(Marihina fa tamin'ny 23 Janoary 2010 no nanoratana ny lahatsoratra teny Anglisy)
Nanao fihetsiketsehana manoloana ny masoivohon'i Azerbaijan tany Londres sy Paris [1] ireo mpanohana an'i Adnan Hajizade [2] sy Emin Milli [3], ireo bilaogera tanora mpikatroka nogadraina tamin'ny andro nanemoran'ny fitsarana ambony ny raharaha noho ny fangatahan'ny mpiaro tamin'ity indray mitoraka ity. Nokarakaraina niaraka tamin'ny Reporters Sans Frontieres [4] ny fihetsiketsehana tany Frantsa ary nandray anjara tamin'ny fihetsiketsehana tany Londres ny mpitarika ny media sosialy Dan McQuillan [5] .
[6]
Fihetsiketsehana tao Paris © Ehsan Meliki, nahazoana alalana avy amin'ny Komity Mpanohana an'i Emin Milli sy i Adnan Hajizade
Nanameloka ilay didim-pitsarana ny Prezidansan'ny Vondrona Eoropeana [7] , ny Antenimiera Parlemanteran'ny Vaomiera Eoropeana [8] (PACE), ny Fikambanam-Piarovana sy Fiaraha-miasa any Eoropa [9] (OSCE), ny Mpanara-maso ny Zon'Olombelona [10] ary ny Reporters Sans Frontières [11]. Gadra noho ny fanehoan-kevitra ireo lehilahy roa [12] ireo araka ny fanambarana nataon'ny Amnesty International .
Azo jerena ao amin'ny Global Voices amin'ny tamberina bilaogin'i Kaokazia 2009 [13] sy ao amin'ny Threatened Voices [14] ny tantaran'ity raharaha ity.
