny volana Janoary 2010, nampian'ny havany tamin'ny famoronana tranonkala i Chau mba hanangonana ny fanadihadiana sy ny tatitra momba ny zanany tsy hita. Ity ambany ity ny hafatra fampidirana ^[2] nataon'i Chau

Con tôi sinh năm 1990, bị bắt cóc từ cuối năm 1995 ngay tại quê nhà ở Tiền Giang. Bé và một bé gái khác cũng gần bằng tuổi tên Diễm My mất tích vào một buổi chiều cuối năm đó. Gia đình tôi tìm kiếm con tôi bao năm nay cùng với sự giúp đỡ của cơ quan báo, đài, công an nhưng vẫn bặt vô âm tín. Giờ tôi đành gửi gắm chút hy vọng mong manh qua trang web này.

Nankasitraka ny fanampim-baovao rehetra azony avy tamin'ny mpisera i Chau

Chúng tôi xin chân thành cảm ơn mọi thông tin về con gái chúng tôi!

^[2]

Nahasarika valiny maro tao Vietnam ny tranonkala sy ny fanapahan-kevitr'i Chau hitady ny zanany vavy. Talohan'ny faran'ny volana Janoary 2010, manodidina ny olona miisa 100.000 no efa nitsidika ny tranonkala. Naharay antso an'arivony i Chau izay naneho ny fanohanana azy.

Manantena i Chau fa afaka hanampy azy ny vondrom-piarahamonina an-tserasera. Notantarainy io faniriana io nandritra ny antsafa ^[3] niarahany tamin'ny Vietnam Bridge.

I and my wife have never stopped missing my daughter. We love our missing daughter very much. We don’t know whether she lives happily or not. Through this website, I hope that the online community will help me to find my daughter

Nalahelo hatrany ny zanakay vavy izaho sy ny vadiko. Tena tianay ny zanakay vavy tsy hita. Tsy fantatray raha miaina sambatra izy any na tsia. Amin'ny alalan'ity tranonkala ity, manantena aho fa hanampy ahy hahita ny zanako vavy ny vondrom-piarahamonina antserasera

Nifandray tamin'i Chau tamin'ny alàlan'ny adiresy mailaka izay hita tao amin'ny tranonkalany ny mpanoratra ity lahatsoratra ity. Ireto ambany ireto ny valintenin'i Chau tamin'ireo fanontaniana nalefa tany aminy:

What motivated you to establish this website?
-> I think that information about the fact that I'm finding my daughter on the website nguyenminhchau.com can be known quickly on over the world with such speed of internet. I know that she was lost 15 years ago, and I just hope that my daughter will know this information and get back to our home.

Do you believe the internet can provide some clues in the search for your missing daughter?
-> Yes, I believe that.

Have you received any lead or feedback from internet users about your daughter?
->I have received a large number of feedback, recommendation. Some of them are very useful for me to find my baby girl

So far, are you satisfied with the results or reactions you are getting ever since you established this website?
-> I'm please with help of many people, newspaper. Their help is empowering us more and more to keep finding my daughter.

 

Inona no nahatonga anao hanangana ity tranonkala ity?
-> Heveriko fa ny vaovaon'ny fitadiavako ny zanako vavy ato amin'ny tranonkala nguyenminhchau.com ity no hampahafantatra azy haingana manerana izao tontolo izao amin'ny hafangainam-pandehan'ny aterineto. Fantatro fa very izy 15 taona lasa izay, ary manantena aho fa hahafantatra izany vaovao izany ny zanako vavy ary hiverina aty an-tranonay.

Mino ve ianao fa afaka manome soso-kevitra vitsivitsy ny aterineto amin'ny fikarohanao ny zanakao tsy hita?
-> Eny, mino izany aho.

Naharay soritra na vaovao avy amin'ny mpisera aterineto momba ny zanakao ve ianao?
-> Nahazo tamberina sy torohevitra maro aho. Tena nilaiko tokoa ny sasany tamin'izy ireo mba hahitako ny zanako vavy

Hatreto, afa-po tamin'ny valinteny na ny fanehoan-kevitra azonao hatramin'ny nanangananao ity tranonkala ity ve ianao?
-> Tena faly aho tamin'ny fanampian'ny olona maro sy ny gazety. Nanome hery anay betsaka kokoa mba hitadiavana ny zanako vavy ny fanampian'izy ireo.

Nilaza i Chau fa nifandray tamin'ny olom-pirenena Amerikana iray izy izay nanolo-kevitra ny hampakatra sanda ny tranonkala nguyenminhchau.com ary hampiditra vaovao amin'ny fiteny telo samihafa: Kambodziana, Thailandey ary Shinoa. Vonona ny hanonta ny sarin'ny zanakavavin'i Chau eo amin'ny fonon'ny vokatra vokariny ny fikambanana iray manondrana entana any Kambodza.

Tamin'ny alalan'ity mailaka ity no nifandraisana tamin'i Chau sy ny havany : truonghoangthai158@yahoo.com